Jonás 4:5 - La'aqtaqa Ñim Lo'onatac 'Enauacna 2013

⁵ Huaña nache jec so Jonás, ca'ai se'eso huaqta'a't nỹecpi, nache taỹa ye pa'aigue da nala' lliguisheguem, yem huaña da ỹo'ot so lpaqalaxaqui nache taỹot so lpaqal somaye, da yaqto' ỹauaachigui ca 'eetec ca lataxac se'eso huaqta'a't nỹecpi.

Toba del Oeste

⁵ Chane'eja joñe'me Jonás male ca'e di'me noic, qama'le dajoyi ga'me ua'ague jena'me nete', qama'le ua'a da'me male ya'uo ga'me lepaqaliaqa' jo'ne nach'ega ne'tot jena'me lepaqal, qa'a te'me yeuate'ta da'me yauana ga'me qo'yetec di'me noic.

Jonás 4:5 Referans Kwoze

1 Reyes 19:13

Nache so Elías co'ollaq hua'axaỹa somaye, nache nacona'a so lapo' da ỹapogui na lashec, nache pa'auec, nache hua'a so ñegueuo se'eso auac. Nache hua'axaỹa so na'aqtac, 'eeta': Elías, «¿negue't ca 'auo'ottac da qoueta'a ne'ena?»

1 Reyes 19:9

Qaq huaña yemaye nache taigui so auac, nache huetaigui se'eso pe. Qalaxaye Ñim Nataxala' 'enapega somaye, 'eeta': «Elías, ¿negue't ca 'auo'ottac da qoueta'a ne'ena?»

Isaías 57:17

Qaq souaxat nam qauem lqopitaxanaqtaic na ỹalamaxat nhuo' le'ecpi, nache salemata co'ollaxa qalaq saqaỹauec so ỹalemataic, nache seuaxan co'ollaxa qataq sheca'ai namayepi, qalaxaye namayepi sa ỹalaq co'ollaxa nache quegue na maiche lhuennataxacpi.

Jonás 1:5

Nache so lo'opi aso notaxaqui, ỹataqta lta'araic da lli'iỹaxa, nache ñi 'oonolec somayepi nqouagaxaunot so ỹotta'a't natamnaxala'pi, qataq ỹasaxangui so 'etaxat so lla'acpi, maye huetangui aso nnotaxaqui da yaqto' huaỹoxootegue naqa'en asomaye. Qaq so Jonás qalaxaye nale'ena co'ollaxa da taña so pa'aguiñi aso notaxaqui nache do'ocheta.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Jonás 4:4

Nache Ñim Nataxala' 'enapego' somaye, 'eeta': «¿Peta'a ỹaỹamaqchiguiñi 'anqa'en da 'aualemata?»

Jonás 4:6

Qaq Ñim Nataxala' maye Lo'onatac 'Enauacna, nañaxat naqa'en so nshe'ela, da yaqto' ipelteetalec naqa'en na lqaic somaye, nache so Jonás ỹataqta machiguiñi souaxat se'eso nshe'ela.