Biblia Todo Logo
Bib sou entènèt

- Piblisite -




Josué 1:6 - La'aqtaqa Ñim Lo'onatac 'Enauacna 2013

6 Qaq ỹataqta 'ana'añaxat qome, qataq 'aua'añaxachigui ye 'arhuel, cha'aye 'am 'aỹa'anem qome yi'iye 'alhua ne'ena nhuo' le'ecpi da yaqto' lalamaxat, cha'aye sanem co'ollaxa da ỹa'aqtac som hua'au lta'alpi.

Gade chapit la Kopi




Josué 1:6
36 Referans Kwoze  

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.


Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»


Qalaxaye 'am qome, ỹataqta 'ana'añaxat qataq 'aua'añaxachigui ye 'arhuel, qataq qoqueteguelo qome 'enauaque naua 'ena'ape naua iqataxaco maye 'am ỹanema co'ollaxa so ỹamaxashec Moisés. Naamaye ỹataqta 'auaỹamaxatteque qome, yaqto' 'enauac cam 'auacoolecpi da 'auo'ot ỹataqta ỹaỹamaqchiguiñi.


Qaq nagui qami' ỹaqaỹa't, qanmichiỹaique ca qara'añaxaqui maye chegoqo'ot So Cristo cam qaviñiitaique nagui.


Ỹataqta qanloitec, qataq qana'añaxacheetec da qarpi'iỹaxaqui. Qaue'enaxache ca shiỹaxaua ỹataqta qaramchigui qataq 'añaxaic.


'Am ỹalec Timoteo, Ñim Lo'onatac 'Enauacna ỹataqta lta'araic da lauoche 'am, cha'aye 'aua'amaqten So Jesucristo. Qaq no'on da 'auỹaxanot Ñimaye da 'am ỹami' ca 'ara'añaxac da yaqto' 'anala'aguet 'enauac na chochena.


Qaq ỹoqo'oye ỹataqta 'antoueeta'ac qome da Ñim Nataxala', 'am lca'aua'a da yaqto' 'ano'oxoosheguem ca nỹec maye lanataqa' qome ñimaye. Ỹoqo'oye 'ana'añaxatat qome, nache 'auacoolec da 'auo'ot camaye.»


Qaq qom ỹataqta 'aualaxalec da 'auo'ot na lqataxacpi, qataq na lapaxañi lataxacpi Ñim Nataxala', maye ỹamaxalec co'ollaxa so Moisés da ỹanem na Israel le'ecpi, nache ỹataqta ỹaỹamaqchiguiñi qome 'enauac nam 'auo'otpi. Qaq ỹataqta 'ana'añaxat qome, ỹataqta 'aua'añaxachigui ye 'arhuel, qataq saishet da leuapigui da 'arvilỹaxac, qataq saishet da 'añe'etac.


¡Qalaxaye 'ana'añaxat nagui 'am Zorobabel! ¡Qataq 'ana'añaxat 'am Josué, maye 'am lataxala' nam ntaxaỹaxanaxanecpi! Qataq qana'añaxache 'enauac qami' nhuo' le'ecpi, maye qoñeetalec ne'ena 'alhua. Qauo'onataxañe, cha'aye Aỹem qami' soota'agueta. Qaq 'era da ỹa'aqtac Aỹem Nataxala' maye Qaica ca Seqalanapec.


¡Qaq ỹoqo'oye ỹataqta 'aupi'iỹa'a qome Ñim Nataxala'! ¡Qataq ỹataqta 'ana'añaxat, saishet da 'auqalvi! ¡Aja', ỹataqta 'aupi'iỹa'a qome Ñim Nataxala'!


Qaq 'era da la'aqtac, Ñim Nataxala' maye Qaica ca Ỹaqalanapec: «Qana'añaxache qome, qami' maye qaua'aqaichigui se'esoua na'axa'te, da la'aqtaxanaxac so na'aqtaxanaxanecpi, chegoqchiguiña so na'a'q co'ollaq qalapaxañi so lo'oxonaxala', da yaqto' qaltaq qano'oxoosheguem añi atamnaxaqui, maye lalamaqte Ñim Nataxala' maye Qaica ca Ỹaqalanapec.


«Aỹem, mashe yaqta'a da seleu, da sheeta'am 'enauac so shiỹaxauapi maye ca'ai ana 'alhua. Ỹoqo'oye nacherata da 'ana'añaxat qome, qataq 'auacono' da lataxac ca ỹale.


qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.


¡Qana'añaxache qome qami' filisteopi, yaqto' saishet da qaviyeeta'a da qami' l-lataqa ye hebreopi, yaqto' saishet da qoñiita'am yemayepi da choche qal-latacpi! ¡Saishet da qayi'iitac, qauacoñiỹa da qami' ỹale't da qauloqui!


Qaq co'ollaq ime, nache Ñim Nataxala' ỹanem da la'aqtac so Josué, maye llalec so Nun, 'eeta': «'Ana'añaxat qome qataq 'aua'añaxachigui ye 'arhuel, cha'aye nache 'am qome da 'aunoxonacheteua'a ne'ena shiỹaxauapi ye 'alhua maye sachaxanapecot co'ollaxa ne'ena Israel le'ecpi, qaq Aỹem qome 'am soota'aguet.»


