Josué 10:11 - La'aqtaqa Ñim Lo'onatac 'Enauacna 2013

¹¹ Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.

Josué 10:11 Referans Kwoze

Isaías 28:2

Qaq Ñim Nataxala' mashe iqataxaatai' ñi ỹale maye sansatta, qataq 'añaxaic, 'eeta'am ca la'at da nactaigui aca lache, 'eeta'am ca la'at maye sala'axaic da la'añaxac, 'eeta'am ca auot lta'araic, qataq 'eeta'am ca chaqaic ndep da ipaxaalec naqa'en ana 'alhua. Qaq irota'a qome na lhuaq da ỹamaxañi ye Samaria nache huetaiya' naqa'en,

Jueces 5:20

Cha'aye anac aso huaqaañipi, chegoqtot na piguem da delogui' so Sísara,

Apocalipsis 16:21

Qaq na piguem qalaq chegoqo'ot aso late'erai lache, nache talec na shiỹaxauapi. Ana lache 'eeta'am da lsallaxa na coma', ỹoqo'oye da lsallaxa ivi' cuarenta kilos añi 'oonole. Qaq na shiỹaxauapi qalaq dalemataỹa qataq isheueetac Ñim Lo'onatac 'Enauacna, souaxat aso lache, cha'aye ỹataqta lta'araic da nque'eenaxac naqa'en somayepi.

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Ezequiel 13:11

Qaq ỹoqo'oye qonapega qome nam da'amnaxaatega na na'amnaxanaxat lapagaxaic da ỹa'ameetac na lque na nỹec, da namaye hua'axauec qome. Cha'aye anac qome ca lta'araic auot, qataq aca lache maye 'eeta'am na coma', qataq anac qome ca la'ana't la'at,

Isaías 30:30

Qaq Ñim Nataxala' ỹo'ot qome da qaỹa'axaỹa dam ỹo'oxoraq lavilỹaxac, qataq ỹachaxan da la'añaxac qom do'ogoxona dam chaqaic layeloxo, qataq nactaigui na le'eraxa ca norec maye ỹavigaxat 'enauacna, qataq ca nqashelgaxa, auot qataq aca lache.

Salmos 11:6

Qataq talec naqa'en na qauemaicpi, na auot maye 'eeta'am ana 'ettaigui poqo qataq na 'ettaigui quiquiaxaraic, qataq anacot ca la'at maye ỹavigaxat 'enauacna, da ỹanem namayepi da 'itchiguiñi nhuaxanaguec.

Génesis 19:24

nache Ñim Nataxala', anac naqa'en so norec, chegoqtot na piguem, qataq so 'eco' quiquiaxaraic da 'eeta'am na auot, da talec ye Sodoma qataq Gomorra,

Da na'aqtaguec so Job 38:22

¿Peta'a mashe 'avira'a da 'aumeten ye naỹamaqtaqa' ana aloñi qataq ana lache,

Deuteronómio 20:4

Cha'aye Ñim Nataxala' maye Qanatamnaxala'ai, qami' hueta'agueta, qataq Ñimaye maiche delogui' na qami' ipa'agueeta'ape, nache qami' ỹanema da qoroxoñiqui namayepi.

2 Samuel 18:8

Qaq se'eso alaataxac imattalec co'ollaxa se'eso 'alhua, qataq qalota so ileu, que'emaxam so aviaq, qaq saq 'amaqtaq so ilem so ỹeelonec.

Da na'aqtaguec so Job 38:23

maye saỹamaxattac da yaqto' samaq da ivita ca laloqo' da que'eenaxac, huo'otaq da huo'o ca loquiaxac qataq ca alaataxac?

Salmos 147:17

Qataq namaq ana lache 'eeta'am naqa'en na loiquiaxa, qaq ¿negue'tom ca nala'aguet na latomaxa anamaye?

Isaías 28:21

Ñim Nataxala' nachaañi qome, 'eeta'am co'ollaq huaña añi qasoxonaxa Perasín, qataq ỹachaxan qome da lalemataic, 'eeta'am co'ollaq huaña so ca'amegue ye Gabaón, qom ỹacoolec da ỹo'ot da sa qaỹauanapega lo'onataxanaxac, qataq da ỹo'ot dam saqcha'a lo'onataxanaxac.