Josué 10:12 - La'aqtaqa Ñim Lo'onatac 'Enauacna 2013

¹² Qaq co'ollaq mashe ime da Ñim Nataxala' ỹaneguet da lhuaqỹaxac so Israel le'ecpi se'eso amorreopi, nache so Josué 'enapega Ñim Nataxala', hua'aqchigui naqa'en so nhuo' le'ecpi, 'eeta': «'Am nala', 'avi'iiguet qom huaña ye Gabaón. 'Am ca'agoxoic, 'avi'iiguet qom huaña ye ca'amegue ye Ayalón.»

Josué 10:12 Referans Kwoze

Habacuc 3:11

Qaq añi nala', qataq ñi ca'agoxoic qalaq vi'iigueta, da ila'aguet na le'eraxa ana 'archecnapi, qataq na lqashelgaxa ana 'arataquiaxai.

Isaías 38:8

Aỹem seqoshaxan qome caua lỹa't diez grado so lpaqal añi nala', maye mashe ivira aso laloqnaqte añi nala' maye lalamaqte so Ajaz. Nache so lpaqal añi nala' ỹe'eguelaxa so diez grado.›»

Isaías 60:20

Qaq añi nala' saishet qome da qaltaq inoxooñi, qataq ñi ca'agoxoic saishet qome da deqat na le'eraxa, cha'aye Aỹem maye Aỹem Nataxala', nachaỹem qome maye chochaq tatec 'arcoỹaraxanaqte, qaq naua na'axa'te maye 'arasouaxaqui' qalaq imereuo qome.

Isaías 28:21

Ñim Nataxala' nachaañi qome, 'eeta'am co'ollaq huaña añi qasoxonaxa Perasín, qataq ỹachaxan qome da lalemataic, 'eeta'am co'ollaq huaña so ca'amegue ye Gabaón, qom ỹacoolec da ỹo'ot da sa qaỹauanapega lo'onataxanaxac, qataq da ỹo'ot dam saqcha'a lo'onataxanaxac.

Salmos 19:4

qalaxaye da lavilỹaxac dellimigui naqa'en ana 'alhua, qataq naua la'aqtaqa ivira'alo naua loga'te ana 'alhua, maye huaña da qaỹauo'o lma' co'ollaxa añi nala'.

Josué 10:13

Nache añi nala' qataq ñi ca'agoxoic vi'iigueta, ivitta'a da so Israel le'ecpi ỹataqta nmatchiguiñi so mpa'aguenaxauapi. Qaq 'era da nanettalec aso lere so «No'on da Lataxac.» Añi nala' vi'iiguet co'ollaq huangui na laiñi na piguem, nache ivi' 'oonolec na'a'q da saishet da inoxooñi.

Salmos 148:3

¡'Am nala', qataq 'am ca'agoxoic, qavio'oxoyiñi qome Ñimaye! ¡Qami' huaqaañipi maye qami' 'ettaiguipi, qavio'oxoyiñi qome Ñimaye!

Da na'aqtaguec so Job 9:7

Ñimaye ishet da 'enapega aso nala' da saishet da nnoxoosheguem, qataq ana huaqaañipi da yaqto' saishet da 'eroigui.

Deuteronómio 4:19

Cha'aye sa iuena'a da qauamachiỹo'ot na piguem, nache qauloỹa'a añi nala', ca'agoxoic, huaqaañi, qataq ana laỹepi maye neto'ot na piguem, nache ishet da qauauochiỹa'ac da qanatamñiỹot. Cha'aye Ñim Nataxala' ỹo'ot co'ollaxa anamaye da yaqto' icoỹarelec 'enauac na ỹotta'a't shiỹaxauapi maye netalec ana 'alhua.

Zacarías 2:13

¡Qaq 'enauac qome na shiỹaxauapi maye netalec ana 'alhua, ỹataqta ỹe'emaqtom qom dataỹot Ñim Nataxala', cha'aye Ñimaye qomi' naỹalo qome, chegoqchiguiña añi qui'itta lalamaqte atamnaxaqui!

Habacuc 2:20

Qalaxaye Ñim Nataxala' qalaq netaigui añim qui'itta lalamaqte atamnaxaqui. ¡Qaq de'enaxaatai' qome da datato'ot Ñimaye, 'enauac nam netalec ana 'alhua!

