Jonás 4:8 - La'aqtaqa Ñim Lo'onatac 'Enauacna 2013

⁸ Qaq co'ollaq nnoxoosheguem aso nala', nache Ñim Lo'onatac 'Enauacna, namaq so la'at ỹataqta dapaqa chegaqa'ague da nala' lliguisheguem, nache ỹavigaxat na lqaic so Jonás, nache somaye nomteguet da lquisheuguetaxa, nache nhuooteguela't da ileu, nache, 'eeta': «'onaxaico' da seleu, cha'aye saq 'ena'am da ñeca'altauec.»

Toba del Oeste

⁸ Mane'e ca'li nenoĝojeguem jañe'me ajeua, qama'le joñe'me Dios en yajediñe jo'me layat jo'ne 'uo jena'me lauaqayaĝac jo'ne ja yaueta, 'me chiyoĝogue jena'me nete', qama'le nach'e ena'am jena'me ajeua lauaq da'me tachi'ña ñe'me Jonás, choqoda'me yataqachiñe tachigui jena'me laqaic joñe'me. Chane'eja joñe'me male nomeguet da'me 'uo da'me lecopechaĝac choqoda'me male jetaque yeleu joñe'me. Chane'eja male enaac: «P'ajaye 'noota ta'le paja'a jayem qaya.»

Jonás 4:8 Referans Kwoze

Jonás 4:3

Qaq ỹoqo'oye nagui 'am seỹaxanot 'Am Nataxala', da nache tachiguiña 'anqa'en da ñachaalataxac, 'onaxaico' da seleu, cha'aye saq 'ena'am da ñeca'altauec.»

Ezequiel 19:12

Qalaxaye sa qaicherapec co'ollaq qanapogosheguem, nache huetaiya' qanqa'en. Nache so la'at maye chegaqa'ague da nala' lliguisheguem deqaqa naqa'en, nache naañi ana ala uvapi, qataq deqaqa aso qaramta lcouepi, nache qaỹasaxangui so norec.

Salmos 121:6

Ỹoqo'oye añi nala' saishet da 'am na'aqchet ye na'a'q, qataq ñi ca'agoxoic ye pe.

Apocalipsis 7:16

Qataq mashe saishet da ilem na lqouaxa qataq na laquip; qataq da ỹavigaxat na le'eraxa añi nala', qataq da iqalleeteguem na napaxaỹaxa.

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Isaías 49:10

Qaq huaña qome nache qaica ca qarqouaqai qataq saishet da qaviñiitaique ca qaraquipi, qataq saishet da qami' sa ỹalemaxa't na le'eraxa añi nala', qataq na napaxaỹaxa, cha'aye aỹem qami' sauoteque, nache qami' sauecta'agueta, qataq qami' sauegalo ca huaña na npaxaatasheguem 'etaxat.

Jonás 1:17

Qalaxaye Ñim Nataxala', mashe ỹaqataxaatai' co'ollaxa aso nỹaq late'e da yaqto' iuoxonañi naqa'en so Jonás. Nache so Jonás ivi' soua tres na'axa'te qataq soua tres pe' da huetaigui na lauel asomaye.

Jonás 1:4

Qalaxaye Ñim Nataxala', anacot so la'at lta'araic ỹasheerelec naqa'en aso auaxai, qaq cha'aye ỹataqta lta'araic se'eso la'at, nache 'eeta'am da huotaique dolagui naqa'en aso notaxaqui.

Cantares 1:6

Saishet qome da qaualleetagui da ỹaueraxa, na'aictoxo' da ỹavigaxat na ỹo'oc añi nala'. So ỹaqaỹañicpi aỹem dalemataỹa co'ollaxa nache aỹem ỹamaxalec da selo'ogue so nañiguishe uva lma'pi, ¡qaq nache secoua'ai da selo'ogue ana maiche ỹañiguishe!

Salmos 39:9

Aỹem se'enaxat da qaicaua naua ỹa'aqtaqa, nache ỹataqta qaica ca ñasaxauec ỹa'aqtac, cha'aye nache 'am maye 'auo'ot de'era.

