Joel 3:17 - La'aqtaqa Ñim Lo'onatac 'Enauacna 2013

¹⁷ Huaña qome, nache qauaỹachiñi da aỹem Nataxala' maye Qanatamnaxala'ai, soota'a na Sión, anam ỹataqta qui'itta ñeqasoxonaxa, nache na Jerusalén ỹataqta qui'itta qome, qataq saishet da ỹe'eguelaxa da loxonec nam chegaqauecpi.

Toba del Oeste

¹⁷ Qama'le enaac ñe'me Jaliaĝanec Dios: «Chane'eja yataqachiñe jayem auatetoñi qomle, da'me naqayem jo'ne Jaliaĝanec mach'e Anedios, jo'ne joue'ta jenjo' qajoĝonaĝa Sión, mach'e yoĝot jo'ne ja 'nalegue. Qama'le di'me noic Jerusalén yataqata ja 'nalegue qomle, male ja yitaĝa tade'ga jogaa'me jo'ne ja jayem 'te yateto'n.

Joel 3:17 Referans Kwoze

Joel 2:27

Huaña qome, nache qauaỹachiñiita da qami' salectaiguilo qami' Israel le'ecpi, qataq da nachaỹemta Aỹem Nataxala' maye Qanatamnaxala'ai, nache qaica ca lỹa. Huaña qome nache saishet da qaltaq huo'o ca na'aloxootaique ne'ena ỹalamaxat nhuo' le'ecpi.

Nahúm 1:15

¡Ña qanloisheguem! ¡Mashe anactalec ana qasoxonaxapi, nam namaxashec maye ndoi' cam no'on na'axaỹaxac, nam ỹa'axata'aguet cam nlagaxayec! Qaq ỹoqo'oye 'am Judá, 'auo'ot qome cam 'arquia'axac, qataq 'aupacchigui qome cam 'aỹa'an 'ara'aqtac. Cha'aye nache saishet qome da qaltaq 'am nnoxotaua'a nam qauemaicpi, cha'aye mashe imauec da nlachiguiñi.

Isaías 52:1

Ñaq 'anlouec 'am Sión, ñaq 'anlouec, ñaq 'auauo'o da 'ara'añaxac, 'am Jerusalén, huaqta'a't nỹecpi maye qui'itta, 'aỹa'aayiñi naua 'ogo maye ỹataqta 'onaxaiqa, cha'aye na shiỹaxauapi maye ỹaqa'a da la'amqaanataxanaxac qataq nshepaxan da lataxac, namayepi saishet qome da ỹe'eguelaxalec da 'am huenoxoneua'a.

Apocalipsis 21:27

Qalaxaye saishet da inoxoneua'a yemaye ca nshepaxan maye sa ỹaỹamaxaren Ñim Lo'onatac 'Enauacna; qataq saishet da inoxoneuo nam ỹo'oxoreetac nam qanatameetacotpi maye saq 'en, nachaqnata na nanettaua'a aso lere Ñim Qagueta Llalec. Asa'aso nere nanettaua'a na le'enaxatpi nam ỹaconeguet cam nca'alaxa maye chochaq tatec.

Isaías 4:3

Qaq cam nca'alecpi qome ye Sión, qataq cam lca'alaxaicpi ye Jerusalén, cam taalec da na'achecỹaxac da hueta'a yemaye, nache qaỹamata'ac qome da: «Nhuo' le'ecpi maye lca'aguishecpi Ñim Nataxala'.»

Jeremías 31:23

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Qom Aỹem ñaralaxat ca na'achecỹaxac na lma' na Judá, qataq namayepi qom mashe qaltaq hueta'a ye maiche na'alhua, qataq ye maiche lma' huaqta'a't nỹecpi, nache qaltaq 'enapec qome: ‹¡Ñim Nataxala' ỹaalec da no'on añi qasoxonaxa maye qui'itta, maye hueta'a da nalochiguiñi lataxac!›

Joel 3:21

Qaq aỹem qome, sepalaique lvi' som qaỹalauatpi co'ollaxa, nache saishet da sechoxoren nam icoraxatre'c soua ltago'q som qaica ca ỹasouaxat. Qaq Aỹem Nataxala', nache sonaña qome ye Sión.

Zacarías 8:3

Qaq Aỹem ñe'eguelaxa qome ye Jerusalén da qaltaq sonaña. Qaq huaña nache ye Jerusalén, qaỹamata'ac qome da Huaqta'a't Nỹecpi maye hueta'a da Nalaxayec, qaq añi qasoxonaxa maye lalamaqte Ñim Nataxala', qalaq qaỹamata'ac qome da Qasoxonaxa maye Qui'itta.

Miqueas 4:7

Qaq anamayepi nache sauaxaỹaxaneguet anam no'onañi co'ollaxa, qaq nache sachegoxotchigui qome ca shiỹaxauapi maye ỹataqta 'añaxaicpi. Qaq aỹem Nataxala' selo'ogue qome namayepi, qom huaña añi qasoxonaxa Sión, nagui qataq nache 'eetai' qome.

Daniel 11:45

nache ỹa'ayiñi qome ca lanataqa', ñichiguinguilo naqa'en na laiñi aso auaxai, qataq añi qui'itta qasoxonaxa maye ỹataqta 'onaxai. Qalaxaye nache huaña qome yemaye da ivita ca laloqo' da ileu, nache qaica qome ca ishet da anac da itauan.

