Josué 1:5 - La'aqtaqa Ñim Lo'onatac 'Enauacna 2013

⁵ Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Josué 1:5 Referans Kwoze

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Deuteronómio 20:4

Cha'aye Ñim Nataxala' maye Qanatamnaxala'ai, qami' hueta'agueta, qataq Ñimaye maiche delogui' na qami' ipa'agueeta'ape, nache qami' ỹanema da qoroxoñiqui namayepi.

2 Timoteo 4:17

Qalaxaye So Qarataxala' Jesús aỹem itauan, qataq aỹem ỹami' da ỹa'añaxac da ña sepactelec da sa'axat da na'aqtac maye chegaqaigui da nca'alaxa, yaqto' hua'axaỹa de'era 'enauac na saq judiopi. Qaq nache 'eetec de'era da aỹem nca'alaxateeguesop da loxonaxanaxac nam dequi'iỹapec 'eeta'am ca shiguiỹac.

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Romanos 8:37

Qaq na'aictaxa da souaqtangui 'enauac na sa ỹaỹamaxañisat, qalaxaye ỹataqta saỹatenaqta da So Jesucristo som qomi' lauotaqa'ate, Somaye qomi' ỹanema da sauegaxanaq.

Josué 1:17

Qomi' nache 'eetai' qome da 'am salaxasoxoguet, se'enaxataqtem co'ollaxa da salaxasoxoguet so Moisés. Qalaxaye 'oonolec da seỹaxanaxaua'a, da Ñim Nataxala' maye 'Anatamnaxala' ỹataqta 'am nnaictague' qome, 'eeta'am da 'eetec co'ollaq nnaictague' so Moisés.

Deuteronómio 7:24

Qaq qami' ỹanema da qoroxoñiqui ye lta'alpi yemayepi, ivitta'a da ỹataqta pal qanqa'eñi na le'enaxatpi yemayepi, cha'aye saishet da qami' nalo'ogueta qome da qami' deloguito.

Josué 6:27

Qaq Ñim Nataxala' ỹataqta hueta'aguet so Josué, ỹoqo'oye da llo'oxoyec somaye imattalec se'eso 'alhua maye qanayeetalec.

Deuteronómio 31:23

Qaq co'ollaq ime, nache Ñim Nataxala' ỹanem da la'aqtac so Josué, maye llalec so Nun, 'eeta': «'Ana'añaxat qome qataq 'aua'añaxachigui ye 'arhuel, cha'aye nache 'am qome da 'aunoxonacheteua'a ne'ena shiỹaxauapi ye 'alhua maye sachaxanapecot co'ollaxa ne'ena Israel le'ecpi, qaq Aỹem qome 'am soota'aguet.»

Deuteronómio 4:31

qaq cha'aye Ñimaye choxonnataxanaxaic, nache saishet da qami' sa ichoxore'n, huo'otaq da qami' nlaxaayiñi, qataq saishet da icoua'ai da ỹan la'aqtac maye 'eetega ipacchigui co'ollaq naỹamaxate' so hua'au qarta'ailpi.

Josué 10:8

nache Ñim Nataxala' 'enapego' somaye, 'eeta': «Saishet qome da 'añe'etega yemayepi, cha'aye aỹem 'am sanem qome da 'oxonecpi, qaq yemayepi qaica ca ishet da 'am dataỹa'aguet.»

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Jueces 6:16

Nache Ñim Nataxala' 'enapego' somaye, 'eeta': «Aỹem 'aupi'iỹa'a qome, cha'aye Aỹem, 'am soota'aguet. Qaq ỹoqo'oye 'am 'oxonec qome ye madianiitapi, nache yemayepi 'eeta'am qome ca 'oonolec shiỹaxaua da 'oxonec.»

1 Samuel 10:7

Qaq qom ivita da ipacchigui 'enauac de'era 'am sa'aqtaxanem nagui, nache 'auo'ot qome ca 'aupeta'a da ỹaỹamaqchiguiñi, cha'aye Ñim Lo'onatac 'Enauacna 'am hueta'aguet qome.