Da na'aqtaguec so Job 2:10

Qalaxaye so Job 'enapeco': «¡'Am 'alo, saishet da 'anasaxauec de'era sa ỹaỹamaxañi! Cha'aye qomi' saconaxaguet 'enauac na ỹaỹamaqchiguiñisat maye qomi' namaxalo Ñim Lo'onatac 'Enauacna, qalaq ¿ta'ainco' taxa da saisheto' da sa saconaxaguet nataqa'en ca sa ỹaỹamaxañi?» Qaq 'era da 'eetec da huaigui so Job, qalaxaye somaye qaica ca lasouaxashet, ivira'alo naua la'aqtaqa.

1 Samuel 3:18

Nache so Samuel ỹataqta ỹa'axatta 'enauac na na'aqtacpi, qaica ca ỹoxooñi, nache so Elí 'enapeco': ¡Ñimaye nacheñi Ñim Nataxala'! ¡Qaq maiche ỹoiqueetac qome da ỹo'ot cam ỹaỹamaxareeta Ñimaye!

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Mateo 20:12

nache qoỹeetega so 'aco': «Se'eso pa'atecpi da do'onataxan so mashe inoxootañi aso nala', somayepi nache 'ena'am 'anqa'en da qansheetenaguec qomi' maye so'onataxanaqtac so na'axalom, ñeque'eenaqtapigui so ntap. Qaq de'era saishet da ỹaỹamaxañi.»

1 Reyes 19:4

Qaq ime, nache tauga so toolec 'alhua, nache queuoteguelec so 'oonolec na'a'q, huaña nache taỹot so lpaqal asotai' qo'oipaqole le'enaxat retama da nso'ooñi. Nache nhuootapeguela't, qataq nshetaique da nache ileu, nache 'eeta': «¡'Am Nataxala', 'onaxaictaxa da nache tachiguiña de'era, qaq no'on da 'anqat da ñachaalataxac, cha'aye saishet da no'on da ỹataxac da sheeta'ama soua ita'al!»

Oseas 13:15

Qaq na Israel, na'aictaxa qome da dasovi da 'eeta'am aca huoue, qalaxaye anac qome ca la'at maye chegaqa'ague da nala' lliguisheguem, cam lta'araic la'at maye chegoqtelec ye toolec 'alhua, nache deqaqa naqa'en ana laỹe'pi na 'etaxat qataq na npaxaatasheguem 'etaxat. Qataq na npa'aguenaxauapi namayepi deuotaxanec qome na logoxoshetpi, qataq nam ỹataqta no'on no'otaxatpi.

Jonás 4:9

Qalaxaye Ñim Lo'onatac 'Enauacna, 'enapego' so Jonás, 'eeta': «¿Peta'a ỹaỹamaqchiguiñi 'anqa'en da 'aualemata souaxat da deqaqa so nshe'ela?» Nache so Jonás, 'enapeco': «Aja', ỹataqta salemata, souaxat da deqaqa so nshe'ela.»

Génesis 41:6

Ime, qaltaq ñaxatrec soua lỹa't siete ala na trigo maye daqaqte', qataq ỹavigaxatte' so la'at quenaquiaxaic.

1 Reyes 21:4

Nache so Ajab, jec co'ollaxa ỹe'eguelaxa so lma', qalaxaye ỹataqta daquico, qataq qaica ca lama', souaxat de'era la'aqtac so Nabot da, 'eeta': «Saishet da 'am sanem na 'alhua maye aỹem no'onaxata'aguet soua ita'al, da yaqto' ỹalamaxat naqa'en.» Qaq co'ollaq ivireuo somaye, nache nnaañi, datatot so lque so nỹec, qataq sa deque'e.

Da na'aqtaguec so Job 7:15

Qaq ỹoqo'oye 'onaxaictaxa da qaivigoqot na ỹoqosot, nache saishet da queta da nca'altauec de'era ñachaalataxac.

Eclesiastés 7:9

Saishet qome da 'aua'aqta'a da 'am ỹauectac da nalemataic, cha'aye damaye lalamaxat cam shiỹaxaua maye qaica ca ỹaỹaanapec.