Joel 2:32 - La'aqtaqa Ñim Lo'onatac 'Enauacna 2013

³² Qalaxaye 'enauac nam iỹaxaatega da le'enaxat Ñim Nataxala' nca'alec qome, cha'aye añi qasoxonaxa Sión qataq ye Jerusalén, huaña qome da nca'alaxa, cha'aye maiche la'aqtac co'ollaxa Ñim Nataxala'. Qaq que'eca lca'alaxaicpi, nache ỹalectaigui qome nam lca'aguishecpi Ñim Nataxala'.

Toba del Oeste

³² Qalaĝaja yema jogaa'me yiyaĝatedapecot joñe'me Jaliaĝanec, naqaegaua da'me qonec'alaĝatedegue qomle, qa'a da'me nec'alaĝa chiyaqaue jañe'me qajoĝonaĝa jo'ne lenaĝat da'me Sión, jo'ne nach'edi di'me noic Jerusalén. Qa'a nach'ena ca'li nenaĝategue joñe'me Jaliaĝanec; qama'le jogaa'me 'yatetelo'te ñe'me Jaliaĝanec, naqaegaua nec'aledegue qomle.

Joel 2:32 Referans Kwoze

Romanos 11:26

Qaq qom mashe ime de'era, nache Ñim Lo'onatac 'Enauacna nca'alaxatec 'enauac nam Israel le'ecpi cha'aye, nache 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «Ca Nca'alaxaqui chegaqaña qome ye Jerusalén, qataq camaye ỹapalaxat 'enauac nam lasouaxashetpi na Israel le'ecpi.

Jeremías 31:7

Ñim Nataxala', 'eeta': «Qauo'onaxañi qome souaxat da qantonaxaqui qataq da qaramaicỹaxaqui souaxat nam chegoxoguetpi so Jacob, nam ỹataqta huo'o da la'amaqchec da ỹalectaigui 'enauac na ỹotta'a't shiỹaxauapi. Qaỹa'axaỹa qome qanqa'eñi da qayo'oxonnataxanaxaqui, qoñeeta': ‹Ñim Nataxala' nca'alaxatec nam lalamaxat nhuo' le'ecpi, nam no'onañi co'ollaxa na Israel le'ecpi.›

Isaías 46:13

Aỹem so'ot qome da saqaỹaloq da qami' qaisorec da ica'alaqtaxanaxac saishet da qaỹaloqteguet, da ica'alaqtaxanaxac saishet da qaỹoqta. Aỹem sanem qome da lca'alaxa ye Sión, qataq sanem da ỹo'oxoyec na israel le'ecpi

Romanos 9:27

Nataqa'en so na'aqtaxanaxanec Isaías co'ollaq detaxaỹa na Israel le'ecpi qalaq 'eeta': «Na'aictaxa da ỹataqta qalota na Israel le'ecpi da 'eeta'am na lsoche na delec maye hueto'ot na loigue aso auaxai, qalaxaye saq 'amaqtaq cam qanca'alaxatec.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Abdías 1:17

Qalaxaye añi qasoxonaxa Sión huo'o qome ca lca'alaxaicpi, qaq añimaye ỹataqta sa qaishetapec qome. Nache nam chegoxoguetpi so Jacob, qaltaq ỹe'eguelaxa qome da nalec na na'alhuapi.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

Juan 4:22

Qami' Samaria lashe', qami' saishet da qauauattoñiita cam qavio'oxoyiñiitac. Qomi', qalaxaye ỹataqta saỹaanaqta ñim sho'oxorenaqtac. Cha'aye ca Nta'a Nca'alaxaqui camaye chegoqtoigui na judiopi.

Miqueas 5:3

Qaq ỹoqo'oye Ñim Nataxala' ỹaxanec nam lalamaxatpi, nache ivitta'a ca na'a'q da deco'o aca 'alo, maye taỹa'a da ñiguiñi ca llalec. Huaña qome nache na no'onañipi co'ollaxa, ỹe'eguelaxa da ỹaleeguet na lqaỹañecpi Israel le'ecpi maye noxonecpi co'ollaxa.

