Jonás 2:6 - La'aqtaqa Ñim Lo'onatac 'Enauacna 2013

⁶ Seviraña ye ỹataqta qaỹoqchiguiña loga't ana qasoxonaxapi, ana 'alhua qalaq 'eeta'am da chochaq tatec da aỹem lcoñetegueshec. Qalaxaye 'Am Nataxala' maye 'am Ñatamnaxala', aỹem 'anca'alaxateeguesop da nleuaxa.

Toba del Oeste

⁶ Mane'e ca'li jayem domaliñe, qama'le jovida'ña di'me aleua jo'ne p'añe jena'me noĝop jo'ne laeñi jena'me 'lalaĝa; qama'le ¡yitaĝa janomeguet da'me qaya'te loiquiaqa' da'me auen ñecoñetaguec! Qalaĝaja, am Jaliaĝanec jo'ne mach'e am Ñedios, nach'e am jayem anec'alaĝategue, da'me jayem auachiyoĝotaue da'me neleuaĝa.

Jonás 2:6 Referans Kwoze

Salmos 30:3

'Am Nataxala', aỹem 'anca'alaxateeguesop co'ollaxa da nleuaxa, qataq aỹem 'aỹa'anem da ica'alaxa, da yaqto' saishet da seleu.

Salmos 16:10

cha'aye da ñachaalataxac saishet da 'ano'onaxatangui aca huachiqui, qataq saishet da 'aualatangui aca nshere ne'ena 'aramaxashec.

Isaías 38:17

Dam sootaigui co'ollaxa lta'araic ñequi'icỹaxac qalaq nmeneguet nagui da huo'o da ilagaxayec. 'Am aỹem 'anca'alaxateeguesop añi huachiqui maye nlaxaañi 'enauacna, cha'aye 'auapalaxat 'enauac na ỹasouaxashetpi.

Habacuc 3:10

Qaq ana qasoxonaxapi, qalaq cholaxan da 'am ila'a, qaq na piguem qalaq namaq na ỹataqta lta'araic auot, qaq aso qaỹoqchiguingui auaxai qalaq ỹataqta dauaxan, souaxat da ỹataqta qaỹoqotcheguemegue ana lapaxa.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.

Isaías 40:12

¿Negue't cam ishet co'ollaxa da naloqten aso auaxai da ỹauota'a na lhuaq lauel, huo'otaq da ỹauota'aisalo naua llaxaata da naloqten ye lcachiguiñi na piguem? Qataq ¿negue't ca ỹauo'o co'ollaxa aca laỹe' da naloqten na lsoche ana 'alhua huo'otaq da ỹauo'o aca laloqnaxanaxaqui da naloqten ana lcomaraxalatepi qataq ana qasoxonaxapi?

Salmos 143:7

'Am Nataxala', sa 'anaỹaloxon qome da aỹem 'auasateguet, cha'aye mashe huotaique da vi'iigueta naua ỹa'a'che, saishet qome da aỹem 'oxocheesop da 'artaunaxanaxac, yaqto' saishet da sheeta'am ca taỹa'a aca huachiqui.

Salmos 104:8

Nache tasheguema ana qasoxonaxapi, qataq ñe'eguelaxañi nache taña na ca'ameguepi, nam 'auachaxana co'ollaxa da lma'pi.

Salmos 104:6

Aso auaxai qalaq 'eeta'am ca npo' da ỹapolec 'anqa'en ana 'alhua, na 'etaxat qalaq ỹapotalec ana qasoxonaxapi.

Salmos 65:6

'Am ỹataqta qaramchiguiñi 'anqa'en ana qasoxonaxapi, 'auauota'a da 'ara'añaxac qataq da 'arquesaxanaxa.

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

Salmos 30:9

¿Negue'tom ca 'araueguec da seleu da aỹem qairouga aca huachiqui? cha'aye na lsoche na 'alhua saishet da 'am ỹo'oxoren, huo'otaq da ỹa'axat da 'eesa 'arataxac.

Da na'aqtaguec so Job 33:28

nacherata da Ñim Lo'onatac 'Enauacna aỹem nca'alaxateeguesop da nleuaxa, qataq ñaq 'eetalec da ñeca'altauec qataq ñaq selotaigui na yo'oqchiguiñi.»

Da na'aqtaguec so Job 33:24

souaxat da ichoxoreetac camaye, nache nqouagaxaunot Ñim Lo'onatac 'Enauacna, 'eeta': «Ñaq 'anca'alaxateeguesop da l-leuaxa, cha'aye mashe huo'o ana lasheue da yaqto' nca'alec»,

Deuteronómio 32:22

Qaq da ỹayeloxo ỹataqta 'eroigui 'eeta'am ca norec, nache iviraña da ỹavigaxat ca qaỹoqchiguiña pa'aguiñi ana 'alhua. Qataq ỹavigaxatta na 'alhua qataq ana ala ana qo'oipaqpi, qataq ivira'a na ỹa'añaxattañi ana qasoxonaxapi.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Salmos 18:5

Qataq na lqoinaxanaxatpi añi huachiqui mashe aỹem loxonec, nache mashe sootaigui aso lqoina maye dalaataxanapec.

Salmos 116:3

So lcoñetaxanaxat da nleuaxa qalaq mashe aỹem lpachigui, qataq mashe aỹem loxonec da ỹachetataic souaxat añi huachiqui, qataq sevireguet da icolanaxa qataq da ñiqui'ic.

Isaías 38:10

Da iuennataxac, 'eeta': Aỹem mashe sootagui da ỹataqta no'on da ñachaalataxac qalaq iuen da ashec; aỹem qoỹenapega da saỹa ye lo'onataxanaqa' da nleuaxa da ñaqauo'o da ica'alaxa.

Ezequiel 26:20

nache 'aviraña cam hueta'a nam leuaxaicpi, maye nacheso som hua'au shiỹaxauapi. 'Am sasaxaña qome cam ỹataqta pa'aguiñi ana 'alhua, cam 'alhua maye chochaq tatec da toolec, nache 'aualectaigui qome som mashe ileupi co'ollaxa. Nache saishet qome da 'avi'eguelaxa da qaltaq 'am qanayeetalec, qataq saishet da qaltaq 'am qano'oxoosheguem, da qouetalec na na'alhua nam nca'altauecpi.

Ezequiel 31:14

Qaq huaña nache qaca aca qo'oipaq da nquictasheguem da lañaxataxac, na'aictaxa da hueto'ot na loigue ca 'etaxat qataq na'aictaxa da qaicottalec, qalaxaye saishet da ishet da iviro'ot na lsheenec na lo'oc na piguem. Cha'aye 'enauac da taỹa'a da ileu, nache taña na ỹataqta pa'aguiñi na 'alhua, da yaqto' ỹalecta'aguet na mashe huetangui ana huachiqui.

Salmos 69:2

qataq huotaique da seyiiñi, sootangui na qaỹoqchiguingui nshaxa, maye saishet naqa'en da huo'o ca sapelec. Qataq sootaña na qaỹoqchiguiña pa'aguiñi na 'etaxat, qataq aỹem ỹaỹoxonaqchet na la'auaxac.