Josué 1:7 - La'aqtaqa Ñim Lo'onatac 'Enauacna 2013

⁷ Qalaxaye 'am qome, ỹataqta 'ana'añaxat qataq 'aua'añaxachigui ye 'arhuel, qataq qoqueteguelo qome 'enauaque naua 'ena'ape naua iqataxaco maye 'am ỹanema co'ollaxa so ỹamaxashec Moisés. Naamaye ỹataqta 'auaỹamaxatteque qome, yaqto' 'enauac cam 'auacoolecpi da 'auo'ot ỹataqta ỹaỹamaqchiguiñi.

Josué 1:7 Referans Kwoze

1 Crónicas 22:13

Qaq qom ỹataqta 'aualaxalec da 'auo'ot na lqataxacpi, qataq na lapaxañi lataxacpi Ñim Nataxala', maye ỹamaxalec co'ollaxa so Moisés da ỹanem na Israel le'ecpi, nache ỹataqta ỹaỹamaqchiguiñi qome 'enauac nam 'auo'otpi. Qaq ỹataqta 'ana'añaxat qome, ỹataqta 'aua'añaxachigui ye 'arhuel, qataq saishet da leuapigui da 'arvilỹaxac, qataq saishet da 'añe'etac.

Deuteronómio 5:32

Qaq ỹoqo'oye ỹataqta qauo'oche, saishet da qauashaxañiiuec qome na qami' ỹamaxaleguete Ñim Nataxala' maye Qanatamnaxala'ai.

Josué 1:8

Qataq 'avi'eguelaxattalec qome da 'autaxaỹaxa'n naua nanettrañi nqataxaco. Qataq 'añi'iguelaxattrauec qome naua 'ena'ape naamaye ye na'a'q qataq ye pe, yaqto' 'auo'ot na ỹamaxasoxonaxacpi. Qaq yaqto' 'enauac ca 'auacoolecpi da 'auo'ot ỹataqta ỹaỹamaqchiguiñi.

Proverbios 4:27

Saishet da 'axanec so 'anqa'aic, qataq 'avita'a da qoquegue ca qauem.

Josué 11:15

Ñim Nataxala' ỹanem co'ollaxa de'era lamaxasoxonaxac so Moisés, qaq so Moisés nache ỹamaxalec co'ollaxa so Josué, qaq somaye nache ỹataqta ipacchigui da ỹo'ot 'enauac damaye.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Deuteronómio 31:7

Ime, nache so Moisés iỹaxana so Josué, ỹauaachigui naqa'en 'enauac so Israel le'ecpi da 'enapega, 'eeta': «'Ana'añaxat qome, qataq 'aua'añaxachigui ye 'arhuel, cha'aye nache 'am qome 'auauega ne'ena shiỹaxauapi ye 'alhua maye ỹachaxanapec co'ollaxa Ñim Nataxala', da ỹanem so hua'au qarta'ailpi. Qataq nache 'am qome da 'anec yi'iye 'alhua da yaqto' ỹauo'o lalamaxat namayepi.

Deuteronómio 29:9

Ỹoqo'oye nagui, ỹataqta qaupaquiichigui qome da qauo'oche 'enauac na qalapaxañi lataxacpi de'era aỹamaxataxac, yaqto' 'enauac ca qauacoñiilec da qauo'oche, ỹataqta ỹaỹamaqchiguiñi.

Deuteronómio 28:14

qataq da saishet da qoca'ai ne'ena na'aqtacpi da yaqto' qoquegue ca laỹepi atamnaxala'pi.

Proverbios 8:20

Aỹem shectegue so nalochiguiñi nqa'aic, qataq da llec naua no'o'n lataxaco.

1 Reyes 2:3

Ñaq 'aualaxagueto' qome naua lamaxasoxonaxaco Ñim Nataxala' maye 'Anatamnaxala', qataq 'auo'ot nam 'eetapeguecpi Ñimaye, qataq 'aupacchiguilo naua lqataxaco, lamaxasoxonaxaco, qataq naua lapaxayiñi lataxaco maye ỹelyiñi co'ollaxa so Moisés. Yaqto' maicheye cam qoueta'ague, qalaq nquictasheguem qome da ỹaỹamaqchiguiñi 'enauac nam 'auacoolec da 'auo'ot.