Salmos 74:16

'Am 'aralamaxat ye na'a'q qataq ye pe, qataq 'auo'ot co'ollaxa ñi ca'agoxoic qataq añi nala',

Josué 19:42

Sagalbín, Ayalón, Jetla,

Deuteronómio 17:3

da ca'ata ca laỹe atamnaxala'pi da ỹa'aroto naua l-llecte da natamnot, huo'otaq añi nala', ca'agoxoic, huaqaañipi, maye neto'ot na piguem maye saishet da damaxasoxoolec Ñim Nataxala'.

Amós 8:9

Qaq que'eca na'a'q, 'enapec Ñim Nataxala', aỹem, so'ot qome da pal na le'eraxa añi nala' da na'a'q laiñi, nache que'eca na'a'q laiñi qalaq ỹataqta napalñi ñaqa'en ana 'alhua.

Jueces 12:12

Qaq co'ollaq ileu somaye, nache qailareña ye Ayalón, ye maiche na'alhua som lauo' le'ecpi somaye.

Jueces 5:20

Cha'aye anac aso huaqaañipi, chegoqtot na piguem da delogui' so Sísara,

1 Samuel 14:31

Nache se'eso na'a'q so Israel le'ecpi ỹalauat so filisteopi, chegoqchiguiña ye Micmas, nache ivitta'a ye Ayalón. Qalaxaye so alleppi Israel le'ecpi ỹataqta ỹaguec da nasamñi.

2 Samuel 2:12

Nache so Abner, som llalec so Ner chegoqchiguiña co'ollaxa ye Majanayin, da taỹa ye Gabaón, lỹatec so nalleppi so Isboset som llalec so Saúl.

2 Reyes 20:11

Huaña nache so na'aqtaxanaxanec Isaías, iỹaxanot Ñim Nataxala', nache Ñim Nataxala' iqoshaxan so diez grado so lpaqal añi nala', maye huichiguiña so lpaqal co'ollaq qailota'aguet so laloqnaxat añi nala' maye lalamaxat so Ajaz.

Jeremías 28:1

Qaq so ca'agoxoic cinco, maye nache huaigui se'eso vi'i, qaq de'era 'eeta', co'ollaq mashe ivi' soua cuatro vi'iye da lo'onataxanaxac so Sedequías da nta'a ye Judá, nache so na'aqtaxanaxanec Jananías, som llalec so Azur, maye lma' co'ollaxa ye Gabaón, somaye detaxaỹot so Jeremías huaña aso atamnaxaqui ỹauaachigui naqa'en so ntaxaỹaxanaxanecpi, qataq 'enauac so nhuo' le'ecpi nache, 'eeta':

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Josué 21:24

Ayalón qataq ye Gat Rimón. Nache ivi' cuatro ne'ena huaqta'a't nỹecpi maye ỹotta'a't naua nañalo, qataq lỹaueegue' na no'onaxapi maye lquia'aqa' na 'atetpi,

1 Samuel 12:18

Nache se'eso na'a'q so Samuel, iỹaxanot Ñim Nataxala', nache Ñimaye namaq so nalataxa qataq so auot, nache 'enauac so shiỹaxauapi ỹataqta qalota da lcolanaxa Ñim Nataxala' qataq so Samuel.

2 Reyes 20:9

Nache so Isaías 'enapeco': Qomye 'era qome da la'anaxat da 'auaỹaten da ỹoqta 'eesa Ñim Nataxala', da ipacchigui qome da la'aqtac, 'eeta': ¿Peta'a 'auauotaique da diez grado da hua'au na lpaqal añi nala', huo'otaq da diez grado da ñe'eguelaq na lpaqal añimaye?

2 Reyes 20:10

Nache so Ezequías 'enapeco': Qalaxaye qaica ca lqalaic da hua'au qanqa'en na lpaqal añi nala', qalaxaye da qaỹe'eguelaxata da nca'ataxaatauo qanqa'en, nache huo'o da lqalaic.

1 Crónicas 8:13

Qaq so Beria qataq so Semá, maye lataxala'ate som lauo' le'ecpi maye hueta'a co'ollaxa ye Ayalón, qaq soomaye ỹo'oldaue'c co'ollaxa som hua'auchiguiñipi da lma' co'ollaxa ye Gad.

2 Crónicas 11:10

Sorá, Ayalón qataq ye Hebrón, qaq 'eso som huaqta'a't nỹecpi maye qanpaxattaua'a co'ollaxa maye naña ye Judá qataq ye Benjamín.