Josué 10:25 - La'aqtaqa Ñim Lo'onatac 'Enauacna 2013

²⁵ huaña nache so Josué, 'enapeco': «Saishet da qayi'iitac, qataq da qauqaulleetac, qataq saishet da leuapigui ye qarvilỹaxaqui, nacherata da ỹataqta qami' qaramchiguilo qome qataq da qami' 'añaxaiqa, cha'aye 'era da 'eetec qome Ñim Nataxala' 'enauac na qampa'aguenaxauaipi.»

Josué 10:25 Referans Kwoze

2 Corintios 1:10

Qaq Ñimaye, nacheñi ñi qomi' nca'alaxateeguesopa co'ollaxa da lchec da nleuaxa. Qataq huo'o da qanaquitaxac da queto'ot da qomi' nteltegalo,

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Efesios 6:10

Qaq nagui qami' ỹaqaỹa't, qanmichiỹaique ca qara'añaxaqui maye chegoqo'ot So Cristo cam qaviñiitaique nagui.

Romanos 8:37

Qaq na'aictaxa da souaqtangui 'enauac na sa ỹaỹamaxañisat, qalaxaye ỹataqta saỹatenaqta da So Jesucristo som qomi' lauotaqa'ate, Somaye qomi' ỹanema da sauegaxanaq.

1 Samuel 17:37

Qaq Ñim Nataxala' maye aỹem nca'alaxateeguesop naxa na llon qataq na oso, Ñimaye nataqa'en aỹem nca'alaxateeguesop qome da lhuaqỹaxac de'era filisteo. Huaña nache so Saúl, 'enapeco': 'Aue qojec, qaq Ñim Nataxala' nache 'am nnaictague' qome.

Deuteronómio 7:19

Cha'aye 'enauac da qoñiita qauauañiichigui co'ollaxa da lta'araic la'añaxac Ñim Nataxala' maye Qanatamnaxala'ai, qataq 'enauac so na'anecpi qataq so ỹo'ot da na'aalaxa co'ollaq qami' nqateeguesopa ye Egipto. Qaq 'era da 'eetec qome Ñim Nataxala' 'enauac yem shiỹaxauapi maye qañi'iitega.

Salmos 77:11

Qaq nacherato' da seuennate, nam qaica ca 'ena'am da llo'oxoyec maye ỹo'otpi Ñimaye, nam ỹo'otpi co'ollaxa soua hua'au' vi'iye.

Salmos 63:9

Qaq nam ỹauotaique da aỹem ỹalauat qalaq huañi qome, nache taigui na pa'aguiñi na 'alhua.

Josué 10:8

nache Ñim Nataxala' 'enapego' somaye, 'eeta': «Saishet qome da 'añe'etega yemayepi, cha'aye aỹem 'am sanem qome da 'oxonecpi, qaq yemayepi qaica ca ishet da 'am dataỹa'aguet.»

Josué 1:6

Qaq ỹataqta 'ana'añaxat qome, qataq 'aua'añaxachigui ye 'arhuel, cha'aye 'am 'aỹa'anem qome yi'iye 'alhua ne'ena nhuo' le'ecpi da yaqto' lalamaxat, cha'aye sanem co'ollaxa da ỹa'aqtac som hua'au lta'alpi.