Isaías 11:16

Qaq yem no'onañi nhuo' le'ecpi maye lalamaxatpi Ñim Nataxala' qom ivita da ñe'eguelaq chegoqchiguiña ye Asiria, nache qalotegue qome ca llec nqa'aic, 'eeta'am so na'a'q co'ollaq so Israel le'ecpi ca'ai ye Egipto.

Isaías 10:22

Qami' Israel le'ecpi, na'aictaxa da qami' qalote' qome da qoñiita'am na lsoche na 'alhua maye huetangui aso auaxai, qalaxaye saq 'amaqtache qome caua ñe'eguela'q. Qaq dam nasataxac da qami' qanlaxaayeñi, damaye ỹo'ot qome da ỹaatec naqa'en dam nalochiguiñi lataxac.

Isaías 4:2

Qaq que'eca na'a'q, nache aca llaxataxa maye nañaxat qome naqa'en Ñim Nataxala', nachaca aca llo'oxoraqte qataq llo'oxoyec cam lca'alaxaicpi Israel le'ecpi, qaq cam ala ca nañiguishec maye chegaqaigui ana 'alhua, nacheca qome ca ỹo'ot da llo'oxoyec qataq huo'o naq 'enec naqa'en camayepi.

Hebreos 12:22

Qami' qalaxaye mashe qanquiquiiua'a añi saqaỹoqotcheguemec 'alhua maye le'enaxat da Sión, añim netalec ye nỹecpi maye lalamaxat Ñim Lo'onatac 'Enauacna maye nache 'eetai' da nca'altauec. Yi'iye nỹecpi nacheye ye Jerusalén maye neta'ague da piguem, yem hueta'a nam ỹataqta qalota namaxashec piguem le'ecpi da ỹo'oxoreetac Ñim Lo'onatac 'Enauacna,

Romanos 11:7

Qaq ỹoqta 'eesa da som saq 'amaqtaq maye lca'aguishecpi Ñim Lo'onatac 'Enauacna da ỹañoxot da anata dam saq anata na laỹepi shiỹaxauapi. Cha'aye souaxat somayepi da ỹataqta qaramchigui.

Romanos 9:24

Qataq saishet da ỹectega da qomi' judiopi, huo'otaq saishet.

Hechos 15:17

yaqto' 'enauac nam laỹepi shiỹaxauapi Aỹem nmitaique maye Aỹem Nataxala', qataq 'enauac nam ỹotta'a't shiỹaxauapi maye seỹaxana da sauotaique ỹalamaxatpi.

Abdías 1:21

Qaq nam dauegaxanpi qalaq tasheguema qome añi qasoxonaxa Sión, da yaqto' nmit nam shiỹaxauapi maye nalec aye qasoxonaxapi maye na'alhua so Esaú. Qaq huaña, nache de'era no'onataxanaxac, ilo'ogue qome Ñim Nataxala'.

Romanos 11:5

Qaq nache 'ena'am nagui. Ñim Lo'onatac 'Enauacna ỹataqta soxoraic qataq lca'ateua'a nam saq 'amaqtaq nam judiopi maye ñaqauo'o da lpi'iỹaxac Ñimaye.

Génesis 4:26

Qaq nataqa'en so Set, huo'o co'ollaxa so llalec, nache ỹanagui da le'enaxat Enós. Qaq nacheso so chegoqchigui da qaỹo'oxoren da le'enaxat Ñim Nataxala'.

Amós 9:8

Qaq Ñim Nataxala' imeteetac da qauem lo'onataxanaxac ne'ena shiỹaxauapi, ỹoqo'oye 'eeta': Ỹataqta pal ñaqa'en qome ne'ena shiỹaxauapi da huetalec ana 'alhua, qalaxaye saishet da imauec da pal ñaqa'en nam chegoxoguetpi so Jacob. Qaq 'era da ỹa'aqtac, Aỹem Nataxala'.