Josué 10:10 - La'aqtaqa Ñim Lo'onatac 'Enauacna 2013

¹⁰ Qaq Ñim Nataxala' ỹanem se'eso nta'alpi da ỹataqta ñi'iỹa naqa'en so Israel le'ecpi, qaq ỹoqo'oye so Josué ỹataqta qalota so ỹalauat huaña ye Gabaón, qataq icaatac co'ollaxa so laỹepi huaña so nqa'aic ye Bet Jorón, nache queto'ot da ỹalauattac so amorreopi, nache iviraxatta'a ye Azecá qataq ye Maceda.

Josué 10:10 Referans Kwoze

Salmos 18:14

Ñimaye ỹasaxauec na lqashelgaxa 'eeta'am naqa'en ana checna, nache na ñepa'aguenaxauapi datauec qataq nlagaxattac.

Josué 16:5

Qaq na loga'tpi som na'alhuapi so maiche nhuo' le'ecpi maye chegoxoguetpi so Efraín, nache imattalec ye pa'aỹa'ague da yo'oxoñi ye Atarot Adar, nache ivitta'a ye pa'asheguem ye Bet Jorón.

Josué 16:3

Ime, qataq jec nache ivira'a ye pa'aỹa'ague da avit ye na'alhua so jafletiitapi, nache ivitta'a ye loga't ye Bet Jorón maye npa'aỹañi, qataq ye Guézer, nache taỹauga aso Auaxai Mediterráneo.

Isaías 28:21

Ñim Nataxala' nachaañi qome, 'eeta'am co'ollaq huaña añi qasoxonaxa Perasín, qataq ỹachaxan qome da lalemataic, 'eeta'am co'ollaq huaña so ca'amegue ye Gabaón, qom ỹacoolec da ỹo'ot da sa qaỹauanapega lo'onataxanaxac, qataq da ỹo'ot dam saqcha'a lo'onataxanaxac.

Jueces 4:15

nache Ñim Nataxala' ỹo'ot da sa ntouen so nalleppi so Sísara, qataq som netanguipi aso nalaataxaqui laigonapi lcat, co'ollaq mashe nayeeta'a da delogui' so Barac, nache so Sísara huenoteeguesop aso laigona, nache piỹañi da datauec.

Josué 15:35

Jarmut, Adulán, Soco, Azecá,

Josué 10:11

Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.

Jeremías 34:7

Qaq som nalleppi so nta'a ye Babilonia mashe iloquiaxaatac ye Jerusalén qataq ye Laquis qataq ye Azecá, maye chaqyeuate' da no'oirañi nam huaqta'a't nỹecpi maye huo'o na lpaqtaxat ye 'alhua Judá.

Salmos 78:55

Qataq nqateua'a na ỹotta'a't shiỹaxauapi ỹauaachigui naqa'en na Israel le'ecpi, qataq naloqchiichiguiñi na ỹanem 'alhua na maiche nhuo' le'ecpi, nache ỹanaña na maiche lalamaxat lanataqa'pi.

Salmos 44:3

Cha'aye saishet da nachera da lhuaqỹaxac, qataq so lainecpi so chegoqchigui da dauegaxan, somayepi saishet da maiche loxonec ne'ena 'alhua, maye nacherata da 'arhuaqỹaxac qataq da 'ara'añaxac, qataq da 'are'eraxa cha'aye 'auauotec somayepi.

2 Crónicas 14:12

Qaq huaña, nache Ñim Nataxala', ỹanem so Asa qataq so Judá le'ecpi, da loxonec so Etiopía le'ecpi, nache somayepi datauec co'ollaxa.

1 Samuel 13:18

qaq so laỹepi qalaq taigue da pa'aỹa'ague ye Bet Jorón, qaq so pa'atec laỹepi qalaq taalec ye toolec 'alhua maye pa'aỹa'ague añi lcomaraxalate maye naña ye Zeboyin.

Josué 21:22

Quibsayin qataq ye Bet Jorón, nache ivi' cuatro co'ollaxa se'eso huaqta'a't nỹecpi maye ỹotta'a't naua nañalo, qataq lỹaueegue' so no'onaxapi maye lquia'aqa' na 'atetpi.

Josué 15:41

Gederot, Bet Dagón, Noamá qataq ye Maceda. Nache da ima'a't se'eso huaqta'a't nỹecpi nache ivi' dieciséis ye lcata, qataq lỹaueegue' som lauoreuapi nma'piolec.

