Jonás 1:5 - La'aqtaqa Ñim Lo'onatac 'Enauacna 2013

⁵ Nache so lo'opi aso notaxaqui, ỹataqta lta'araic da lli'iỹaxa, nache ñi 'oonolec somayepi nqouagaxaunot so ỹotta'a't natamnaxala'pi, qataq ỹasaxangui so 'etaxat so lla'acpi, maye huetangui aso nnotaxaqui da yaqto' huaỹoxootegue naqa'en asomaye. Qaq so Jonás qalaxaye nale'ena co'ollaxa da taña so pa'aguiñi aso notaxaqui nache do'ocheta.

Toba del Oeste

⁵ Chane'eja jogaa'me licota lo'ol male 'uo da'me loqolanaqa', qama'le onolqa'tape jogaa'me male diyaĝa'tape, yiyaĝatedapega ga'me jo'ne mach'e nedios. Chane'eja da'me yem da'me jo'ne yauote, qama'le naqachidiñe yema jogaa'me li'yaco jaga'me licota, qama'le yijaĝadiñgui yema ga'me noĝop qaedi maqachaĝa ja dajali jaga'me licota. Qalaĝaja ñe'me Jonás maliaĝa cha'li t'ochetac, da'me ueta'ña di'me p'añe jo'ne li'yac 'lachaqa' jaga'me licota.

Jonás 1:5 Referans Kwoze

1 Reyes 18:26

Nache somayepi ỹaconeua'a so huaca maye qoỹaneuo nache ỹo'ot, qaq nache chegoqchiguiña so nte'eta da iỹaxaatacot so Baal, nache choche ivitta'a so na'a'q laiñi da ñe'eguelaxattauec da, 'eeta': «¡'Am Baal, ña qomi' 'auasategueta!» Nache somayepi queto'ot da dasottac, coleeta'asop aso nca'atoxonaxalate maye maiche lo'onata somayepi, qalaxaye qaica da huo'otaq huo'o ca qaỹa'axaỹa da ỹasateguet somayepi.

Jeremías 2:28

'Am Judá, ¿hueta'ague ca 'anatamnaxala'pi maye 'aro'onatacpi? ¡Ỹataqta qalota nam 'anatamnaxala'pi 'eeta'am ca huaqta'a't nỹecpi! ¡Ña qonapega ctaxa da ñesheguem! ¡Shapegueto' da ishet da 'am nca'alaxatec qom 'am nvita cam qauem!

Isaías 45:20

Qalapoñiỹa't qome, nache qauanaqui, qanquiquiiuo 'enauac qami' lca'alaxaicpi nam ỹotta'a't nhuo' le'ecpi. Ỹataqta qaica ca laỹaanataxanaxac nam qaica'attaueeguepi naxa da ỹachetac na ne'enaqtacpi qo'oipaq, qataq natameetacot nam atamnaxala'pi maye saishet da deca'alaqtaxan.

1 Samuel 24:3

Qaq co'ollaq ivita ye naña aso qagueta laỹe', qaq nache saqaỹapeque asomaye ye naña som auac maye nqañoxottaigui so David qataq so nalleppi, nache so Saúl taiguio' somaye da yaqto' lcotela't. Qaq so David qataq so nalleppi nache huetaiguio' se'eso auac da nqañoxottañi.

Jueces 16:19

Nache aso Dalila ỹo'ochaqchet co'ollaxa so Sansón, na'axaataleguete naqa'en naua lteltaye, nache iỹaxana so 'oonolec ỹale da icheguerec soua siete namoguel. Huaña, nache asomaye chegoqchiguiña da ỹe'enai' somaye,

Hechos 27:38

Qaq can ime 'enauac da qarquia'axac, nache na trigo qaỹasaxangui aso auaxai, cha'aye qaỹauotaique da sa desalli aso notaxaqui.

Mateo 26:45

Ime, nache So Jesús qaltaq ỹe'eguelaxa ca huetra'a soua tres lapaxaguenataqa, nache 'enapegalo, 'eeta': «¿Ñaq qoquiito'ot da qanmacheeteguec qataq da qaro'ochaqai? Mashe anacta na 'etaxaloxoicpi da Aỹem ỹaconeua'a, Aỹem Shiỹaxaua Llalec.

Mateo 26:43

Ime, nache So Jesús qaltaq ỹe'eguelaxa ca huetra'a soua tres lapaxaguenataqa, nache qaltaq ilaleguete da do'ochete', cha'aye soomaye ỹataqta nasamyiñi.

Mateo 25:5

Qaq cha'aye ỹataqta qaỹaloqteguet se'eso auonaxaua, nache se'esoua diez qa'añole soomaye huo'o na lo'ochaqa' nache do'oche'.

Jonás 1:16

Qaq co'ollaq ỹauaachigui de'era somayepi, nache ỹataqta lta'araic naqa'en da 'enec Ñim Nataxala', nache ỹauo'o aso lachetaqtaxanaqte da ỹanot Ñimaye, qataq ỹan da la'aqtac da nache 'eetai' da natameetacot.

Jonás 1:14

Nache somayepi nachoxonnot Ñim Nataxala', 'eeta': «'Am Nataxala', 'am ñachoxonnaqot nagui da saishet da qomi' 'aualaua't, da sasouaxalec de'era shiỹaxaua, qataq saishet da qomi' 'aumataleguete da l-leuaxa damaye da qaica ca ỹasouaxat. Cha'aye 'Am Nataxala', nache 'am maye 'aro'onatac de'era.»

Jonás 1:6

Nache so lataxala' so lo'opi aso notaxaqui nqo'ooña so huetaña so Jonás, nache 'enapega, 'eeta': «¿Ta'ainco' da 'auo'ocheta? ¡Qoñisheguem ña 'anqouagaxaunot ca 'anatamnaxala'! shapegueto' da 'am hua'axaỹa, nache qomi' huapegueto da qomi' nca'alaxatrec.»

Oseas 7:14

Qataq saishet da ỹataqta lquiyaqteỹaxac da aỹem nachoxoreetacot, da huetalec ye lmala' da huo'o da nachoxoc. Qaq da iỹaxanaique na trigo qataq na lataxa nache ique'emaqchet da lo'ocỹaxac; ¡qaq ỹataqta aỹem dataỹa'aguet namayepi!

Da na'aqtaguec so Job 2:4

Qalaxaye so Pa'aguenataxanaxaic, 'eeta': «Qomye da saxanaxa da qaipoteua'a da lo'ocỹaxac ñi 'oonolec, nache 'enauac qaica cara. Qataq qaica ca iteetega, cha'aye huotaique da nca'alaxatec da maiche nachaalataxac.

Salmos 107:25

Cha'aye detaqa Ñim Nataxala' nache anac so lta'araic la'at, nache nasaxasheguem ana late'erai lapaxa na 'etaxat.

Salmos 148:8

Qataq na nqashelgaxa, lache, aloñi qataq na sheue, qataq na lta'araic la'at maye ỹalaxaguet da namaxasaguec.

Eclesiastés 3:6

Huo'o ye laloqo' da huo'o da nmitaxanaxac qataq huo'o ye laloqo' da qoỹaxaañi damaye. Huo'o ye laloqo' da naỹamaqtaxanaxac, qataq huo'o ye laloqo' da qaỹasaxauec na naỹamaqtac.