Josué 10:13 - La'aqtaqa Ñim Lo'onatac 'Enauacna 2013

¹³ Nache añi nala' qataq ñi ca'agoxoic vi'iigueta, ivitta'a da so Israel le'ecpi ỹataqta nmatchiguiñi so mpa'aguenaxauapi. Qaq 'era da nanettalec aso lere so «No'on da Lataxac.» Añi nala' vi'iiguet co'ollaq huangui na laiñi na piguem, nache ivi' 'oonolec na'a'q da saishet da inoxooñi.

Josué 10:13 Referans Kwoze

Habacuc 3:11

Qaq añi nala', qataq ñi ca'agoxoic qalaq vi'iigueta, da ila'aguet na le'eraxa ana 'archecnapi, qataq na lqashelgaxa ana 'arataquiaxai.

Isaías 38:8

Aỹem seqoshaxan qome caua lỹa't diez grado so lpaqal añi nala', maye mashe ivira aso laloqnaqte añi nala' maye lalamaqte so Ajaz. Nache so lpaqal añi nala' ỹe'eguelaxa so diez grado.›»

Josué 10:14

Qaq saishet da huo'o co'ollaxa qataq qome ca na'a'q lỹa da 'eeta'am se'eso na'a'q da Ñim Nataxala' hua'axaỹa da lỹaxanaxac so shiỹaxaua, qataq da deloctapeguelec so Israel le'ecpi maye lalamaxat nhuo' le'ecpi.

Jueces 16:28

Nache so Sansón iỹaxanot Ñim Nataxala', 'eeta': «'Am Nataxala' maye Ñatamnaxala', 'Am ñachoxonnot da aỹem 'autauan na'aictaxa da nachaqnata ne'ena na'a'q da aỹem 'aỹa'anem ca ỹa'añaxac, yaqto' sepalaique ivi' souaxat da na filisteopi nqa't soua ỹa'ai'te.»

Lucas 18:7

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

Joel 3:15

Qaq huaña nache añi nala' qataq ñi ca'agoxoic, 'o'm qome, qaq anam huaqaañipi qaica qome ca le'eraxa.

Joel 2:10

Nache da nvi' namayepi nache cholaxan ana 'alhua, qataq cholaxan na piguem, qataq 'om añi nala' qataq ñi ca'agoxoic, qataq ana huaqaañipi qaica ca le'eraxa.

Salmos 148:3

¡'Am nala', qataq 'am ca'agoxoic, qavio'oxoyiñi qome Ñimaye! ¡Qami' huaqaañipi maye qami' 'ettaiguipi, qavio'oxoyiñi qome Ñimaye!

Salmos 19:4

qalaxaye da lavilỹaxac dellimigui naqa'en ana 'alhua, qataq naua la'aqtaqa ivira'alo naua loga'te ana 'alhua, maye huaña da qaỹauo'o lma' co'ollaxa añi nala'.

Ester 8:13

Qaq añi 'oonole asom nere maye huetalec da namaxasoxonaxac, iuen da qaỹa'axatec da ỹoqta namaxasoxonaxac da qaỹa'axatem 'enauac nam shiỹaxauapi, maye hueta'a na 'alhuapi, yaqto' nam judiopi naỹamaxattai' da ivita que'eca na'a'q, da yaqto' ỹe'eguelaxateguet so mpa'aguenaxauapi.

2 Samuel 1:18

qataq ỹamaxalec da qaỹapaxaguenec so shiỹaxauapi ye Judá. Qaq se'eso no'onec nanettalec aso lere so le'enaxat No'on da Lataxac, qaq somaye, 'eeta':

Isaías 24:23

Qaq qom ỹacoolec da lo'onataxanaxac Ñim Nataxala' maye Qaica ca Ỹaqalanapec huaña añi qasoxonaxa Sión, yem Jerusalén nache añi nala' qataq ñi ca'agoxoic 'om qome, nache nam lataxala'pi nam nalamaxat nhuo' le'ecpi ila'a qome da llo'oxoyec Ñim Nataxala'.

Jueces 5:2

«Qavio'oxoyiñi Ñim Nataxala', cha'aye na Israel ñaq huo'o nam ỹalleppi maye lhuotta da deloqui, cha'aye ne'ena nhuo' le'ecpi ñaq huo'o nam ỹalleppi maye lhuotta da ỹasat da qaiỹaxaasop da alaataxac.

Josué 10:11

Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.

Números 31:2

«'Apalaique qome ca lvi' na Israel le'ecpi, nache 'analaate' na madianiitapi, qaq qom ime, nache 'am qojec da 'aualegoigui so hua'au 'arhuo' le'ecpi.»

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Apocalipsis 8:12

Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.

Apocalipsis 6:12

Qaq se'eso Qagueta Llalec can qaltaq ivita da nqat aso seis soua na'anaxanaqtel, qaq samata'a, nache huo'o so lta'araic qalagoxoñi ana 'alhua. Qaq añi nala' qalaq 'om, qaq ñi ca'agoxoic qalaq ỹataqta 'eeta'am na ntago'q da ltogaxa.

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

Hechos 2:20

'Om añi nala', ñi ca'agoxoic qalaq 'eeta'am na ntago'q, qom yaqta'a da ivita ca na'a'q maye lviraxaqui Ñim Nataxala'. Que'eca na'a'q ỹataqta qaica ca 'ena'am da la'amaqchec qataq da llo'oxoyec.

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Números 21:14

Qaq ỹoqo'oye aso nere maye ỹa'axat da nalaataxac Ñim Nataxala', 'eeta': «Sa'asoxonaxalec aso Auaxai Togaxarai, qataq so la'auaxacpi ye 'alhua ye Arnón,

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Joel 2:31

Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

2 Reyes 20:10

Nache so Ezequías 'enapeco': Qalaxaye qaica ca lqalaic da hua'au qanqa'en na lpaqal añi nala', qalaxaye da qaỹe'eguelaxata da nca'ataxaatauo qanqa'en, nache huo'o da lqalaic.

Da na'aqtaguec so Job 9:7

Ñimaye ishet da 'enapega aso nala' da saishet da nnoxoosheguem, qataq ana huaqaañipi da yaqto' saishet da 'eroigui.