Josué 12:16

qataq so nta'a ye Maceda, qataq so nta'a ye Betel,

Josué 11:8

qaq Ñim Nataxala' ỹanem so Israel le'ecpi da nauec somayepi, nache iloquiaxaatac qataq icaatalec co'ollaxa somayepi, iviraxata'a ye 'amaqtaqaic huaqta'a't nỹecpi ye Sidón qataq ye Misrefot Mayin maye pa'aỹa'ague da sheu', nache iviraxatta'a ye nalochiguiñi 'alhua ye Mispá, yem pa'aỹa'ague da yo'oxoñi. Nache ỹataqta qaica ca no'onaxatañi da nca'alaxattauec.

Josué 10:28

Qataq nacheso se'eso na'a'q, da so Josué deuotaxanec so huaqta'a't nỹecpi ye Maceda, nache 'enauac da ilaxachigui, qataq damaxasoxoolec da imauec qaỹalauat so lma' yemaye, qairota'a so ỹeelonec, qataq ỹataqta qaica ca qano'onaxatañi da qanca'alaxattauec. Qaq so nta'a ye Maceda nache ỹe'enaxatchigui da 'eetec co'ollaq ỹalauat so nta'a ye Jericó.

Deuteronómio 7:23

Qalaxaye Ñim Nataxala' maye Qanatamnaxala'ai qami' ỹanema qome da qoroxoñiqui yi'iye ỹotta'a't shiỹaxauapi choche ivitta'a da nlachiguiñi qanqa'eñi.

Josué 10:9

Nache so Josué palom da queta se'eso pe chegoqchiguiña ye Gilgal, nache ỹataqta ique'elaxatta da iloquiaxan se'eso amorreopi.

1 Samuel 17:1

So filisteopi laỹona't co'ollaxa so nalleppi da yaqto' deloqui, nache laỹonqa' ye Soco, maye lalamaxat so llalaqpi so Judá, nache hua'a da lanataqa' ye Efesdamin maye vichiguinguilo yeua Soco qataq ye Azeca.

2 Samuel 22:15

Qataq 'eeta'am ana checna da anac na lqashelgaxa Ñimaye, nache ilagaxattac na ñepa'aguenaxauapi.

1 Reyes 9:17

Qaq ỹoqo'oye so Salomón qaltaq no'oxoosheguem so Guézer, Bet Jorón maye npa'aỹañi,

Salmos 68:14

Qaq Ñim Qaica ca Ỹaqalanapec co'ollaq datauec naqa'en so nta'alpi, nache ana aloñi talec añi qasoxonaxa Salmón.

Jueces 4:16

Qalaxaye so Barac icaatac so alleppi qataq aso nalaataxaqui laigonapi so Sísara, nache iviraxatta'a ye Jaroset Goyín. Nache se'eso na'a'q ỹataqta qaica da huo'otaq 'oonolec ca no'onañi da nca'altauec som nalleppi so Sísara. Nache 'enauac ileu.

Jueces 5:20

Cha'aye anac aso huaqaañipi, chegoqtot na piguem da delogui' so Sísara,

2 Crónicas 25:13

Qaq som alleppi maye ỹe'eguelaxat co'ollaxa so Amasías, da yaqto' saishet da ntaune' da nqo'ona so alaataxac, qalaq iloquiaxaatac so shiỹaxauapi maye hueta'a so huaqta'a't nỹecpi maye ỹotta'a't naua nañalo ye Judá, chegoqchiguiña naqa'en ye Samaria, nache ivitta'a ye Bet Jorón, nache somayepi ỹalauat so tres mil shiỹaxauapi, qataq ỹache so qalota nogoxoshetpi.

Isaías 30:30

Qaq Ñim Nataxala' ỹo'ot qome da qaỹa'axaỹa dam ỹo'oxoraq lavilỹaxac, qataq ỹachaxan da la'añaxac qom do'ogoxona dam chaqaic layeloxo, qataq nactaigui na le'eraxa ca norec maye ỹavigaxat 'enauacna, qataq ca nqashelgaxa, auot qataq aca lache.

Zacarías 14:3

Qalaxaye qom ime, nache anac Ñim Nataxala' da delogui' que'eca ỹotta'a't shiỹaxauapi, 'eeta'am naxa da deloctac da huo'o da alaataxac.