Jonás 3:6 - La'aqtaqa Ñim Lo'onatac 'Enauacna 2013

⁶ Qaq so nta'a ye Nínive, co'ollaq la'axaỹaxac de'era, nache nataqa'en ñesheguem ca'ai aso nso'onaxaqui da nta'a. Ime, nache nqa't soua ỹaatrañi alogo, nache ỹaayiñi soua sansatte' alogo qataq nso'onangui so alo.

Toba del Oeste

⁶ Mane'e ca'li yovido'ot da'me 'naqataĝanaĝac joñe'me lejaliaĝanec di'me noic jo'ne Nínive, qama'le nach'e ena'am ñejeguem, ca'e jaga'me lejaliaĝaiqui, qama'le naqat ga'me jo'ne mach'e louo qaedi yaediñe joga'me nouo jo'ne ena'am ta'le jiyac layoĝot da'me 'loyaĝac; ca'li yem da'me ne'et, qama'le naue jena'me aleua.

Jonás 3:6 Referans Kwoze

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Da na'aqtaguec so Job 2:8

Nache so Job, tauga so laponqa' so alo da nso'ongui, nache ỹacona so laỹe aso laxai naco'oña, nache nvictega.

Lucas 10:13

So Jesús nataqa'en, 'eeta': «Qami' maye qoñiitaña na nỹecpi Corazín ¡ỹataqta qauem da qa'aita'ague! ¡Nataqa'en qauem da tata'ague na shiỹaxauapi maye netaña ye nỹecpi Betsaida! Cha'aye nam so'otpi maye sa qaỹauanapega maye qami' huaiguilo, taxa da so'ot da huaigui ye nỹecpi ye Tiro qataq ye Sidón, nache salcoshe'eguectaxa da yeemaye naralaxa't da lataxa'c. Qataq ỹaayiñi naua alogo maye qaica ca lya'c qataq imeeleguete naua lqaigo da ỹachaxan da ntogotaxac.

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Jeremías 6:26

¡Qami' ỹalamaxat nhuo' le'ecpi, qaỹa'añiiyiñi qome naua anogo maye sansattegueta, maye la'anaxat da qanqui'iqui, qataq qanviñingui qome na alo, qataq qaỹa'añiiyiñi naua anogo maye nasouaxaqui', qataq ỹataqta qanỹeñi souaxat da qaraquicoqoi, 'eeta'am da 'eetec da ileu ca 'oonolec ñalec, cha'aye cam qomi' ilaxachiguilo qome mashe sa qaỹaloq da anac da qomi' iloquiaxa'n!

Jeremías 13:18

«Qonapega qome ñi nta'a qataq añi nate'e, qoneta': ‹Qaunocheeguesop añi so'onaxaqui, nache qanso'oñiỹa'aguet na 'alhua, cha'aye ana aro'o maye ỹo'oxoreetac na 'arqaic mashe naañi.›

Miqueas 1:10

Qaq de'era saishet qome da qaua'aqtaxañim na lma' ye Gat, qataq saishet qome da qanỹeñiitac, nacherata da qancogaigui qome na namoxoỹaxa souaxat da qanqui'iqui da huaña ye Bet Leafrá.

Lamentaciones 3:29

qataq camaye iuen da sana'amaten, qataq nqapaxaneguet na 'alhua, cha'aye saiuena'a da ñaqauo'o da naquitaxac,

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

Isaías 15:3

Na shiỹaxauapi qalaq quetagueto naua nqa'aico ỹaatrañi naua sansattegueta alogo, qataq da netalec na pa'asheguem na nỹecpi qalaq na'alaqtapiguiñi souaxat da nqui'ic, qaq nam hueta'a na mataqa'pi qalaq 'enauac daquicota nache qaica ca la'añaxac souaxat da nnoinaxac.

Jeremías 36:24

Qaq so nta'a, qataq so 'amaqtaqaicpi ltauapi somaye maye na'axaỹaxaatega co'ollaq qaitaxaỹaxaatac aso nere, somayepi saishettaxa da choche nomteguet ca lcolanaxa, qataq da ỹo'ot ca la'anaxat da nqui'ic.

Lamentaciones 2:10

Som ỹa'axaiquipi maye nataxala'pi yem huo'o da lyac Sión, qalaq choche ñe'emaxat, nso'ona'aguet na 'alhua qataq imettalec na lqaic na namoxoỹaxa, qataq ỹaatarañi naua sansattegueta alogo. Qaq nam qa'ampiolec ye Jerusalén qalaq naqtañi saishet da nlosheguem souaxat da la'aloxo.

Ezequiel 26:16

Qaq huaña, nache 'enauac na nta'alpi maye lma' na hueto'ot na loigue aso auaxai, huenoteeguesop qome ana nso'onaxaquipi, qataq nqata'ai na lapo'pi, qataq naua alogo maye ỹotta'a't na llo'oxoraxatpi, qaq nso'ona'aguet qome na 'alhua souaxat da lli'iỹaxa, qataq sa vi'iiguet da lviloxolaxa qataq da lcolanaxa qom 'am ỹauaachigui.

1 Reyes 21:27

Qaq so Ajab, co'ollaq hua'aqchigui de'era, nache ncolaxata'aisalo soua alogo, nache ỹaayiñi soua sansatte' alogo, qataq nqouaqchet. Qataq nache ỹaatrañi se'esoua alogo da do'oche, qataq ỹataqta daquicota.

Jeremías 36:13

Nache so Micaía ỹa'axat 'enauac, nam hua'aqchigui co'ollaq so Baruc itaxaỹaxaatac na huetalec aso nere, hua'aqchigui naqa'en so shiỹaxauapi.