Ñim Nataxala' maye Lo'onatac 'Enauacna qami' ỹanema ne'ena 'alhua, qaq nagui nache qoñiỹalec namaye. Huaña, nache ipacchigui da la'aqtac co'ollaxa Ñim Nataxala' maye Natamnaxala' so hua'au qarta'ailpi, qataq saishet da qayi'iitac huo'otaq da leuapigui ye qarville.›


Qaq ỹoqo'oye ỹataqta qaupaquiitelec qome 'enauac na namaxasoxonaxacpi maye qami' sanema nagui, yaqto' huo'o da qara'añaxaqui da qaua'axasoxoñiilec ye tala Jordán, da yaqto' qoñiỹalec yi'iye 'alhua,


¡Qaq 'ana'añaxat qome! ¡Ña'añaxataq da seloquiaxalec na qarhuo' le'ecpi, qataq na huaqta'a't nỹecpi maye lalamaxat Ñim Lo'onatac 'Enauacna! Qaq Ñim Nataxala' maiche ỹo'ot qome cam 'eetapeguec.»


Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.


«Ne'ena 'alhua da 'aỹa'anec, nache ỹataqtac 'anqa'en da 'aỹa'anem ca lalamaxat na maiche nalamaxat nhuo' le'ecpi maye mashe qoỹettañi.


Qauacoñiỹa qome yi'iye 'alhua, nache qoñiỹalec, cha'aye qami' sanema da yaqto' qaralamaxache.


Cha'aye Aỹem, qami' sanema da qaralamaxache, qaq nache qoqui da yaqto' qoñiỹalec yemaye, cha'aye sanem co'ollaxa da ỹa'aqtac so Abraham, Isaac qataq so Jacob da sanem yi'iye 'alhua qataq nam chegoxoguetpi soomaye.›»


Qaq 'enauac cam 'am dataỹa'aguet, huo'otaq cam saishet da 'am ỹalaxaguet da huo'o ca 'auamaxasoxoolec, camaye qaỹalauat qome. Qaq nacherata da 'ana'añaxat qome qataq 'aua'añaxachigui ye 'arhuel.»


Qaq cha'aye so Israel le'ecpi coleetapeguelec co'ollaxa ye toolec 'alhua soua cuarenta vi'iye, nache ivitta'a da ileu 'enauac so alleppi maye nalaataxaicpi maye chegoqtaua'a co'ollaxa ye Egipto, souaxat da sa ỹalaxaguet Ñim Nataxala'. Ỹoqo'oye Ñim Nataxala' ỹan co'ollaxa so la'aqtac da yaqto' somayepi saishet da ivira'a da imeten yi'iye 'alhua maye ỹachaxanapeguem co'ollaxa so hua'au lta'alpi, yem 'alhua maye huaña da sa qoue na nallec.


huaña nache so Josué, 'enapeco': «Saishet da qayi'iitac, qataq da qauqaulleetac, qataq saishet da leuapigui ye qarvilỹaxaqui, nacherata da ỹataqta qami' qaramchiguilo qome qataq da qami' 'añaxaiqa, cha'aye 'era da 'eetec qome Ñim Nataxala' 'enauac na qampa'aguenaxauaipi.»


Qaq ỹauaachigui ñaqa'en qome na Israel le'ecpi da so'orauec 'enauac ye sidoniopi, qataq 'enauac yem nalec aye qasoxonaxapi, nache chegoqchiguiña ye Líbano, nache ivitta'a ye Misrefot Mayin. Qalaxaye 'am qouapegue' qome da 'aỹa'anem na Israel le'ecpi ne'ena 'alhua da yaqto' ỹauo'o lalamaxat, nache ipacchigui qome da 'am samaxalec.


Huaña, nache so Josué 'enapego' se'eso Israel le'ecpi, 'eeta': «¿Negue't ca qauacheeta'a da yaqto' qauacoñiỹa da qoñiỹalec na 'alhuapi maye qami' ỹanema Ñim Nataxala' maye Natamnaxala' som hua'au qarta'ailpi?


Qaq 'era da 'eetec Ñim Nataxala' da ỹanem co'ollaxa so Israel le'ecpi 'enauac se'eso 'alhuapi, maye ỹachaxanapecot co'ollaxa so hua'au lta'alpi, huaña nache so Israel le'ecpi nalec co'ollaxa se'eso 'alhuapi.


Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.


Qalaxaye qami' qana'añaxache qome, qataq saishet da qauqaulliitac, cha'aye da qaro'onataxanaxaqui huo'o qome da nsheetenaguec.»


'Am Qanatamnaxala', ỹauaachigui co'ollaxa 'anqa'en ne'ena 'aralamaxat nhuo' Israel le'ecpi da 'auo'orauec som shiỹaxauapi maye netalec co'ollaxa ne'ena 'alhua, nache 'aỹa'anem co'ollaxa nam chegoxoguetpi so 'anauochaxaua Abraham, da yaqto' nache 'eetai' da lalamaxat 'anqa'en.


Qaq namayepi nagui, qomi' isheetenegueta da anac da qomi' iloquiaxa'n, qataq qomi' ỹo'oldauec da yaqto' qolqa'ai ne'ena 'alhua maye qomi' 'aỹa'anema co'ollaxa da ỹataqta qaralamaxat.


Swiv nou:

Piblisite


Piblisite