Joel 3:15 - La'aqtaqa Ñim Lo'onatac 'Enauacna 2013

¹⁵ Qaq huaña nache añi nala' qataq ñi ca'agoxoic, 'o'm qome, qaq anam huaqaañipi qaica qome ca le'eraxa.

Toba del Oeste

¹⁵ Jañe'me ajeua nataq'aen joñe'me auoĝoic ja yauote lauaq, male 'naltapiye qomle; chayovida'a naa'me uaqachiñil male yem da'me edañguilo.

Joel 3:15 Referans Kwoze

Joel 2:10

Nache da nvi' namayepi nache cholaxan ana 'alhua, qataq cholaxan na piguem, qataq 'om añi nala' qataq ñi ca'agoxoic, qataq ana huaqaañipi qaica ca le'eraxa.

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Joel 2:31

Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Marcos 13:24

Qaq qom mashe inoxoore'c que'ecaua na'axa'te maye que'eenaxaqui', nache 'om qome añi nala', qataq qaica ca le'eraxa ñi ca'agoxoic.

Apocalipsis 8:12

Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.

Eclesiastés 12:2

Qaq 'auo'ot nagui da ñaq saxanaxa da vi'iiguet na le'eraxa añi nala', ñi ca'agoxoic qataq ana huaqaañipi, qataq da ñaq huo'o na lo'oc na piguem da mashe ime ca auot.

Ezequiel 32:7

Qom 'am selaxachigui, nache so'ot da napalñi na piguem, qataq 'om ana huaqaañipi, qataq añi nala' so'ot da ỹapolec na lo'oc na piguem, qataq ñi ca'agoxoic saishet qome da ỹe'eguelaxa da 'eroigui.