Jonás 3:2 - La'aqtaqa Ñim Lo'onatac 'Enauacna 2013

² «'Aue, 'anqo'ona ye 'amaqtaqaic huaqta'a't nỹecpi ye Nínive, nache 'aua'axat da ỹa'aqtac maye 'am sanem qome.»

Toba del Oeste

² «Oc nayi, auec'ata di'me noic let'adaic jo'ne Nínive, qaedi male a'uaĝatetac da'me dojo' jo'ne joote am ja'aĝatem.»

Jonás 3:2 Referans Kwoze

Ezequiel 2:7

Qalaxaye 'am, 'aua'aqtaxanem qome namayepi naua ỹa'aqtaqa, saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq.

Jeremías 1:17

Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

Jonás 1:2

«'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

Juan 5:14

Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Mateo 3:8

Ỹataqta qauachaxañiita da qarataxaqui da qaỹa'axañiiue'c naua qauema maye qauo'ocheeta'ape.

Jonás 3:3

Nache so Jonás taỹa ye Nínive, ỹalaxaguet da la'aqtac Ñim Nataxala'. Qaq ye huaqta'a't nỹecpi ye Nínive, yemaye ỹataqta qalochiguiñi, ỹoqo'oye da qanayiigui nache ivi' naua tres na'axa'te, nache ishet da qaiviraxatec.

Ezequiel 3:17

«'Am shiỹaxaua, Aỹem 'am sanagui da 'am lauanaxanaxanec na nhuo' Israel le'ecpi. Qaq da ivita da 'am sanem ca ỹa'aqtac nache 'aua'aqtaxanem namayepi da aỹem ỹa'aqtac, yaqto' namayepi ỹaỹaten cam ỹo'ot.

Jonás 3:1

Nache Ñim Nataxala' qaltaq ỹe'eguelaxalec da 'enapega so Jonás, 'eeta':

Éxodo 4:28

Qataq so Moisés nache huaña da da'aqtaxaatapeguem so Aarón 'enauac nam ỹamaxalec Ñim Nataxala' da ỹa'axat, qataq na na'anecpi maye ỹo'ot da na'aalaxa maye qaỹamaxalec somaye da ỹo'ot.

Ester 9:31

maye damaxasoxoolec da qaỹo'ot so na'ashaxac da ivita so na'a'q Purim, maye qoỹecchigui co'ollaxa, nache qaipacchigui da lamaxasoxonaxac so Mardoqueo, qataq aso nate'e Ester, maye taalec somayepi qataq cam chegoxoguetpi. Qaq nataqa'en qaỹalecnaxaneuo som lataxac da qaỹo'ot ca qouaqchetaxac, qataq ca naquicoxo,

Jeremías 1:7

Qalaxaye Ñim Nataxala' aỹem 'enapega, 'eeta': «Saishet qome da qonapec da ñaq 'am nsoqolec. Cha'aye 'am 'aigue qome cam 'am samaxague, qataq 'aua'axat qome cam 'am samaxalec.