Jonás 4:9 - La'aqtaqa Ñim Lo'onatac 'Enauacna 2013

⁹ Qalaxaye Ñim Lo'onatac 'Enauacna, 'enapego' so Jonás, 'eeta': «¿Peta'a ỹaỹamaqchiguiñi 'anqa'en da 'aualemata souaxat da deqaqa so nshe'ela?» Nache so Jonás, 'enapeco': «Aja', ỹataqta salemata, souaxat da deqaqa so nshe'ela.»

Toba del Oeste

⁹ Qalaĝaja da'me male Dios 'yateguet: «¿Qo'li auen 'noota da'me 'uo da'me adalemataic, queda'me yajouaĝat da'me auana jajo'me epaqole da'me male daqaqa?» Qama'le 'yateguet joñe'me Jonás: «¡Jen 'noota jaĝa'te da'me dojo'! ¡Jayem yataqachiñe 'uo da'me yalemataic!»

Jonás 4:9 Referans Kwoze

Da na'aqtaguec so Job 18:4

'Am maye maiche 'anlaxattapeguela't souaxat da 'aralemataic, qalaxaye saishet da nachera da ỹo'ot da toolec naqa'en ana 'alhua, qataq ana coma'pi da ca'ai ca netaña.

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

Jueces 16:16

Qaq souaxato' da 'enauaque soua na'axa'te da sa ỹalemaxat, qataq saq ỹaxaañi da inatto'ot somaye aso Dalila, nache so Sansón ỹataqta qaica ca lama', nache naconapeguela't da huotaique da ileu.

Apocalipsis 9:6

Qaq qom qanayeetaiguilo que'ecaua cinco ca'agoxoiqa, nache na shiỹaxauapi maye qaisoc co'ollaxa, ỹataqta huo'o da lyaxa da nache ileu, qalaxaye saishet da ileu. Cha'aye da nleuaxa qalaq 'eeta'am da dataueeguesop namayepi.

2 Corintios 7:10

Da Ñim Lo'onatac 'Enauacna da qami' ỹaquicoqche't, nache saishet qome da qoquiitega, cha'aye de'era qaraquicoqoi damaye qami' ỹo'otegueta da qanaralaxache da qarataxaqui qataq qauỹaxañiỹaique da qami' qaichoxore'n qataq qami' qanca'alaxatre'c. Qalaxaye da naquicoxo maye chegaqaigui nam qauem maye huetalec ana 'alhua, nachaqrata maye ishet da dalaataxan.

Mateo 26:38

nache 'enapegalo' soomaye, 'eeta': «Aỹem ỹataqta ỹaguec da ỹaquicoxo, qataq ñanomteguet da saỹa'a da seleu, qoviita'a qome ne'ena, qataq saishet qome da qauo'oche.»

Da na'aqtaguec so Job 36:18

Qataq 'antela'aguet qome da choche 'am qaisheeten, qataq saishet da 'anañaneguet da 'am loxonec da nsallaxa.

Jonás 4:1

Qaq so Jonás ỹataqta dalemata co'ollaxa, cha'aye sa ỹaỹamaxaren de'era ỹo'ot Ñim Nataxala'.

Jonás 4:8

Qaq co'ollaq nnoxoosheguem aso nala', nache Ñim Lo'onatac 'Enauacna, namaq so la'at ỹataqta dapaqa chegaqa'ague da nala' lliguisheguem, nache ỹavigaxat na lqaic so Jonás, nache somaye nomteguet da lquisheuguetaxa, nache nhuooteguela't da ileu, nache, 'eeta': «'onaxaico' da seleu, cha'aye saq 'ena'am da ñeca'altauec.»

Jonás 4:10

Nache Ñim Nataxala' 'enapego' so Jonás, 'eeta': «'Am ỹataqta huo'o' da 'arauoche so nshe'ela, qamaq saishet da 'aỹa'aañi qataq saishet da 'auo'ot da lañaxataxac, somaye ñaxat so 'oonolec pe, qaq so lỹa pe nache deqaqa.

1 Reyes 21:4

Nache so Ajab, jec co'ollaxa ỹe'eguelaxa so lma', qalaxaye ỹataqta daquico, qataq qaica ca lama', souaxat de'era la'aqtac so Nabot da, 'eeta': «Saishet da 'am sanem na 'alhua maye aỹem no'onaxata'aguet soua ita'al, da yaqto' ỹalamaxat naqa'en.» Qaq co'ollaq ivireuo somaye, nache nnaañi, datatot so lque so nỹec, qataq sa deque'e.