Josué 1:2 - La'aqtaqa Ñim Lo'onatac 'Enauacna 2013

² «So ỹamaxashec Moisés mashe ileu, qaq ỹoqo'oye 'am nagui qojec da 'aua'axasoxoolec so tala Jordán, 'arỹa'ata 'enauac ne'ena nhuo' Israel le'ecpi da qanqo'oñiita ye 'alhua maye qami' sanema qome.

Josué 1:2 Referans Kwoze

Deuteronómio 3:28

Qaq nacherata da 'auapaxaguen qome, 'aua'añaqchet, qataq qaramchigui 'anqa'en so Josué, cha'aye nacheso qome so lataxala' ne'ena nhuo' le'ecpi, qataq ỹanem qome yi'iye 'alhuapi maye choche 'aumeten nagui.

Deuteronómio 31:7

Ime, nache so Moisés iỹaxana so Josué, ỹauaachigui naqa'en 'enauac so Israel le'ecpi da 'enapega, 'eeta': «'Ana'añaxat qome, qataq 'aua'añaxachigui ye 'arhuel, cha'aye nache 'am qome 'auauega ne'ena shiỹaxauapi ye 'alhua maye ỹachaxanapec co'ollaxa Ñim Nataxala', da ỹanem so hua'au qarta'ailpi. Qataq nache 'am qome da 'anec yi'iye 'alhua da yaqto' ỹauo'o lalamaxat namayepi.

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Josué 1:11

«Qanqo'oñiỹa qome 'enauac nam lanataqa'pi na nhuo' le'ecpi, nache qauamaqailec de'era, 'eeta': ‹Qauqataxañiitai' 'enauac ca npe'lpi qataq cam qanallecpi. Cha'aye qom ñaq nte'etom ca lỹa na'a'q, nache sa'axasoxonaxalec qome so tala Jordán, da yaqto' sonaqalec yi'iye 'alhua maye qomi' ỹanema Ñim Nataxala' maye Qanatamnaxala' da yaqto' ỹataqta qaralamaxat.›»

Josué 1:1

Qaq co'ollaq mashe ileu so Moisés, maye lamaxashec Ñim Nataxala', nache Ñim Nataxala' detaxaỹapegue' so Josué, maye llalec so Nun, maye maiche ltaua so Moisés, 'eeta':

Números 12:7

qalaxaye da ỹamaxashec Moisés, qalaq saishet da nache 'eetec de'era ñaqa'en. Cha'aye damaye nacherata ipe'et, qaica ca 'ena'am da ỹalectaigui na ỹalamaxatpi nhuo' le'ecpi,

Deuteronómio 34:5

Qaq nache huaña ye Moab da ileu so Moisés maye lamaxashec Ñim Nataxala', nache ipacchigui da la'aqtac Ñim Nataxala',

Da na'aqtaguec so Job 1:8

Nache Ñim Nataxala' inato' somaye, 'eeta': «¿Peta'a 'auauatton ca ỹamaxashec Job? Camaye ỹataqta qaica ca 'ena'am nam huetalec ana 'alhua, da ỹataqta Aỹem ỹalaxaguet, qataq no'on da lataxac qataq qaica ca ỹasouaxat, qataq saishet da huo'otaq huo'o ca ỹo'otec ca sa ỹaỹamaxañi.»

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Nehemías 9:23

Qataq 'aỹa'anem da ỹataqta qalota so llalaqpi somayepi, 'eeta'am ana huaqaañipi maye neto'ot na piguem, qataq 'aunoxonaqcheteua'a ye 'alhua maye 'auachaxanapeguem co'ollaxa da 'aỹa'anem so hua'au lta'alpi.