Jonás 1:7 - La'aqtaqa Ñim Lo'onatac 'Enauacna 2013

⁷ Nache so lo'opi aso notaxaqui detaqtega't, 'eeta': «Qomi' no'on da ñalletaxa't, yaqto' saỹatenaq chaq negue't ca ỹoqta lasouaxashet de'era souaqaigui.» Nache somayepi ỹo'ot so nalletaxac, nache taalec so Jonás da lasouaxashet damaye.

Toba del Oeste

⁷ Qama'le da'me male yejamache jogaa'me licota lo'ol male ua'a da'me dojapega'ajalo qama'le enapega't: «¡'Noota qom jauoqo ga'me qanalitaĝac, qaedi jauanaĝa da'me jach'e jogamaĝa dajouaqataĝan da'me qo'mi nec'atalo jenjo' jo'ne ja no'en!» Chane'eja ua'a da'me yauote da'me nalitaĝa'j, qama'le nach'eñe ñe'me Jonás da'me 'uo da'me laviyaĝajet.

Jonás 1:7 Referans Kwoze

Proverbios 16:33

Ca ỹale maiche ỹo'ot ca nalletaxac da yaqto' huo'o ca na'achecỹaxac, qalaxaye Ñim Nataxala' nacheñi ñi ỹan ca pa'atec la'aqtac.

Josué 7:10

Nache Ñim Nataxala' ỹasategueto' somaye, 'eeta': «¡Qoñisheguem! ¿Negue't ca 'auo'ottac da 'anqapaxaata'aguet na 'alhua?

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Hechos 13:19

Qataq Ñimaye ỹo'otec da qaỹalauat co'ollaxa soua siete nta'al maye netalec yi'iye 'alhua Canaán, cha'aye nshetaique da ỹanem yi'iye 'alhua som hua'au qarta'alpi.

Mateo 27:35

Nache so alleppi maye iuaxaneuo So Jesús co'ollaq ime da iuaxaneuo, nache somayepi nallera't da yaqto' qaỹaỹaten chaq negue't ca taleguete soua alogo So Jesús. Nataqa'en qaỹauo'o so nerec, nache qoỹanaña na nalotcheguemec na lqaic So Jesús da ỹa'axat da huo'omshe qaiuaxaneguet so npe'enaxaqui Somaye. Qaq se'eso nerec, 'eeta': «'Ena na Jesús maye lta'a na judiopi.» –Nataqa'en huo'oi soua lỹa't maye qaiuaxaareuo dos 'etaxaloxoiqa, nache so 'oonolec soomaye qoỹana'ague da aloic So Jesús, qaq so lỹa qoỹana'ague da ne'emaq. Ime nache so alleppi nso'ooñi da yaqto' nauanaleguete soomaye.

Salmos 22:18

Qataq qanallichiguilo soua aỹogo, da yaqto' qaỹaỹaten negue't ca taỹoto soomaye.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Da na'aqtaguec so Job 10:2

Ỹoqo'oye shenapega Ñim Lo'onatac 'Enauacna, sheeta': ‹¡Saishet qome da 'auo'ot ca ñeuaxanaguec! nacherato' da aỹem 'aua'aqtaxanem chaq negue'to' ca ỹasouaxashet.

Ester 3:7

Qaq so la'auaxanec ca'agoxoic se'eso vi'i, som ca'agoxoic maye le'enaxat Nisán, co'ollaq mashe doce vi'iye da lo'onataxanaxac so Asuero, nache qaỹauo'o so alletaxac ỹauaachigui qanqa'en so Amán, da yaqto' ishet da qaỹaỹaten ca na'a'q qataq ca ca'agoxoic maye huetoigui qanqa'en som lapaxañi somaye, nache se'eso alletaxac taalec so na'a'q trece so ca'agoxoic doce, som ca'agoxoic maye le'enaxat Adar.