Jonás 3:4 - La'aqtaqa Ñim Lo'onatac 'Enauacna 2013

⁴ Nache so Jonás, inoxoneua'a se'eso huaqta'a't nỹecpi, nache imauec so 'oonolec na'a'q da queuotapigui da da'aqtaxaatac, 'eeta': «Qom ivildec naua cuarenta na'axa'te, nache nam Nínive qailaxachigui qome.»

Toba del Oeste

⁴ Qama'le taue joca'li ñe'me Jonás yema jo'me nolo' da'me leuoĝoc, qama'le nach'e ena'am da'me jo'ne nenaĝatetapegue, netenec da'me 'laqatac jo'ne enaac: «¡Qom yenoĝodegue gaa'me cuarenta noloqo'ote, qama'le qoyolaĝachigui jenjo' noic jo'ne Nínive!»

Jonás 3:4 Referans Kwoze

Deuteronómio 18:22

Qaq que'eca la'aqtaxanaxac que'eca na'aqtaxanaxanec da saishet da ipaigui, nache la'anaxat qome da saishet da nacheñi Ñim Nataxala' da ỹamaxalec da da'aqtaxan camaye. Cha'aye camaye ỹa'aqtaxanaxan da maiche na'amqaanaxac, ỹoqo'oye saishet qome da qayi'iitega camaye.»

Jonás 3:10

Qaq Ñim Lo'onatac 'Enauacna, co'ollaq ila'a da so netaña ye Nínive ỹaxanec nam qauem maye ỹo'ottacpi, nache Ñimaye saishet da ipaca'a da ilaxachigui.

2 Reyes 20:6

Qataq 'am sanema caua lỹa't quince vi'iye da 'anachaalataxac. Nache 'am qataq na Jerusalén, qami' ñeca'alaxateeguesopa da la'añaxac da lhuaqỹaxac ñi nta'a ye Asiria. Qaq Aỹem nache ñepaxattalec qome ne'ena huaqta'a't nỹecpi, souaxat da ỹauoche so ỹamaxashec David, qataq da sheeta.›»

2 Reyes 20:1

Qaq se'esoua na'axa'te so Ezequías ỹataqta dalola co'ollaxa, qataq mashe yaqta'a da ileu, nache so na'aqtaxanaxanec Isaías, maye llalec so Amós, nqo'ona somaye. Nache 'enapega, 'eeta': Da la'aqtac Ñim Nataxala', 'eeta': Ñaq 'aỹa'anem qome ca pa'atec 'arqataxac na 'aỹa'alaqpi, cha'aye 'am, saishet da 'am no'oita qome, nacherata da 'aỹa'a da 'aleu.

Mateo 12:41

Qaq qom ivita da qanmit 'enauacna, nache so shiỹaxauapi maye lma' ye nỹecpi ye Nínive nachaañi qome da detaqa da qami' dataỹa'agueta, yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' na'aictaxa da qaua'aqaitega da ỹa'aqtaxanaxac, qalaxaye saishet da qanaralaxache da qarataxaqui, na'aictaxa da ỹactec da ỹa'amaqchec saq shena'am so Jonás.

Lucas 11:30

Qaq dam 'eetec somaye co'ollaq la'anaxat nam shiỹaxauapi maye lma' ye 'amaqtaqaic nỹecpi ye Nínive, qaq nachera qome nataqa'en da 'eetec Aỹem Shiỹaxaua Llalec da Aỹem la'anaxat na shiỹaxauapi maye huetaigui ne'ena na'a'q.

Lucas 11:32

Que'eca pa'atec na'a'q qom qanmit 'enauacna, nache nataqa'en so shiỹaxauapi lma' ye Nínive, nachaañi qome da qami' dataỹa'agueta. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' qaua'aqaitega da itaxaỹaxac, qalaq saishet da qanaralaxache da qarataxaqui, na'aictaxa da ñapacalec da la'amaqchec so Jonás.» So Jesús nataqa'en 'enapeco':

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Jeremías 42:10

‹Da qami' qarhuennataqai da qoviỹa'a ne'ena 'alhua, nache Aỹem qami' sanema da qaica ca qaviñiitaique, qaq saishet qome da qami' selaxachiguilo nacherata da qami' saayiñi nache saishet da qami' ñapogoyeshegue'm, cha'aye huo'o da ñetogotaxac da qami' ñamaxalo co'ollaxa se'eso qauem.