Jonás 3:8 - La'aqtaqa Ñim Lo'onatac 'Enauacna 2013

⁸ Nacherata da 'enauac na shiguiỹacpi da qaỹauo'o ca lapo', qaq na shiỹaxauapi qalaq ỹaayiñi qome caua sansatte' alogo, maye naigui da huo'o da nqui'ic, nache iỹaxanot Ñim Lo'onatac 'Enauacna, qataq ñi 'oonolec ỹaxanec qome ca qauem lataxac, qataq da layeloxo.

Toba del Oeste

⁸ Dite da'me ademiya da'me ami auaeñidiñe gaa'me nouo jo'ne ena'am ta'le jiyac layoĝot da'me 'loyaĝac, qa'a nach'egaua jo'ne laloĝoqui da'me 'uo da'me nayaliaĝa, qama'le nach'e ena'am da'me a'nañaĝachi da'me aviyaĝañiya joñe'me Dios. Nataq'aen da'me ami onolqa'tape da'me aĝañidiñe naa'me jo'ne mach'e at'amaqatenataĝanaĝacodi' jo'ne ja 'noe'n, choqonaa'me mach'e adoecodi' jo'ne ami 'yañaqatetapeque da'me adepatenaĝanaĝaqui jo'ne 'uo chayovida'a nayi.

Jonás 3:8 Referans Kwoze

Jonás 1:6

Nache so lataxala' so lo'opi aso notaxaqui nqo'ooña so huetaña so Jonás, nache 'enapega, 'eeta': «¿Ta'ainco' da 'auo'ocheta? ¡Qoñisheguem ña 'anqouagaxaunot ca 'anatamnaxala'! shapegueto' da 'am hua'axaỹa, nache qomi' huapegueto da qomi' nca'alaxatrec.»

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Jonás 1:14

Nache somayepi nachoxonnot Ñim Nataxala', 'eeta': «'Am Nataxala', 'am ñachoxonnaqot nagui da saishet da qomi' 'aualaua't, da sasouaxalec de'era shiỹaxaua, qataq saishet da qomi' 'aumataleguete da l-leuaxa damaye da qaica ca ỹasouaxat. Cha'aye 'Am Nataxala', nache 'am maye 'aro'onatac de'era.»

Isaías 59:6

Qaq nam palachiyaxa lo'oxonec saishet da qaỹo'oxonaxana da qaỹo'ot ca nogoxot, qaica ca ishet da ỹaañi nam lo'oxonec namayepi. Nam ỹo'ottacpi namayepi qalaq nda'a't da nalaataxanaxac, nam lo'onatac naua lhuaxaye qalaq ỹo'ot da qaica ca qairen,

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Mateo 3:8

Ỹataqta qauachaxañiita da qarataxaqui da qaỹa'axañiiue'c naua qauema maye qauo'ocheeta'ape.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Jeremías 18:11

Qaq nagui 'aua'aqtaxanem na shiỹaxauapi na Judá, qataq na lma' na Jerusalén, da aỹem Nataxala', shenapega namayepi, sheeta': ‹Mashe huo'o dam llapaqtegueñi da yaqto' qami' sataỹa'agueta, Aỹem mashe iuennataxa da qami' seuaxa'n. Ñaq qoquiỹa'ai qome som qauem nqa'aic, nache qano'onaxache da qarataxaqui qataq da qaro'onataxanaxaqui.›»

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Da na'aqtaguec so Job 16:17

Qaq na'aictaxa da saỹauanapega da huo'o ca so'otec ca qauem, qataq ỹataqta no'oitegue da ñatamnaxac.

Da na'aqtaguec so Job 36:10

Qataq ỹa'axaỹaqchetec da lhuogoqtaxanaxac, qataq 'enapega da ca'ai na saỹaỹamaxañesat.

Jeremías 25:5

Somayepi qami' 'enapegalo co'ollaxa, 'eeta': ‹Qaỹa'axañiiuec da qauem qarataxaqui qataq nam qauem maye qauo'ocheetac, yaqto' nache 'eetai' da qoñiitalec ne'ena 'alhua maye Ñim Nataxala' qami' ỹanema co'ollaxa qataq som hua'au qarta'ailpi.

Jeremías 26:3

Shapegueto' da ishet da 'am ỹalaxaguet da ỹaxaañi da qauem lataxac, yaqto' Aỹem saishet da sepaguelec dam seuennatega co'ollaxa da sauo'o ca nhuaxanaguec, souaxat nam qauem maye ỹo'otpi.

Jeremías 36:3

Saiuena'a na Judá le'ecpi da huo'otaq ỹaỹaten 'enauac nam qauempi maye huotaique da ñamaxa namayepi, nache ishet da ỹaxanec dam qauem lataxac, nache Aỹem sechoxoren qome namayepi qataq sapalaxat nam lasouaxashetpi.»

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.