Números 27:23

Nache ỹashel-lec na lqaic qataq ỹanagui da lo'onataxanaxac, nache ipacchigui naqa'en da lamaxasoxonaxac Ñim Nataxala'.

Josué 1:1

Qaq co'ollaq mashe ileu so Moisés, maye lamaxashec Ñim Nataxala', nache Ñim Nataxala' detaxaỹapegue' so Josué, maye llalec so Nun, maye maiche ltaua so Moisés, 'eeta':

Deuteronómio 11:8

Qaq ỹoqo'oye ỹataqta qaupaquiitelec qome 'enauac na namaxasoxonaxacpi maye qami' sanema nagui, yaqto' huo'o da qara'añaxaqui da qaua'axasoxoñiilec ye tala Jordán, da yaqto' qoñiỹalec yi'iye 'alhua,

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Josué 23:6

Qaq ỹoqo'oye, ỹataqta qana'añaxache qome da qaualaqaiguet qataq qauo'oche 'enauac nam nanettañi lqataxacpi so Moisés, nache ỹataqta qaupaquiitelec da qauo'oche.

1 Reyes 2:2

«Aỹem, mashe yaqta'a da seleu, da sheeta'am 'enauac so shiỹaxauapi maye ca'ai ana 'alhua. Ỹoqo'oye nacherata da 'ana'añaxat qome, qataq 'auacono' da lataxac ca ỹale.

2 Reyes 22:2

Qaq so Josías, ỹo'ot co'ollaxa nam ỹataqta ỹaỹamaxareeta Ñim Nataxala', cha'aye icaachigui da no'on lataxac so lta'a David, da ỹataqta saishet da dasheuec.

2 Crónicas 15:7

Qalaxaye qami' qana'añaxache qome, qataq saishet da qauqaulliitac, cha'aye da qaro'onataxanaxaqui huo'o qome da nsheetenaguec.»

Da na'aqtaguec so Job 1:8

Nache Ñim Nataxala' inato' somaye, 'eeta': «¿Peta'a 'auauatton ca ỹamaxashec Job? Camaye ỹataqta qaica ca 'ena'am nam huetalec ana 'alhua, da ỹataqta Aỹem ỹalaxaguet, qataq no'on da lataxac qataq qaica ca ỹasouaxat, qataq saishet da huo'otaq huo'o ca ỹo'otec ca sa ỹaỹamaxañi.»

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Deuteronómio 4:2

Qataq saishet qome da qanqotchiñiiuec, huo'otaq da huo'o ca qanqache ne'enaua na'aqtaqa maye qami' samaxaleguete, nacherata da qaualaqaigueta qome ne'enaua lamaxasoxonaxaco Ñim Nataxala' maye Qanatamnaxala'ai.

Deuteronómio 29:8

Nache saconaxa co'ollaxa ye na'alhua, nache sanaxam so chegoxoguetpi so Rubén, qataq so Gad, qataq so laỹepi maiche nhuo' le'ecpi maye chegoxoguet so Manasés da yaqto' lalamaxat.

2 Crónicas 26:5

Qaq somaye ỹataqta npogoxoinapegue' da pi'iỹa'a Ñim Lo'onatac 'Enauacna, co'ollaq ñaq nca'altauec so Zacarías som ỹapaxagueetac co'ollaxa da huo'o naq 'enec naqa'en Ñim Lo'onatac 'Enauacna. Qaq so Uzías co'ollaq ñaq pe'etega Ñim Nataxala', nache Ñimaye ỹanem da l-lagaxayec.

Salmos 80:19

'Am Atamnaxala' maye Qaica ca 'Auqalanapec, qomi' 'anauaxaỹaxayeshegue'm qome, ñaq 'ano'onaxat da 'armeenaxanaxac da qomi' 'anamata'alo, qataq qomi' 'anca'alaxatrec.