Jonás 3:5 - La'aqtaqa Ñim Lo'onatac 'Enauacna 2013

⁵ Nache so lma' ye Nínive ỹa'amaqten Ñim Lo'onatac 'Enauacna, nache ỹa'axatec da ỹo'ot ca qouaqchetaxac, nache 'enauac so ỹepi ivira'a so ñaqpiolec, da ỹaayiñi naua sansatte' alogo, maye naigui da lta'araic da nqui'ic souaxat na qauempi maye ỹo'ottac.

Toba del Oeste

⁵ Chane'eja jogaa'me 'lachaqa't di'me noic, jo'ne ja 'yaĝayaqa choqogaa'me 'yaĝayaqa, male p'iida'a joñe'me Dios, qama'le paja'a da'me nayachidigui da'me cha'li ja deque'y, gaa'me neuoyaĝadi choqogaa'me choĝodache, nataq'aen da'me yaediñe gaa'me leuo lael jo'ne ena'am ta'le jiyac layoĝot da'me 'loyaĝa'j, qa'a en laloĝoqui' da'me 'uo da'me layaliaĝa'j.

Jonás 3:5 Referans Kwoze

Lucas 11:32

Que'eca pa'atec na'a'q qom qanmit 'enauacna, nache nataqa'en so shiỹaxauapi lma' ye Nínive, nachaañi qome da qami' dataỹa'agueta. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' qaua'aqaitega da itaxaỹaxac, qalaq saishet da qanaralaxache da qarataxaqui, na'aictaxa da ñapacalec da la'amaqchec so Jonás.» So Jesús nataqa'en 'enapeco':

Mateo 12:41

Qaq qom ivita da qanmit 'enauacna, nache so shiỹaxauapi maye lma' ye nỹecpi ye Nínive nachaañi qome da detaqa da qami' dataỹa'agueta, yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' na'aictaxa da qaua'aqaitega da ỹa'aqtaxanaxac, qalaxaye saishet da qanaralaxache da qarataxaqui, na'aictaxa da ỹactec da ỹa'amaqchec saq shena'am so Jonás.

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.

2 Crónicas 20:3

Nache so Josafat, ỹataqta huo'o da lcolanaxa, nache ỹe'eguenot Ñim Nataxala', ỹoqo'oye ỹamaxa da la'aqtac 'enauac so netaña ye Judá da ỹo'ot da nqouaqchetaxac.

Hebreos 11:1

Da sepi'iỹaqa'a Ñim Lo'onatac 'Enauacna, nache ỹo'ot da ỹataqta 'eesa da ñi 'oonolec da shenaqta ỹaconeguet cam iuattaique. Qataq ỹo'ot da ỹataqta saỹaanaqta da 'eesa da huo'o cam saxanaxa da yo'oq.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Hechos 27:25

Qaq ỹoqo'oye qami' ỹalleppi, qana'añaxache qome, cha'aye aỹem ỹataqta huo'o da ipi'iỹaxac Ñim Lo'onatac 'Enauacna, qataq ỹataqta 'eesa ñaqa'en da ipacchigui dam 'enapec so lamaxashec piguem le'ec.

Hechos 8:10

Nache 'enauac na shiỹaxauapi ỹataqta na'axaỹaxaatega somaye, ivira'a na sallaxanecpi qataq nam choxoraqpi. Nache namayepi 'eeta' naxa: «De'era ỹale hueto'ot da na'añaxac lta'araic maye chegoqo'ot Ñim Lo'onatac 'Enauacna.»

Jeremías 42:8

nache somaye iỹaxana so Johanán som llalec so Careaj qataq so lataxala'pi so alleppi maye nnaictague' qataq 'enauac so shiỹaxauapi, ñaqpiolec qataq so ỹepi,

Jeremías 42:1

Qaq 'enauac so lataxala'pi so alleppi nataqa'en ỹalectaigui so Johanán som llalec so Careaj qataq so Azarías som llalec so Osaías qataq 'enauac so shiỹaxauapi, ñaqpiolec qataq so ỹepi, nqo'ona co'ollaxa so

Jeremías 36:9

Qaq so ca'agoxoic nueve so vi'i cinco da lo'onataxanaxac so Joaquím, som llalec so Josías, da nta'a ye Judá, nache 'enauac na lma' ye Jerusalén qataq 'enauac na laỹepi shiỹaxauapi maye chegaqa'a na laỹepi huaqta'a't nỹecpi maye ỹotta'a't naua nañalo ye Judá, qoỹenapega da nqouaqchet da dataỹot Ñim Nataxala'.

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

Esdras 8:21

Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Ester 4:1

Qaq so Mardoqueo, co'ollaq ỹaỹaten 'enauac de'era qaỹo'ot, nache ncolaxata'aisalo soua alogo maye la'anaxat da nqui'ic, qataq ỹaayiñi soua sansatchiguilo alogo, qataq ichegoxolec na lqaic so alo, ime nache jec, coleetapigui so huaqta'a't nỹecpi, nache ỹa'alaqtague' souaxat da nlaqchigui da nqui'ic.

Jonás 3:7

Qaq ime, nache so nta'a ỹamaq so ltauapi da da'aqtaxanem 'enauac so netaña ye Nínive da la'aqtac maye, 'eeta': «Qaica qome ca deque'e na shiỹaxauapi, qataq saishet da iquia'axan huo'otaq da nỹomaxan ca na'atetpi shiguiỹacpi, ca lta'araic, qataq ca qapio'olec.

Éxodo 33:6

Qaq ỹoqo'oye nache chegoqta'a co'ollaq huaña ye Oreb, da so Israel le'ecpi saishet da ỹaañi aso no'otaqtepi lcat.

2 Reyes 19:1

Qaq so nta'a Ezequías co'ollaq hua'axaỹa de'era, nache ncolaxata'alo soua alogo, nache ỹaayiñi soua sansatte' alogo souaxat da nqui'ic, nache taua'a aso atamnaxaqui maye lalamaqte Ñim Nataxala'.