Josué 1:15 - La'aqtaqa Ñim Lo'onatac 'Enauacna 2013

¹⁵ ivitta'a da Ñim Nataxala' ỹanem nataqa'en namayepi ca nmataqa', 'eeta'ama qami' da mashe qami' ỹanema, qataq ivitta'a da ỹataqta lalamaxat namayepi yi'iye 'alhua maye Ñim Nataxala' ỹanem qome namayepi. Huaña qome nache ishet da qañi'iguelaqaita na qana'alhuai maye mpa'aỹa'ague na nala' lliguisheguem ye tala Jordán, da yaqto' nache qoñiỹalec ne'ena 'alhua maye qami' ỹanema co'ollaxa so Moisés, som lamaxashec Ñim Nataxala'.»

Josué 1:15 Referans Kwoze

Filipenses 2:4

Qataq saishet qome da huo'o ca ỹa'auaxaañi da nmitaique ca maiche laỹamaxa. Nachaqcata cam nataqa'en ishet da ỹaỹamaxaañi ca lỹa.

Gálatas 5:13

Qami' ỹaqaỹa't, Ñim Lo'onatac 'Enauacna qami' iỹaxanalo da yaqto' qami' huesochiyiñi. Qalaxaye saishet da qauo'ogoxoñiỹa damaye da yaqto' qauo'oche ca qauem. Nachaqrato' da ñi 'oonolec huapegue' ca lỹa souaxat da qarsoxoyiqui.

1 Corintios 13:5

Qataq saishet da sa ncherapec, qataq saishet da napagaqaanaxaic. Qataq saishet da inogoqchet ca camachaqca. Qataq saishet da ima'ape naua na'axa'te da iuennatega ca qaỹo'otec sa ỹaỹamaxañi.

1 Corintios 12:26

Qaq ỹoqo'oye da huo'o ca 'oonolec ca pa'aigue ne'ena nogoxoshetpi da daỹalli, nache 'enauac na laỹepi nataqa'en daỹalli. Qataq da huo'o ca 'oonolec ca pa'aigue da qaỹo'oxoren, qaq nataqa'en na laỹepi ivirauga da ntootapigui'.

Gálatas 6:2

Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.

Deuteronómio 3:20

Qaq nache qaica qome ca ñe'eguelaq da ñaq saxanaxa da nalec yi'iye 'alhua na qarqaỹaipi, da yaqto' machiguiñi, 'eeta'ama qami', qom nalec yi'iye 'alhua maye pa'aỹa'atague da le'ego ye tala Jordán, maye ỹanem qome Ñim Lo'onatac 'Enauacna.»

Josué 1:1

Qaq co'ollaq mashe ileu so Moisés, maye lamaxashec Ñim Nataxala', nache Ñim Nataxala' detaxaỹapegue' so Josué, maye llalec so Nun, maye maiche ltaua so Moisés, 'eeta':

Josué 1:14

Qalaxaye qano'onaxachiỹañi qome ana qaramoxouaipi qataq na qaỹa'alquipi, qataq na qareloipi da hueta'a qome ne'ena 'alhua maye qami' ỹanema co'ollaxa so Moisés, maye mpa'aỹa'ategue na le'ego ye Jordán. Qalaxaye 'enauac qami' 'añaxaicpi qataq alaataxaicpi, qauacoñiỹa qome ca qaro'ogoxonaxache, nache qaua'aviita'ague da taỹa'ague na qarqaỹaipi da yaqto' qautauañi namayepi,

Josué 1:16

Nache somayepi ỹasateguet so Josué, 'eeta': «'Enauac nam qomi' 'auamaxaleguete so'otaq qome, qataq saxague cam qomi' 'auamaxaguelo.

Deuteronómio 3:18

Qaq se'eso na'a'q qami' sanema co'ollaxa de'era ỹamaxasoxonaxac, 'eeta': «Ñim Nataxala' maye Qanatamnaxala'ai, qami' ỹanema ne'ena 'alhua da yaqto' qaralamaxache. Qaq na ỹalleppi maye ỹaỹaten da nalaataxac, nache hua'auta'ague qome da llec na lqaỹañecpi da taitague da le'ego.

Deuteronómio 9:1

So Moisés qaltaq detaqa, 'eeta': «Ñaq aỹem qana'axaỹaxañiỹa qami' Israel le'ecpi, cha'aye mashe ivita nagui da qaua'axasoxoñiilec ye tala Jordán da yaqto' qauo'oyiỹauec, qataq qauacoñiỹa ye na'alhuapi ye shiỹaxauapi maye qami' napacaleguete da la'amaqchec, qataq da la'añaxac, qataq netaigui ye huaqta'a't nỹecpi maye ỹataqta qaỹoqotcheguemec na lpaqtaxat.

Josué 22:1

Qaq huaña, co'ollaxa nache so Josué iỹaxaneuga so maiche nhuo' le'ecpi maye chegoxoguetpi so Rubén qataq so Gad, qataq so laỹe so maiche nhuo' le'ecpi maye chegoxoguetpi so Manasés,