Jonás 1:6 - La'aqtaqa Ñim Lo'onatac 'Enauacna 2013

⁶ Nache so lataxala' so lo'opi aso notaxaqui nqo'ooña so huetaña so Jonás, nache 'enapega, 'eeta': «¿Ta'ainco' da 'auo'ocheta? ¡Qoñisheguem ña 'anqouagaxaunot ca 'anatamnaxala'! shapegueto' da 'am hua'axaỹa, nache qomi' huapegueto da qomi' nca'alaxatrec.»

Toba del Oeste

⁶ Chane'eja ga'me lejaliaĝane'j jogaa'me licota lo'ol ec, da'me yec'ata di'me ueta'ña joñe'me Jonás, qama'le eetac: «¿Jach'e ga'me a'uetetac da'me oueta'ñena? ¿Toqoch'e am 'uochaĝaic? ¡Oñejeguem, qama'le aviyaĝana ga'me mach'e Anedios! ¡Uotaĝa maqachaĝa qo'mi nec'alaĝatedegue, qama'le qo'mi yachalo'te da'me qadec'alaĝa!»

Jonás 1:6 Referans Kwoze

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»

2 Samuel 12:22

Nache so David 'enapeco': Co'ollaq ña nca'altauec yi'iye nogotolec, nache aỹem ñeqouaqchet qataq ñeỹeetapeguelec, cha'aye sauotaique da aỹem ichoxoren Ñim Nataxala', da nache nca'altauec naqa'en yemaye.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Ezequiel 18:2

¿Ta'ainco' na hueta'a na Israel, ye saishet da ỹaxaañi da ỹe'eguelaxattalec naxa da na'aqtacaic maye, 'eeta': Na nta'alpi chectac ana uva ñe'eua, qaq na llalaqpi qalaq lto ana lhuepi?

Isaías 3:15

¿Negue't ca qami' ỹamaxaleguete da qavi'iñiỹai' nam ỹalamaxat nhuo' le'ecpi, qataq da sa qauyacñiỹapec na choxoraqpi?» Qaq 'era da la'aqtac Ñim Nataxala' maye Qaica ca Ỹaqalanapec.

Salmos 107:6

Qalaxaye co'ollaq huo'o da lachetataic nache iỹaxanot Ñim Nataxala', nache Ñimaye nqateeguesop de'era laquicoxo.

Salmos 78:34

Ñim Lo'onatac 'Enauacna naxa da ỹo'otec da l-leuaxa somayepi, nache somayepi qaltaq ỹe'eguelaxa da nmittaique Ñimaye.

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Romanos 13:11

Qaq 'enauac de'era sheetega da qami' iuen da qauloỹa'alo ne'enaua na'axa'te maye souaqtaiguilo, qaq qami' qoviitaigui da 'eeta'am da qauo'ocheeta. ¡Mashe ivita ye laloqo' da qanloiuec! Mashe saqaỹapeque ca na'a'q da Ñim Lo'onatac 'Enauacna qomi' nca'alaxatre'c; ỹataqta 'eesa da saqaỹapeque saq 'ena'am co'ollaq cheta'ague da sa'amaqtenaq So Jesús.

Jonás 3:8

Nacherata da 'enauac na shiguiỹacpi da qaỹauo'o ca lapo', qaq na shiỹaxauapi qalaq ỹaayiñi qome caua sansatte' alogo, maye naigui da huo'o da nqui'ic, nache iỹaxanot Ñim Lo'onatac 'Enauacna, qataq ñi 'oonolec ỹaxanec qome ca qauem lataxac, qataq da layeloxo.