Josué 1:9 - La'aqtaqa Ñim Lo'onatac 'Enauacna 2013

⁹ Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Josué 1:9 Referans Kwoze

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Deuteronómio 20:1

Qom mashe qaunoxoñiiuec da qauloqui' ca qampa'aguenaxauaipi, nache da qauloỹa'a da ỹataqta qalota ca nalleppi, napacalec ye lcata da qoñiita, qataq netalec ca lalo caipi qataq aca nalaataxaquipi naigonapi, nache saishet qome da qayi'iỹai. Cha'aye qami' hueta'agueta Ñim Nataxala' maye Qanatamnaxala'ai, Ñim qami' nqateeguesopa co'ollaxa ye Egipto.

Salmos 46:7

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Isaías 43:1

Qalaxaye 'am Israel, maye 'auachegoxoguet so Jacob, Ñim Nataxala' maye 'am lo'onatac, 'eeta': Saishet qome da 'añe'etac, cha'aye Aỹem 'am ñeca'alaxatec, Aỹem sauo'o co'ollaxa da 'are'enaxat, cha'aye 'am ỹalamaxat.

Isaías 43:5

Saishet qome da 'añe'etac cha'aye Aỹem 'am soota'aguet. Qaq sachegoxotegue qome da nala' lliguisheguem qataq da nala' lliguiñi da ñe'eguelaxat qataq llaỹona't nam 'am chegoxoguetpi.

Jueces 6:14

Nache Ñim Nataxala', ỹataqta ỹalletot somaye nache, 'eeta': «'Am, qouelec qome de'era 'ara'añaxac da 'ausoueeguesop na Israel le'ecpi da la'añaxac ye madianiitapi. Qaq peta'a ¿saisheto' da Nachaỹem da 'am samaq?»

2 Samuel 13:28

Nache so Absalón 'enapega co'ollaxa so lamaxashecpi, 'eeta': «Qanauañiitac qome ñi Amnón da nỹomtac lataxa, nache qom ỹoqta taxaic, nache qom qami' shenapegalo da qaualauache, nache qaualauache qome ñimaye. Qaq saishet da qayi'iitac da qauo'oche damaye, cha'aye aỹem ỹamaxasoxonaxac. Qaq ỹoqo'oye qana'añaxache qataq qaua'añaxachiigui ye qarvilli.»

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Deuteronómio 31:28

Qaq ỹoqo'oye qanaviquiiuo 'enauac na nqueroxonecpi, qataq na lataxala'pi na maiche nalamaxat nhuo' le'ecpi, yaqto' sa'aqtaxanem namayepi ne'ena na'aqtacpi, qaq na piguem qataq ana 'alhua ỹauaachigui ñaqa'en de'era, yaqto' maiche qami' dataỹa'agueta qome.

Deuteronómio 1:21

Ñim Nataxala' maye Lo'onatac 'Enauacna qami' ỹanema ne'ena 'alhua, qaq nagui nache qoñiỹalec namaye. Huaña, nache ipacchigui da la'aqtac co'ollaxa Ñim Nataxala' maye Natamnaxala' so hua'au qarta'ailpi, qataq saishet da qayi'iitac huo'otaq da leuapigui ye qarville.›

Josué 1:10

Huaña, nache so Josué ỹanem da la'aqtac 'enauac so lataxala'pi so maiche nhuo' le'ecpi, 'eeta':

Josué 1:17

Qomi' nache 'eetai' qome da 'am salaxasoxoguet, se'enaxataqtem co'ollaxa da salaxasoxoguet so Moisés. Qalaxaye 'oonolec da seỹaxanaxaua'a, da Ñim Nataxala' maye 'Anatamnaxala' ỹataqta 'am nnaictague' qome, 'eeta'am da 'eetec co'ollaq nnaictague' so Moisés.