1 Reyes 1:37

Qaq da 'eetec Ñim Lo'onatac 'Enauacna, co'ollaq 'am hueta'aguet 'am nta'a, qaq nachera da 'eetec qome da hueta'aguet so Salomón, qataq que'eca lo'onataxanaxac da nta'a somaye, napactelec qome da 'eetec da 'aro'onataxanaxac, 'am ỹataxala' David.

1 Reyes 6:13

Qaq Aỹem, nache salectaigui qome na Israel le'ecpi, qataq saishet da salat ne'ena nhuo' le'ecpi Israel le'ecpi maye ỹalamaxatpi.»

1 Reyes 8:57

Qaq nagui, Ñim Nataxala' maye Qanatamnaxala', ñaq qomi' hueta'agueta, 'eeta'am co'ollaq hueta'aguet so hua'au qarta'alpi, qataq saishet qome da qomi' ca'aisalo qataq da qomi' ỹala't,

1 Reyes 11:38

Qaq qom ỹataqta 'aualaxaguet 'enauac na 'am samaxalecpi, qataq da qoquetegue da ỹecỹaxac, qataq 'auo'ot nam saỹamaxareetapi, qataq 'aupacchigui na iqataxacpi, qataq na ỹamaxasoxonaxacpi, da 'eeta'am da 'eetec co'ollaxa so ỹamaxashec David, nache Aỹem, 'am soota'aguet qome, nache saishet da seraxanai' da lo'onataxanaxac da nta'a que'eca 'aỹa'alaqpi, 'eeta'am co'ollaxa da sheetec so David, nache 'am sami' qome da 'aulo'ogue na Israel le'ecpi.

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

Isaías 42:16

Qaq na qanamaicpi qalaq quetegue ñaqa'en ca nqa'aicpi qataq na sa lca'ague ñecpiolec maye sa ỹauana namayepi. Qataq ỹauaachigui qome ñaqa'en namayepi da nam napalaxa nmeneguet ñaqa'en na yo'oqchiguiñi, qataq nalochiguiñi ñaqa'en na sa naloguiñi 'alhua. Qaq Aỹem so'ot qome 'enauac ne'enapi cha'aye saishet da salat nam ỹalamaxatpi.

Jeremías 1:8

Qaq saishet qome da huo'o ca 'aye'etega, cha'aye Aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Daniel 11:16

Qaq que'eca alleppi maiche ỹoiqueetac qome cam ỹo'otec cam loxonecpi, cha'aye qaica ca ishet da dataỹa'aguet, nache camayepi naña qome ca ỹataqta 'onaxaic 'alhua, nache ilaxachigui 'enauac ca huetangui na llec.

Génesis 39:2

Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

Deuteronómio 20:1

Qom mashe qaunoxoñiiuec da qauloqui' ca qampa'aguenaxauaipi, nache da qauloỹa'a da ỹataqta qalota ca nalleppi, napacalec ye lcata da qoñiita, qataq netalec ca lalo caipi qataq aca nalaataxaquipi naigonapi, nache saishet qome da qayi'iỹai. Cha'aye qami' hueta'agueta Ñim Nataxala' maye Qanatamnaxala'ai, Ñim qami' nqateeguesopa co'ollaxa ye Egipto.

Josué 21:44

Nache Ñim Nataxala' ipacchigui so ỹan la'aqtac maye ỹachaxanapeguem co'ollaxa so hua'au lta'alpi somayepi. Huaña, nache huo'o da nlagaxayec 'enauac se'eso 'alhuapi maye qanayeetalec. Nache so mpa'aguenaxauapi na Israel le'ecpi, saishet da ỹañoxot da dataỹa'aguet somayepi, cha'aye Ñim Nataxala' ỹanem da loxonec co'ollaxa somayepi.