Joel 3:18 - La'aqtaqa Ñim Lo'onatac 'Enauacna 2013

¹⁸ Nache que'eca na'a'q, na lataxa qataq na huaca lche', 'eeta'am qome na 'etaxat maye chegaqasheguema ana qasoxonaxapi qataq anam lcomaraxalatepi, qataq na la'auaxacpi ye Judá, nlaxagui qome na 'etaxat. Nache añi atamnaxaqui maye ỹalamaqte chegoqchiguiña qome na npaxaatasheguem 'etaxat, da icorelec ye ca'amegue ye Sitín.

Toba del Oeste

¹⁸ Male jalcote joga'me uva li'i qomle, nataq'aen jaga'me lochi', ena'am joga'me noĝop nale quetayelo gaa'me qajoĝona'a jo'ne qayaje'meque nataq'aen gaa'me davichidiñe, qama'le naa'me noĝop lete' di'me Judá yataqachiñe najaqachiguilo jo' qomle. Jena'me ñetamenaĝaiqui 'uo jo' qomle ga'me noĝop jo'ne natajeguem jo'ne nach'ega yepapiaĝatac ga'me c'ama'ague jo'ne lenaĝat da'me Sitim.

Joel 3:18 Referans Kwoze

Zacarías 14:8

Qaq huaña, nache ye Jerusalén chegoqtegueua'a qome ca 'etaxat maye ỹataqta attom, maye quetac da nvi' ye no'omaxa, qataq ye napaxaỹaxa, qaq tachiguingui na laiñi ca ipaxaneuga aye auaxai leuaxai, qaq ca laỹe qalaq ipaxaneuga aso auaxai maye le'enaxat Mediterráneo.

Isaías 35:6

qaq na sara'añeeguelo naua lchel qalaq parenaxaatai' qome 'eeta'am aca chegaxango, qaq na 'apaicpi qalaq ỹa'alaqtagui qome. Qaq yem toolec qataq yem deqaqta 'alhua qalaq npaxaasheguem qome na 'etaxat.

Isaías 30:25

Qaq qom nvi' cam na'a'q maye huaigui qome da qalota ca qaỹalauat, qataq hua'axañi na npaqtaxanaxatpi, nache huo'o qome na 'etaxat na talapi qataq na la'auaxacpi maye huetalec 'enauac ana qaỹoqotcheguec qasoxonaxapi, qataq ana qaỹoqotcheguemec lcomaraxalatepi.

Números 25:1

Qaq so Israel le'ecpi co'ollaq netaña ye Sitín, nache so ỹalleppi ca'ata naxa da nquishestague' aso Moab lashepi,

Salmos 46:4

Na la'auaxac so tala ỹataqta machiguiñi naqa'en ye huaqta'a't nỹecpi maye lalamaxat Ñim Lo'onatac 'Enauacna, yem ỹataqta qui'itta lanataqa' Ñim Nataỹaña 'enauacna.

Da na'aqtaguec so Job 29:6

qataq co'ollaq sa qoue na huaca lche' ye soota'a, qataq na aceite maye chegoqtapoigui ana coma',

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Isaías 45:8

Aỹem chegoqtot qome ñaqa'en na pa'asheguem da ñamaq da ỹauegaxanaxac, 'eeta'am na 'aỹa maye chegoqo'ot na piguem, qataq na auot maye chegaqaigui na lo'oc na piguem, da talec ana 'alhua; qaq dam alaỹaxac qalaq chegoqchigui qome da nca'alaxa, qataq dam nalochiguiñi lataxac.

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Isaías 66:11

cha'aye yemaye qami' illepaxa'n qome, nache qami' ỹa'añaqche't, qataq qami' comaraxaiqa naqa'en, yemaye qami' illepaxa'n qome nache qanque'etaxañiichigui da lyacỹaxac da llo'oxoyec.

Jeremías 31:12

Nache anac da do'onaxan souaxat da ntonaxac da huetalec añim qaỹoqotcheguemec Sión, nache ntootapeguec nam no'on maye chegoqo'ot Ñim Nataxala': qaq namaye nachena na trigo, lataxa qataq na aceite, ana qaguetapi qataq na huacapi. Qaq namayepi 'eeta'am qome ca nanaxanaqa' maye qaicottalec, nache saishet da qaltaq deqat da la'añaxac.