Josué 8:1

Ñim Nataxala' 'enapego' co'ollaxa so Josué, 'eeta': «Saishet qome da 'añi'i, qataq da 'auqalvi. 'Alaỹona't qome na 'analleppi, nache qojec da 'auotaxanec ye huaqta'a't nỹecpi ye Ai, cha'aye aỹem 'am sanem da 'oxonec qome ñi lta'a na netaña ye Ai, nataqa'en 'enauac na nalleppi, qataq ye huaqta'a't nỹecpi qataq ye na'alhuapi, nache imauec qome da 'aralamaxat.

Josué 10:8

nache Ñim Nataxala' 'enapego' somaye, 'eeta': «Saishet qome da 'añe'etega yemayepi, cha'aye aỹem 'am sanem qome da 'oxonecpi, qaq yemayepi qaica ca ishet da 'am dataỹa'aguet.»

2 Crónicas 15:7

Qalaxaye qami' qana'añaxache qome, qataq saishet da qauqaulliitac, cha'aye da qaro'onataxanaxaqui huo'o qome da nsheetenaguec.»

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Génesis 39:2

Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

Génesis 39:3

Qaq so na'aco' noma co'ollaxa da Ñim Nataxala' hueta'aguet so José, qaq ỹoqo'oye so José ỹaỹamaqchiguiñi 'enauac nam ỹo'otpi.

Deuteronómio 31:23

Qaq co'ollaq ime, nache Ñim Nataxala' ỹanem da la'aqtac so Josué, maye llalec so Nun, 'eeta': «'Ana'añaxat qome qataq 'aua'añaxachigui ye 'arhuel, cha'aye nache 'am qome da 'aunoxonacheteua'a ne'ena shiỹaxauapi ye 'alhua maye sachaxanapecot co'ollaxa ne'ena Israel le'ecpi, qaq Aỹem qome 'am soota'aguet.»

Josué 1:18

Qaq 'enauac cam 'am dataỹa'aguet, huo'otaq cam saishet da 'am ỹalaxaguet da huo'o ca 'auamaxasoxoolec, camaye qaỹalauat qome. Qaq nacherata da 'ana'añaxat qome qataq 'aua'añaxachigui ye 'arhuel.»

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

Josué 6:27

Qaq Ñim Nataxala' ỹataqta hueta'aguet so Josué, ỹoqo'oye da llo'oxoyec somaye imattalec se'eso 'alhua maye qanayeetalec.

Josué 10:25

huaña nache so Josué, 'enapeco': «Saishet da qayi'iitac, qataq da qauqaulleetac, qataq saishet da leuapigui ye qarvilỹaxaqui, nacherata da ỹataqta qami' qaramchiguilo qome qataq da qami' 'añaxaiqa, cha'aye 'era da 'eetec qome Ñim Nataxala' 'enauac na qampa'aguenaxauaipi.»

1 Samuel 10:7

Qaq qom ivita da ipacchigui 'enauac de'era 'am sa'aqtaxanem nagui, nache 'auo'ot qome ca 'aupeta'a da ỹaỹamaqchiguiñi, cha'aye Ñim Lo'onatac 'Enauacna 'am hueta'aguet qome.

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

Isaías 8:12

«Saishet qome da qauamachiỹa'ac noicnaxanaxac 'enauac nam 'eetega noicnaxanaxac ne'ena shiỹaxauapi. Saishet qome da huo'o da qarcolanqai qataq saishet da qaye'eetega, 'enauac nam ñe'etega namayepi.

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Hageo 2:4

¡Qalaxaye 'ana'añaxat nagui 'am Zorobabel! ¡Qataq 'ana'añaxat 'am Josué, maye 'am lataxala' nam ntaxaỹaxanaxanecpi! Qataq qana'añaxache 'enauac qami' nhuo' le'ecpi, maye qoñeetalec ne'ena 'alhua. Qauo'onataxañe, cha'aye Aỹem qami' soota'agueta. Qaq 'era da ỹa'aqtac Aỹem Nataxala' maye Qaica ca Seqalanapec.

Hageo 2:5

Qaq ipacchigui ñaqa'en dam qami' sachaxanapeguema co'ollaq qoquiỹa'ai ye Egipto, da so Saqcha'a Ỹa'añaxac qami' nnaictagueto. Qaq ỹoqo'oye saishet qome da qayi'iitac.