Joel 3:5 - La'aqtaqa Ñim Lo'onatac 'Enauacna 2013

⁵ Cha'aye qami' qauacoñiỹa co'ollaxa som ỹalamaxat plata qataq oro, qataq nam ỹataqta no'on nogoxoshetpi maye ỹalamaxat, nache qaroiua'a anam atamnaxaquipi maye maiche qaralamaqchi,

Toba del Oeste

⁵ Qa'a auachiyi ca'li jajo'me plata nataq'aen jajo'me oro jo'ne mach'e yoqote; qama'le jaa'me yoqo'te jo'ne onaĝayaqa, ca'li auachiyauelo naa'me anetamenaĝaiquidi'.

Joel 3:5 Referans Kwoze

2 Reyes 24:13

Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.

2 Reyes 16:8

Qaq so Ajaz nataqa'en ỹacona co'ollaxa so lcat plata, qataq so oro maye huetaigui aso atamnaxaqui maye lalamaqte Ñim Nataxala', qataq aso netaigui so nma' lta'araic, nache ỹamaq da yaqto' nme naqa'en so nta'a ye Asiria.

2 Reyes 12:18

Qalaxaye so Joás, maye nta'a ye Judá, laỹona't co'ollaxa 'enauac so nogoxoshetpi maye saqaishetapecpi maye ỹaneuo co'ollaxa so Josafat, Jorán qataq so Ocozías, maye hua'auyiñi nta'al ye Judá, nataqa'en ỹacona so maiche ỹaneuopi co'ollaxa somaye, qataq 'enauac so lcatpi oro maye ilalec, huetaigui aso atamnaxaqui, qataq so nma' lta'araic maye lo'onataxanaqa' so nta'a, nache ỹamaxa so Jazael, maye nta'a ye Siria, huaña nache so Jazael saishet da ipaca'a da iloquiaxan ye Jerusalén.

Daniel 11:38

Qalaxaye ỹo'oxoren qome cam atamnaxala' maye lalamaxat ca nỹecpi maye qanpaxattaua'a, ỹo'oxoreetac qome que'eca atamnaxala' maye som hua'au lta'alpi saishet co'ollaxa da ỹo'oxoreetac, nache ỹaatacot qome na oro, plata, qataq na no'on coma'pi, qataq 'enauac na nogoxoshet maye ỹataqta no'on.

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Jeremías 50:28

Na shiỹaxauapi 'eltaxaicpi maye chegaqa'a ye Babilonia ivita ye Sión, nache ỹa'axattac da 'eetec Ñim Nataxala' Ñim Qanatamnaxala' dam Ñimaye ỹanem dam naigui da ỹo'ot na lma' ye Babilonia, souaxat dam ỹo'ot co'ollaxa da ilaxachigui aso atamnaxaqui.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Jeremías 23:7

Ñim Nataxala' 'enapec: Anacte' caua na'axa'te maye saishet qome da huo'o ca ỹan ca la'aqtac da, 'eeta': Nca'altauec Ñim Nataxala', maye nqateeguesop na Israel le'ecpi ye Egipto,

Ezequiel 37:12

Qaq ỹoqo'oye 'auachegoxotchigui da ỹe'enaxat da 'aua'aqtaxanem namayepi, qoneta': Da la'aqtac Ñim Nataxala', 'eeta': Qami' ỹalamaxat nhuo' le'ecpi, Aỹem sauaangui qome ana huachiquipi maye qoviitangui, qami' sachegoxotchiguinguilo anamayepi da qami' ñeqatyeshegue'm, nache so'ot da qavi'eguelaqaỹa ye 'alhua ye Israel.

Abdías 1:17

Qalaxaye añi qasoxonaxa Sión huo'o qome ca lca'alaxaicpi, qaq añimaye ỹataqta sa qaishetapec qome. Nache nam chegoxoguetpi so Jacob, qaltaq ỹe'eguelaxa qome da nalec na na'alhuapi.