Jonás 1:14 - La'aqtaqa Ñim Lo'onatac 'Enauacna 2013

¹⁴ Nache somayepi nachoxonnot Ñim Nataxala', 'eeta': «'Am Nataxala', 'am ñachoxonnaqot nagui da saishet da qomi' 'aualaua't, da sasouaxalec de'era shiỹaxaua, qataq saishet da qomi' 'aumataleguete da l-leuaxa damaye da qaica ca ỹasouaxat. Cha'aye 'Am Nataxala', nache 'am maye 'aro'onatac de'era.»

Toba del Oeste

¹⁴ Qama'le ena'uaque jogaa'me yiyaĝatedapega joñe'me Jaliaĝanec, enapega't: «Am Jaliaĝanec, ena'te auen qadeleu da'me qo'mi yajouaĝa't jenjo' jiyaĝaua. Qom qaya'te laviyaĝajet, qama'le qo'mi avichoĝode'n nayi. Qa'a am Jaliaĝanec, naqa'am jo'ne aua'uo yema da'me dojo'.»

Jonás 1:14 Referans Kwoze

Salmos 115:3

Ñim Qanatamnaxala' neto'ot na piguem, Ñimaye ỹo'ot 'enauac nam huotaique co'ollaxa da ỹo'otpi.

Salmos 135:6

Ñim Nataxala', maichiñi da ỹo'ot co'ollaxa 'enauac nam huotaique da ỹo'ot, nam hueto'ot na piguem qataq nam huetalec ana 'alhua, qataq na huetangui aso auaxai, qataq na ỹataqta qaỹoqchiguiña asomaye.

Deuteronómio 21:8

Qaq 'Am Nataxala', 'auchoxoren qome na Israel le'ecpi maye 'aralamaxatpi, cha'aye mashe sogote co'ollaxa da 'ausouec, qataq saishet da lasouaxashet 'anqa'en da huecolde'c naua ltago'q ne'ena shiỹaxaua maye qaica ca ỹasouaxat. Qaq 'era qome da 'eetec da yaqto' saishet da qami' qanmaxaleguete da l-leuaxa que'eca shiỹaxaua,

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Salmos 107:28

Qalaxaye co'ollaq huo'o da lachetataic somayepi, nache iỹaxanot Ñim Nataxala' nache Ñimaye nqateeguesop da laquicoxo,

Mateo 11:26

Aja', 'am Ita'a, cha'aye nachera dam maiche 'arhuennataxac.»

Jonás 1:16

Qaq co'ollaq ỹauaachigui de'era somayepi, nache ỹataqta lta'araic naqa'en da 'enec Ñim Nataxala', nache ỹauo'o aso lachetaqtaxanaqte da ỹanot Ñimaye, qataq ỹan da la'aqtac da nache 'eetai' da natameetacot.

Jonás 1:5

Nache so lo'opi aso notaxaqui, ỹataqta lta'araic da lli'iỹaxa, nache ñi 'oonolec somayepi nqouagaxaunot so ỹotta'a't natamnaxala'pi, qataq ỹasaxangui so 'etaxat so lla'acpi, maye huetangui aso nnotaxaqui da yaqto' huaỹoxootegue naqa'en asomaye. Qaq so Jonás qalaxaye nale'ena co'ollaxa da taña so pa'aguiñi aso notaxaqui nache do'ocheta.

Efesios 1:9

da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

Hechos 28:4

Nache nam lma' se'eso 'alhua co'ollaq ỹauaachigui se'eso na'araxanaq da netaua'a na lhuaq so Pablo, nache somayepi 'enapeco': –De'era ỹale ỹoqta da laataxanaxaic, ỹoqo'oye na'aictaxa da ỹet na 'etaxat, qalaxaye dam nhuaxanaguec maye 'itchiguiñi saishet da ỹashenem da nca'altauec.

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Génesis 9:6

Da huo'otaq huo'o ca ỹalauat ca lỹa shiỹaxaua, nache ca lỹa shiỹaxaua ỹalauat qome camaye, cha'aye co'ollaq qaỹo'ot so shiỹaxaua, nache 'eeta'am qanqa'en da lataxac Ñim Lo'onatac 'Enauacna.

Jonás 1:13

Nache so notaxaqui lo'opi ỹataqta na'añaxat co'ollaxa da huotaique da ỹe'eguelaxatta so lqaxaỹaxa aso nnotaxaqui. Qalaxaye sa ỹañoxot da ỹe'eguelaxatta, cha'aye ana lapaxa so 'etaxat ỹataqta nquictasheguem, nache ihuogoqchettac somayepi.

Jonás 3:8

Nacherata da 'enauac na shiguiỹacpi da qaỹauo'o ca lapo', qaq na shiỹaxauapi qalaq ỹaayiñi qome caua sansatte' alogo, maye naigui da huo'o da nqui'ic, nache iỹaxanot Ñim Lo'onatac 'Enauacna, qataq ñi 'oonolec ỹaxanec qome ca qauem lataxac, qataq da layeloxo.