Joel 3:8 - La'aqtaqa Ñim Lo'onatac 'Enauacna 2013

⁸ Nache na qaỹa'alquipi qataq ana qaỹa'allipi, semenot qome na Judá le'ecpi yaqto' namayepi imenot qome namayepi na sabeopi, maye chegaqa'a cam ỹataqta qaỹoqta 'alhua. Qaq 'era da ỹa'aqtac, Aỹem Nataxala'.

Toba del Oeste

⁸ Jeme'n qomle jogaa'me ac'oqo'chedi' nataq'aen gaa'me ac'oqocheldi', qama'le janema joga'me Judá laje'pi, qaedi jogaa'me yitaĝa yeme'n, yanema gaa'me Sabá laje', jiyaĝa'u jo'ne qaya'ague di'me 'lachaqa't. Jayem Jaliaĝanec, naqaena jenjo' 'yaqatac.»

Joel 3:8 Referans Kwoze

Isaías 60:14

Nam llalaqpi na 'am ipataqta'a't co'ollaxa, qalaq 'am naỹa qome da yaqto' 'am nmanot, qataq 'enauac na 'am ỹo'otaatac co'ollaxa 'am ỹa'aroto qome naua l-llecte, nache da 'am detaxaỹa qome qalaq, 'eeta': ‹Nỹecpi maye lalamaxat Ñim Nataxala'›, ‹Sión maye lalamaxat Ñim Qui'itta Natamnaxala' na Israel le'ecpi.›

Da na'aqtaguec so Job 1:15

Nache nque'elaxatta da nvi' so sabeopi, nache decachiỹa so 'ana'atetpi, qataq ỹalauat so ỹaỹepi. Qaq nachaỹemta da aỹem qoỹet, nache ñanac da 'am sa'aqtaxanem.»

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.

Ezequiel 23:42

Nache qaỹa'aqtega da la'alaxac so qalota shiỹaxauapi maye ỹo'ottac so la'ashaxac, qaq se'eso ỹalleppi chegaqauga so toolec 'alhua, qaq somayepi ỹaateguengui na no'on no'otaxat so 'alpi, ỹangui na lhuaxashecpi, qataq ỹanagui na lqaic aso ỹataqta 'onaxai aro'opi.

Jeremías 6:20

¿Ta'ainco' da aỹem qandoiua'a nam nchenaxanaxat maye qauachegoxochiỹa'a ye Sabá, qataq ana nañiguishe maye ama na laita maye qauachegoxochiỹa'a cam qaỹoqta 'alhua? Aỹem saishet sa saỹamaxarem nam qarachetaqtaxanaxache maye qauavigaxacheeta qataq na laỹepi.»

Jueces 4:9

Nache aso Débora, 'enapeco': «Aja', 'am seca'ategue. Qalaxaye da ño'oxonnataguec de'era alaataxac, saishet qome da 'am talec, cha'aye Ñim Nataxala' ỹanem aca 'alo da loxonec ñi Sísara.» Huaña nache aso Débora nnaicapegue' so Barac da nqo'oora ye Cedes.

Jueces 4:2

Qaq ỹoqo'oye Ñim Nataxala' ỹaneguet somayepi da la'añaxac so Jabín, som nta'a Canaán le'ec maye ilotague' co'ollaxa so huaqta'a't nỹecpi ye Jazor. Qaq so lataxala' so nalleppi, somaye le'enaxat Sísara, somaye naña ye Jaroset Goyín.

Deuteronómio 32:30

¿Ca 'eeteco' ca 'oonolec ỹale da ỹo'orauec ca mil alleppi? ¿Huo'otaq caua dos ỹale't da datauec naqa'en ca diez mil alleppi? ¡Da saishet da nacheñi Ñim Nataxala' da ỹaneguet namayepi ca mpa'aguenaxauapi!

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Jeremías 30:16

Qaq 'enauac qome nam 'am chec, namayepi nataqa'en qanallec qome, qataq 'enauac qome nam 'ampa'aguenaxauapi qaỹauega ca ỹaqa'a 'alhua da ncoñeteguishecpi, qataq so'otec da qanhuotta qome nam 'am nhuotta, qataq qaicachiỹot qome nam 'am decachiỹot.

Ezequiel 38:13

Qaq na shiỹaxauapi ye Sabá, qataq ye Dedán, qataq na nmenaxaicpi ye Tarsis, qataq nam chegaqa'a na laỹepi huaqta'a't nỹecpi, 'am inat qome, 'eeta': ¿'Auanac peta'a da 'aucache? ¿Peta'a 'alaỹona't na 'analleppi da yaqto' 'auotaxanec qataq da 'auacona na lcat plata, qataq na lcat oro, qataq na 'atetpi, qataq na laỹepi nogoxoshetpi, qataq 'auache da qalota nsallaxa?