Josué 10:16 - La'aqtaqa Ñim Lo'onatac 'Enauacna 2013

¹⁶ qaq se'esoua cinco lta'al so amorreopi datarec co'ollaxa, nache nqañoxotoiguilo so auac ye Maceda.

Josué 10:16 Referans Kwoze

Apocalipsis 6:15

Qaq huaña, nache 'enauac na nta'alpi maye ilotague' nam netalec ana 'alhua, qataq nam 'amaqtaqaicpi shiỹaxauapi huo'o da npogoxoinaxac da 'enauac da nqañoxotoiguilo naua auaco, nataqa'en nqañoxototo naua coma'ye maye netaiguilo ana qaỹoqotcheguemec 'alhuapi. Nataqa'en nqañoxooñi na lta'alpi na huataxanaq, qataq na sallaxanecpi, qataq na 'añaxaicpi, qataq 'enauac nam nlatacpi qataq nam huesochiguiñipi.

Miqueas 7:17

Nache namayepi 'eeta'am qome na 'araxanaq da hualecta'aguet na 'alhua, qataq iviloxol da ca'ai na nqañoxotaqa'pi, qaq souaxat da lli'iỹaxa nache 'am ỹe'eguenot qome 'Am Nataxala' maye Qanatamnaxala'.

Amós 9:2

Nache na'aictaxa da taña ca ỹataqta qaỹoqchiguiña ana 'alhua da nqañoxooñi, qalaq nache sachegoxotchiguiña da ñeqatsheguem, qataq na'aictaxa da tasheguema ca ỹataqta qaỹoqotcheguema na piguem, qalaq nache sachegoxotasheguema da ñeqaañi qome.

1 Samuel 24:8

Nache so David nataqa'en chegoqtoigui so auac da ca'attaueegue somaye, nache iỹaxaatague', 'eeta': «¡'Am ỹataxala', maye 'am nta'a!» Nache co'ollaq nqoilec so Saúl, nache so David ỹa'alyiñi naua l-llecte iviraxata'aguet na latap na 'alhua.

1 Samuel 24:3

Qaq co'ollaq ivita ye naña aso qagueta laỹe', qaq nache saqaỹapeque asomaye ye naña som auac maye nqañoxottaigui so David qataq so nalleppi, nache so Saúl taiguio' somaye da yaqto' lcotela't. Qaq so David qataq so nalleppi nache huetaiguio' se'eso auac da nqañoxottañi.

1 Samuel 13:6

Nache so Israel le'ecpi qaica qanqa'en ca ldaqa', cha'aye so filisteopi iloquiaxan co'ollaxa somayepi, nache somayepi nqañoxooñi taiguilo naua auaco qataq ana llimiaxañipi, qataq taigui aso coma'pi, qataq so lca'amaxapi qataq aso lchequepi.

Jueces 6:2

Qaq souaxato' so madianiitapi da ỹataqta nquictauec da la'añaxac da ỹachoxoren so Israel le'ecpi, nache somayepi ỹo'ot so lloqtaxanaxaquipi, ỹanaigui aso qasoxonaxapi, qataq so auacpi maye nqañoxotaxaquipi.

Josué 10:5

Qaq huaña nache se'esoua cinco lta'al so amorreopi, som nta'a ye Jerusalén, qataq so nta'a ye Hebrón, Jarmut, Laquis, qataq ye Eglón, soomaye huaxaỹa't, qataq lỹatec so nalleppi nache naña ye nalotta ye Gabaón da yaqto' iloquiaxan yemaye.

Josué 10:15

Qaq co'ollaq ime de'era, nache so Josué qataq so nalleppi ỹe'eguelaxa so lanataqa' maye naña ye Gilgal,

Josué 10:17

Qalaxaye co'ollaq mashe qaỹata'ague nache qailaleguete da huetraigui so auac ye Maceda, nache qaỹa'aqtaxanem so Josué.

Salmos 68:12

«Mashe datauec so nta'alpi qataq so nalleppi.» Qaq ne'ena 'alpi maye hueta'a ne'ena nỹecpi, nache ỹanec na nhuotaxanaxat maye chegaqaigui ne'ena pa'aguenaxauapi.

Salmos 68:13

Nam 'eeta'am ana laua na qoto' maye qalapaxalec na lcat plata, qataq na laue qalapaxalec na no'on lcat oro. Qalaxaye da qoñiita huo'o na no'onaigui na 'atetpi.