Jonás 4:3 - La'aqtaqa Ñim Lo'onatac 'Enauacna 2013

³ Qaq ỹoqo'oye nagui 'am seỹaxanot 'Am Nataxala', da nache tachiguiña 'anqa'en da ñachaalataxac, 'onaxaico' da seleu, cha'aye saq 'ena'am da ñeca'altauec.»

Toba del Oeste

³ Chane'eja, am Jaliaĝanec, am ñachoĝodenot qaedi auen yem da'me ñejiyaĝauayaĝac; p'ajaye 'noota ta'le paja'a jayem qaya.»

Jonás 4:3 Referans Kwoze

1 Reyes 19:4

Qaq ime, nache tauga so toolec 'alhua, nache queuoteguelec so 'oonolec na'a'q, huaña nache taỹot so lpaqal asotai' qo'oipaqole le'enaxat retama da nso'ooñi. Nache nhuootapeguela't, qataq nshetaique da nache ileu, nache 'eeta': «¡'Am Nataxala', 'onaxaictaxa da nache tachiguiña de'era, qaq no'on da 'anqat da ñachaalataxac, cha'aye saishet da no'on da ỹataxac da sheeta'ama soua ita'al!»

Eclesiastés 7:1

Ỹactec da ỹaỹamaqchiguiñi da no'on da na'aqtaguec cam shiỹaxaua, qaq saq 'ena'am cam ỹataqta no'on coraxat. Ỹactec da no'on cam na'a'q maye huetoigui ca nleuaxa, qaq saq 'ena'am cam na'a'q maye huetoigui da nañoxoc.

Números 11:15

Cha'aye da qoqueto'ot da aỹem 'auo'otec de'era, qaq no'ono' da aỹem 'auchoxoren da 'anqat da ñachaalataxac, qom 'eesa da aỹem 'auauotec. Yaqto' saishet da ñeque'etaxaachigui de'era qauem.»

Jonás 4:8

Qaq co'ollaq nnoxoosheguem aso nala', nache Ñim Lo'onatac 'Enauacna, namaq so la'at ỹataqta dapaqa chegaqa'ague da nala' lliguisheguem, nache ỹavigaxat na lqaic so Jonás, nache somaye nomteguet da lquisheuguetaxa, nache nhuooteguela't da ileu, nache, 'eeta': «'onaxaico' da seleu, cha'aye saq 'ena'am da ñeca'altauec.»

Números 20:3

nache 'eetega so Moisés, 'eeta': ¡'Onaxaictoxo' co'ollaxa da nataqa'en seleuaq, da shenaqta'am so qarqaỹañecpi maye ỹalauat Ñim Nataxala'!

1 Corintios 9:15

Qalaxaye aỹem saishet da huo'o ca huaña da qami' sequicto'oto, qataq saishet da qami' samaxalo ana'ana ỹere da sauotaique da huo'o ca aỹem qaỹa'añim. ¡Cha'aye ỹataqta 'onaxaic ñaqa'en da seleetañi' de'era ỹo'onataxanaxac, saq 'ena'am da huo'o ca chegoqtec da aỹem illapeguem de'era ỹo'onataxanaxac maye maiche iuennataxac da saishet da qaisheeten!

Jeremías 8:3

Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.

Jonás 4:4

Nache Ñim Nataxala' 'enapego' somaye, 'eeta': «¿Peta'a ỹaỹamaqchiguiñi 'anqa'en da 'aualemata?»

Eclesiastés 7:9

Saishet qome da 'aua'aqta'a da 'am ỹauectac da nalemataic, cha'aye damaye lalamaxat cam shiỹaxaua maye qaica ca ỹaỹaanapec.