Jonás 1:17 - La'aqtaqa Ñim Lo'onatac 'Enauacna 2013

¹⁷ Qalaxaye Ñim Nataxala', mashe ỹaqataxaatai' co'ollaxa aso nỹaq late'e da yaqto' iuoxonañi naqa'en so Jonás. Nache so Jonás ivi' soua tres na'axa'te qataq soua tres pe' da huetaigui na lauel asomaye.

Toba del Oeste

¹⁷ Qama'le joñe'me Jaliaĝanec ya'uo ga'me niyaq polio' qaedi yepenañe q'aen ñe'me Jonás. Chane'eja ñe'me Jonás uetaue lauel ga'me niyaq polio' jaa'me tres noloqo'ote nataq'aen jaa'me tres pi'yaĝadi.

Jonás 1:17 Referans Kwoze

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Lucas 11:30

Qaq dam 'eetec somaye co'ollaq la'anaxat nam shiỹaxauapi maye lma' ye 'amaqtaqaic nỹecpi ye Nínive, qaq nachera qome nataqa'en da 'eetec Aỹem Shiỹaxaua Llalec da Aỹem la'anaxat na shiỹaxauapi maye huetaigui ne'ena na'a'q.

Mateo 16:4

Qami' qauỹaxañiitaique ca na'anec, cha'aye qami' qauemaiqa qataq saishet da qauauoitaique da qaua'amqaanataxañi. Qalaxaye saishet da qami' qoỹanema ca na'anec, nachaqrata dam huaigui co'ollaxa so na'aqtaxanaxanec Jonás. –Qaq co'ollaxa ime da nasaxauec de'era So Jesús, nache ca'ai somayepi.

Habacuc 3:2

«'Am Nataxala', co'ollaq sa'axaỹa da 'ara'aqtac, nache ỹataqta lta'araic da icolanaxa. Ñaq 'auo'ot ne'enaua na'axa'te maye souaqtaiguilo, nam lta'araicpi maye 'auo'ot co'ollaxa soua hua'au' vi'iye. Qaq da nvi' da 'aralemataic, nache 'auennata'a qome da 'archoxonnataxanaxa.

Jonás 4:6

Qaq Ñim Nataxala' maye Lo'onatac 'Enauacna, nañaxat naqa'en so nshe'ela, da yaqto' ipelteetalec naqa'en na lqaic somaye, nache so Jonás ỹataqta machiguiñi souaxat se'eso nshe'ela.

Génesis 1:21

Nache Ñim Lo'onatac 'Enauacna ỹo'ot na lta'araic nỹaqpi, 'enauac na ỹotta'a't shiguiỹacpi maye lañaxataxaqui qataq huetangui na 'etaxat, qataq 'enauac na ỹotta'a't maỹopi. Nache Ñim Lo'onatac 'Enauacna ila'a da ỹaỹamaqchiguiñi.

Jonás 2:10

Huaña nache Ñim Nataxala', 'enapega aso nỹaq late'e, nache asomaye anolec so Jonás, huaña naqa'en so loigue aso auaxai.