Joel 3:19 - La'aqtaqa Ñim Lo'onatac 'Enauacna 2013

¹⁹ Nache ye Egipto ỹataqta nlachiguiñi qome, qaq ye Edom ỹe'eguelaxa da toolec 'alhua, souaxat da iloquiaxan co'ollaxa na Judá le'ecpi, qataq hualec naqa'en ye na'alhua namayepi, da icolde'c naua ltago'q nam qaica ca ỹasouaxat.

Toba del Oeste

¹⁹ Di'me Egipto 'uo qomle joda'me qoyen lachoĝodec, nataq'aen jodi'me Edom qoyen napalaĝa q'aen, qo'ene'tem ga'me aleua jo'ne totapega't, yajouaĝat da'me dalataĝañilo ca'li gaa'me 'lachaqa't ga'me Judá lec'oqo'tepi, qama'le 'uo jajo'me netauo' jo'ne qoyelagaĝategue da'me qoyala't jogaa'me qaya'te laviyaĝaje't.

Joel 3:19 Referans Kwoze

Jeremías 51:35

¡Qaq ña isheeten qome ye Babilonia dam qauem maye aỹem ỹo'otec! ¡Ña isheeten qome ye caldeopi som ỹalamaxat shiỹaxauapi maye ỹalauat co'ollaxa!»

2 Ts 1:6

Cha'aye nache lataxac da Ñim Lo'onatac 'Enauacna ỹauo'o qome ca nque'eenaxac na ỹo'ottac da qanque'eenaxaqui.

Zacarías 10:10

Cha'aye ñe'eguelaxat qome sachegoxotchiguiña ye Egipto, qataq ye Asiria, nache ñauega ye Galaad qataq ye Líbano, qaq souaxat da ỹataqta qalota qome, nache qaica ca ldaqa'.

Abdías 1:1

Da lauanaqchec so Abdías, maye chegoqo'ot Ñim Nataxala' maye ỹa'axata'a da 'eetec qome da taỹa'a ye Edom. Qomi' sa'axasoqchigui so la'aqtaxanaxanec Ñim Nataxala', 'eeta' huo'o so namaxashec maye taỹa na ỹotta'a't shiỹaxauapi da da'aqtaxanem da na'aqtac maye, 'eeta': «¡Qolaq! ¡Ñeqo'onaxa ye Edom le'ecpi nache ñalaataxai'!

Lamentaciones 4:21

¡'Am huaqta'a't nỹecpi Edom, 'Antootapigui' qataq 'auamachiguiñi, 'am maye 'aulotague' ye 'alhua Us! Cha'aye nataqa'en taỹa'a da 'am qanỹomaxangui qome ana ỹomaxaqui maye huetagui na ỹataqta chem, nache 'am itaqchet qome ivitta'a da qouetauec.

Jeremías 49:17

Qom qailaxachigui ye Edóm, nache ỹataqta lta'araic da ncolanaxa, qaq 'enauac cam nlectot qome yemaye nache ỹataqta ỹe'elaq qom ila'a da nhuaxanaguec yemaye,

Isaías 11:15

Ñim Nataxala' ỹauategue qome ca nqa'aic aso Auaxai Togaxarai, qataq nauaxaỹaxaasheguem na lhuaq taalec naqa'en so tala Éufrates, qataq anacot ca la'at maye ỹataqta chaqaic, nache icolaxachigui se'eso tala siete naqa'en caua la'auaxaco, qaq saiuen qome da qanqa't naua pela'ate da qaỹa'axasoxonguilo caamaye.

Salmos 137:7

'Am Nataxala', ña 'auennata'a qome da 'eetec na Edom le'ecpi, cha'aye co'ollaq noxonec ye Jerusalén nache namayepi, 'eeta': «¡Qanlaxachiiñi, qanlaxachiiñi qome 'enauac nam lo'oxonaxala'pi!»

Isaías 11:14

Maye nacherata da ntauna't qome da dataira'aguet ye Filistea le'ecpi maye pa'aỹa'ague da nala' lliguiñi; qataq huaxaỹa't qome da deuotaxanec da lsallaxa yem pa'aỹa'ague da nala' lliguisheguem, qaq da la'añaxac ivira'a qome ye Edom qataq ye Moab, qataq ivira'a da choche ỹamaqtac qome ye Amón le'ecpi.

Habacuc 2:17

Qaq cha'aye dam qauem maye 'auo'otec co'ollaxa añim qasoxonaxa ye Líbano, damaye 'am talec qome, qataq dam nalaataguec som shiguiỹacpi, maye 'auo'ot co'ollaxa, damaye 'am iquichoqchet qome. Qaq de'era 'am talec qome souaxat da qalota so 'aualauat, qataq da qaica ca 'auren nam hueta'a ne'ena 'alhua, qataq na huaqta'a't nỹecpi, qataq nam netaigui namayepi.