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Ezequiel 43:12

Qaq 'ena na lapaqtañi nqataxacpi maye lalamaxat aso atamnaxaqui: 'enauac na 'alhua maye coleesop aso atamnaxaqui, nam huaña na pa'asheguem añi qasoxonaxa, namaye ỹataqta sa qaishetapec qome.»

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Salmos 76:2

Qaq ye Jerusalén nache naña añi atamnaxaqui maye lalamaqte Ñimaye, yem lanataqa' maye naña ye Sión.

Salmos 9:11

Qauo'oñi ca qaro'oñiqui da qavio'oxoyiñi Ñim Nataxala' maye ilotague' na netaña ye Sión, qataq qaua'axachem na ỹotta'a't nhuo' le'ecpi na ỹo'otpi Ñimaye.

Éxodo 16:12

«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»

Isaías 11:9

Nache cam hueta'a añim qui'itta ñeqasoxonaxa qaica qome ca ỹo'otec ca qauem ca lỹa, cha'aye da nauattonaxanaxac Ñim Nataxala' nlaqchigui qome ana 'alhua, 'eeta'am na 'etaxat da nlaqchigui naqa'en aso auaxai.

Isaías 46:13

Aỹem so'ot qome da saqaỹaloq da qami' qaisorec da ica'alaqtaxanaxac saishet da qaỹaloqteguet, da ica'alaqtaxanaxac saishet da qaỹoqta. Aỹem sanem qome da lca'alaxa ye Sión, qataq sanem da ỹo'oxoyec na israel le'ecpi

Isaías 56:7

nache Aỹem sauega qome añi sa qaishetapec ñeqasoxonaxa nache so'otec da machiguiñi da hueta'a añi ỹalamaqte atamnaxaqui. Qataq saconeguet qome da ỹachalec añi ỹalamaqte nca'atoxonaxalate ana lachetaqtaxanaqtepi qaỹavigaxatta qataq ana sa imauaq da qaỹavigaxat, cha'aye ñim ima' qaỹamata'ac qome da natamnaqa' 'enauac na shiỹaxauapi.

Jeremías 31:40

Qaq imauec qome yem ca'amegue maye nlaraqa' naxa nam leuaxaicpi qataq qaỹasaxauga naxa na alo qataq 'enauac yem no'onaxapi maye hueto'ot na loigue so la'auaxac Cedrón, nache ivitta'a ñi lasom maye le'enaxat Nasom na Caipi, maye pa'aigue da yo'oxoñi, 'enauac qome da ỹalamaxat, qaq 'enauac qome namayepi saishet da ỹe'eguelaxa da qaỹamaxañi qataq qailaxachigui.»

Ezequiel 20:40

Qaq 'enauac qome na Israel le'ecpi da Aỹem ỹo'oxoren qom huaña añim qui'itta ñeqasoxonaxa, añim qaỹoqotcheguema qasoxonaxa ye Israel, maye netaigui ye ña'alhua. Qaq 'era da ỹa'aqtac Aỹem Nataxala'. Qaq huaña qome yemaye nache qami' saconegueta, qataq huaña yemaye da qami' shenapegalo da aỹem qaỹa'añiỹot aca qarachetaqtaxanaqchepi, qataq da aỹem qandoiua'a aca la'auaxana ala ca qa'añiguishequi, qataq 'enauac cam qauỹochiỹauga da aỹem qaỹa'añiỹot.›

Ezequiel 37:6

Qami' sanaguilo qome ana qaro'otaipi, qataq sanauo na qarapache, qataq sauo'o na qaro'oqui, qataq sauo'oi naua qara'achelli', yaqto' ishet da qaltaq huo'o da qarca'alaqai. Qaq huaña qome nache qami' qauaỹacheñi da Aỹem nachaỹem Nataxala'.»

Ezequiel 44:9

Qaq ỹoqo'oye Aỹem Nataxala', shenapec: Saishet qome da huenoxonoigui añi ỹalamaqte atamnaxaqui cam chegaqauec maye saishet da huetaigui da ntoonaxac, qataq da lo'ocỹaxac dam la'anaxat da ñaỹamaxataxac, qataq ivira'a cam chegaqauec maye ỹalectaigui na Israel le'ecpi.

Daniel 9:16

'Am Nataxala', qomi' saỹatenaq da 'am choxonnataxanaxaic. Ñaq qomi' 'anqouagueque taxa da ca'ai 'anqa'en ye Jerusalén da 'arayeloxo, cha'aye yi'iye huaqta'a't nỹecpi qataq añi qui'itta qasoxonaxa maiche 'aralamaqte. 'Enauac na ỹotta'a't shiỹaxauapi maye lauoreuapi ye Jerusalén, ỹataqta ỹe'eetac yemaye, qataq na 'aralamaxat nhuo' le'ecpi, souaxat nam qarasouaxashetpi, qataq nam lasouaxashetpi som hua'au qarta'alpi.

Da na'aqtaguec so Job 15:19

Qaq nachesota somayepi da Ñim Lo'onatac 'Enauacna ỹanem co'ollaxa na 'alhua, qataq qaica da ỹalecta'aguet nam ỹaqa'a ca chegaqa'ague.