Josué 1:17 - La'aqtaqa Ñim Lo'onatac 'Enauacna 2013

¹⁷ Qomi' nache 'eetai' qome da 'am salaxasoxoguet, se'enaxataqtem co'ollaxa da salaxasoxoguet so Moisés. Qalaxaye 'oonolec da seỹaxanaxaua'a, da Ñim Nataxala' maye 'Anatamnaxala' ỹataqta 'am nnaictague' qome, 'eeta'am da 'eetec co'ollaq nnaictague' so Moisés.

Josué 1:17 Referans Kwoze

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

1 Reyes 1:37

Qaq da 'eetec Ñim Lo'onatac 'Enauacna, co'ollaq 'am hueta'aguet 'am nta'a, qaq nachera da 'eetec qome da hueta'aguet so Salomón, qataq que'eca lo'onataxanaxac da nta'a somaye, napactelec qome da 'eetec da 'aro'onataxanaxac, 'am ỹataxala' David.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Mateo 21:9

Nache 'enauac nam shiỹaxauapi maye hua'auta qataq nam nca'ataxaatauo ỹataqta ỹa'alaqtagui, 'eeta': «¡Qomi' 'anca'alaxatre'c, 'am maye 'am Lca'aguishec Ñim Lo'onatac 'Enauacna! ¡Ỹataqta no'on da 'icỹaxac 'am maye 'auanactaigui da le'enaxat Ñim Lo'onatac 'Enauacna! Qomi' 'anqouagueque, ¡qomi' 'anca'alaxatre'c, 'am maye 'Aro'onatac 'Enauacna qataq 'am 'amaqtaqaic!»

Salmos 20:9

'Am Nataxala', ñaq 'aỹa'anem da doxonaxan qome ñi nta'a, qataq qomi' 'auasategueta da 'am seỹaxanaqtacot.

Salmos 20:4

Qataq ipacchigui naqa'en 'enauac na qonetapeguecpi, qataq imeta naqa'en 'enauac na huotaique da 'auo'otpi.

Salmos 20:1

Ñim Nataxala' 'am hua'axaỹa qom qouetapoigui da 'arhuogoxo, qataq 'am iueelec qome Ñim Natamnaxala' so Jacob.

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

1 Samuel 20:13

Qalaxaye ñi ita'a, qom qauem ca lhuennataxac da qoneta, qaq Ñim Nataxala' ỹataqta lta'araic qome naqa'en ca ñeuaxanaguec, da saishet da 'am sesoxon da yaqto' 'ananeltaxan. ¡Qaq Ñim Nataxala' ỹataqta 'am itauan qome, 'eeta'am da 'eetec co'ollaq itauaatac ñi ita'a!

Josué 1:16

Nache somayepi ỹasateguet so Josué, 'eeta': «'Enauac nam qomi' 'auamaxaleguete so'otaq qome, qataq saxague cam qomi' 'auamaxaguelo.

Josué 1:18

Qaq 'enauac cam 'am dataỹa'aguet, huo'otaq cam saishet da 'am ỹalaxaguet da huo'o ca 'auamaxasoxoolec, camaye qaỹalauat qome. Qaq nacherata da 'ana'añaxat qome qataq 'aua'añaxachigui ye 'arhuel.»

Números 27:18

Nache Ñim Nataxala' 'enapega so Moisés, 'eeta': So Josué maye llalec so Nun, somaye netaigui da na'añaxac. Qaq 'aỹaxana qome somaye, nache 'auashel-lec na lqaic.

Números 27:20

qataq 'aỹa'anem ca laỹolec de'era 'am hueto'ot maye huo'o naq 'enec, yaqto' 'enauac na nhuo' le'ecpi da ỹalaxaguet qome somaye.

Deuteronómio 34:9

Qaq so Josué maye llalec so Nun, ỹataqta huo'o da laỹaanec, cha'aye so Moisés ỹashel-lec co'ollaxa somaye, qaq na Israel le'ecpi ỹataqta ỹalaxaguet somaye, da ỹo'ot na lamaxasoxonaxacpi Ñim Nataxala' maye ỹamem co'ollaxa so Moisés.

Josué 4:14

Qaq se'eso na'a'q nache Ñim Nataxala' ỹo'ot da so Israel le'ecpi ỹa'aalac, qataq huo'o naq 'enec naqa'en so Josué, ỹe'enaxattem da 'eetec co'ollaxa da hueta'aguet so Moisés, 'enauaque naua na'axa'tesa'ache da nachaalataxac.

1 Samuel 17:37

Qaq Ñim Nataxala' maye aỹem nca'alaxateeguesop naxa na llon qataq na oso, Ñimaye nataqa'en aỹem nca'alaxateeguesop qome da lhuaqỹaxac de'era filisteo. Huaña nache so Saúl, 'enapeco': 'Aue qojec, qaq Ñim Nataxala' nache 'am nnaictague' qome.

2 Samuel 14:17

Qaq ana'ana 'aramaxashe iuatta'a ca 'ara'aqtac, 'am ỹataxala' da yaqto' machiguiñi 'anqa'en, cha'aye 'am nta'a, qoneta'am ca lamaxashec piguem le'ec Ñim Lo'onatac 'Enauacna, da ishet da ỹaỹaten ca 'onaxaic qataq ca qauem, qaq Ñim Nataxala' 'am hueta'aguet qome.