Josué 1:8 - La'aqtaqa Ñim Lo'onatac 'Enauacna 2013

⁸ Qataq 'avi'eguelaxattalec qome da 'autaxaỹaxa'n naua nanettrañi nqataxaco. Qataq 'añi'iguelaxattrauec qome naua 'ena'ape naamaye ye na'a'q qataq ye pe, yaqto' 'auo'ot na ỹamaxasoxonaxacpi. Qaq yaqto' 'enauac ca 'auacoolecpi da 'auo'ot ỹataqta ỹaỹamaqchiguiñi.

Josué 1:8 Referans Kwoze

Salmos 119:15

Qataq nache ñapaxagueetegalo qome naua 'aramaxasoxonaxaco, qataq ỹataqta selotegue da 'anqa'aicỹaxac.

Salmos 19:14

Nache ỹataqta 'auaỹamaxareete' naua ỹa'aqtaqa qataq naua iuennataxaco, 'am Ỹataxala', nache 'am maye aỹem 'aupelteetalec qataq aỹem 'ampaxattalec.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Proverbios 3:1

'Am ỹalcolec, saisheto' qome da 'aucoua'ai na ỹapaxaguenataxanaxacpi, 'oxotoigui qome da 'antoonaxac na ỹamaxasoxonaxacpi,

Deuteronómio 29:9

Ỹoqo'oye nagui, ỹataqta qaupaquiichigui qome da qauo'oche 'enauac na qalapaxañi lataxacpi de'era aỹamaxataxac, yaqto' 'enauac ca qauacoñiilec da qauo'oche, ỹataqta ỹaỹamaqchiguiñi.

Juan 14:21

Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Lucas 11:28

Qalaxaye So Jesús 'enapeco': –¡Ỹactec da machiguiñi na shiỹaxauapi maye na'axaỹaxaatega da la'aqtac Ñim Lo'onatac 'Enauacna qataq ỹalaxaguet!

Mateo 7:24

Qaq ỹoqo'oye cam ỹataqta Aỹem na'axaỹaxana qataq ỹo'ot da sheetega, qaq camaye 'eeta'am ca ỹale maye ỹataqta ỹaanaxanaxaic, maye no'oxootelec naqa'en ca ỹataqta ndota't coma' da no'oxoosheguem ca lma'.

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

Salmos 119:97

Aỹem ỹataqta sauoteque naua 'arqataxaco, ỹoqo'oye 'enauac ye na'a'q da ñapaxagueetegalo.

Mateo 7:21

Saishet da 'enauac nam iỹaxaatega da Aỹem Lataxala' da huenoxoneua'a da lo'onataxanaxac Ñim Lo'onatac 'Enauacna. Damaye saishet da nachaqrata, iuen da ỹalaxaguet na lamaxasoxonaxacpi Ñim Ita'a maye neta'ague da piguem.

Juan 13:17

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Josué 1:7

Qalaxaye 'am qome, ỹataqta 'ana'añaxat qataq 'aua'añaxachigui ye 'arhuel, qataq qoqueteguelo qome 'enauaque naua 'ena'ape naua iqataxaco maye 'am ỹanema co'ollaxa so ỹamaxashec Moisés. Naamaye ỹataqta 'auaỹamaxatteque qome, yaqto' 'enauac cam 'auacoolecpi da 'auo'ot ỹataqta ỹaỹamaqchiguiñi.

Deuteronómio 30:14

Cha'aye de'era namaxasoxonaxac, damaye saqaỹapeque da qoñiita, cha'aye damaye mashe huetaiguilo naua qa'apilli' qataq naua qarquiyaqchilli' da yaqto' qaualaqaiguet.

Deuteronómio 5:29

Qaq 'onaxaico' qome da nache 'eeta'ac de'era da lhuennataxa namayepi da aỹem ỹo'oxoreetac, qataq ỹalaxagueta naua ỹamaxasoxonaxaco, 'enauaque naua na'axa'te, yaqto' namayepi qataq na llalaqpi 'onaxaic qome da nachaalataxac.

Salmos 119:99

Da ỹaỹaanataxanaxac napacalec 'enauac na ñapaxaguenaxala'pi, cha'aye ñapaxagueetegalo naua 'aramaxasoxonaxaco.

Isaías 59:21

Ñim Nataxala', 'eeta': «Aỹem so'ot da ñaỹamaxataxac da qami' ñaỹamaxatto, da ỹa'añaxac qataq nam ỹapaxaguenataxanaxacpi maye qami' sanema, qami' sachaxanapeguema da saishet qome da qami' ca'aisalo, qataq cam qami' chegoxogueta, nache damaye qome qaica ca loga't.»

Deuteronómio 5:32

Qaq ỹoqo'oye ỹataqta qauo'oche, saishet da qauashaxañiiuec qome na qami' ỹamaxaleguete Ñim Nataxala' maye Qanatamnaxala'ai.

Deuteronómio 31:11

nache qom ivita da laỹona't na Israel le'ecpi da nqo'oneua'a ca lca'ateua'a da lanataqa' Ñim Nataxala' maye Qanatamnaxala'ai, qaq nache huaña qome camaye da qaitaxaỹaxan na nqataxacpi, hua'aqchigui qanqa'en 'enauac na Israel le'ecpi.

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

Salmos 40:10

Qataq saishet co'ollaxa da saq sa'axat da nalochiguiñi 'arataxac, nacherata da sa'axattapeguec da no'on 'arataxac qataq da 'arca'alaqtaxanaxac. Qataq saishet da soxooñi da 'arsoxoyec qataq da 'eesa lataxac, da salectaigui na qalota shiỹaxauapi.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Génesis 24:63

Somaye co'ollaq mashe avit, nache inoxonec da choche coleetac. Qaq co'ollaq namatasheguem, nache ila'agueta soua cameello maye mashe nayeetrauo.

Deuteronómio 31:24

Nache so Moisés co'ollaq ime da ỹerelec aso nere ne'ena nqataxacpi,

Josué 8:34

Huaña co'ollaxa, nache so Josué ỹataqta nlamaxaren da itaxaỹaxaatac soua ñiyigui'she na'aqtaqa maye nanettaleguete aso nere maye lmalate na nqataxacpi, qataq na nchoxonnataxanaxacpi qataq na qauem maye talec qanqa'en ca shiỹaxaua.

Deuteronómio 5:1

So Moisés iỹaxaneuga da laỹona't 'enauac so Israel le'ecpi nache, 'eeta': «Qami' Israel le'ecpi, ña qana'axaỹaxañiỹa nagui na qami' sanema nqataxacpi, qataq na qalapaxañi lataxacpi, nache qanapaxagueñiỹa qome qataq ỹataqta qauo'oche.

Deuteronómio 29:8

Nache saconaxa co'ollaxa ye na'alhua, nache sanaxam so chegoxoguetpi so Rubén, qataq so Gad, qataq so laỹepi maiche nhuo' le'ecpi maye chegoxoguet so Manasés da yaqto' lalamaxat.

2 Crónicas 26:5

Qaq somaye ỹataqta npogoxoinapegue' da pi'iỹa'a Ñim Lo'onatac 'Enauacna, co'ollaq ñaq nca'altauec so Zacarías som ỹapaxagueetac co'ollaxa da huo'o naq 'enec naqa'en Ñim Lo'onatac 'Enauacna. Qaq so Uzías co'ollaq ñaq pe'etega Ñim Nataxala', nache Ñimaye ỹanem da l-lagaxayec.