Joel 2:28 - La'aqtaqa Ñim Lo'onatac 'Enauacna 2013

²⁸ Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

Toba del Oeste

²⁸ »Qom ye'm naa'me naajo', qama'le jen ami najaĝayelo da'me yañoqotaĝanaĝac, ami laje'pi yemeda naa'me ale'u, qama'le jogaa'me ac'oqo'chedi' nataq'aen gaa'me ac'oqocheldi' naqaegaua jo'ne 'yaĝatetedac qomle da'me mach'e 'yaqataĝanaĝac, nataq'aen joga'me 'yaĝaicachidipi nataq'aen jogaa'me 'yaĝainadi', uo'oe qomle gaa'me lichoĝonaĝaco, chayovida'alo jogaa'me joĝodipi uo'oe qomle gaa'me lauanaĝanaĝaco.

Joel 2:28 Referans Kwoze

Ezequiel 39:29

Nache saishet qome da qaltaq saneguet na ilaq, cha'aye mashe secorelec da ỹa'añaxac na nhuo' Israel le'ecpi. Qaq 'era da ỹa'aqtac Aỹem nataxala'.»

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Isaías 32:15

Qalaxaye dam saqcha'a la'añaxac Ñim Nataxala' qaltaq qomi' ñe'eguelaxalo qome nache na toolec 'alhua ỹe'eguelaxa qome da ishet da qoỹanaxaalec, qataq nam no'on 'alhua ñaxaalec qome ana qalota qo'oipaqpi.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Proverbios 1:23

Qana'axaỹaxañiỹalo qome naua iviraqtaxanaxaco, yaqto' qami' sanema da iquiyaqteỹaxac, qataq qami' sanema da qauauattoñi na iuennataxacpi.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Hechos 2:33

Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.

Lucas 3:6

¡Yaqto' 'enauac na shiỹaxauapi ila'a ca Nca'alaxaqui maye qami' namaxalo Ñim Lo'onatac 'Enauacna!»

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Isaías 40:5

Qaq huaña nache Ñim Nataxala' ỹachaxan qome da llo'oxoyec, nache 'enauac qome na shiỹaxauapi da ỹauaachigui damaye. Cha'aye Ñim Nataxala' maiche la'aqtac damaye.

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Hechos 21:9

Qaq se'eso Felipe huo'oi soua cuatro llalel. Soomaye saxanaxa da huaro'n, qaq soomaye la'aqtaxanaxanal Ñim Lo'onatac 'Enauacna.

Jeremías 23:28

¡Ca na'aqtaxanaxanec da huo'o ca lchoxonaxac, qalaq iuen da ỹa'axatta da choche lchoxonaxac, qalaxaye da ỹaconegueta naua ỹa'aqtaqa qalaq iuen da ipagaqchiichiguilo da ỹa'axa't! Cha'aye, ca 'auaqpi saishet da qanaloqnet ca trigo.

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Lucas 1:67

So Zacarías ỹataqta nlaqchigui So Saqcha'a Na'añaxac Qui'itta. Nache ỹan da la'aqtac, 'eeta':

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

1 Samuel 19:20

nache ỹamaq so nalleppi da yaqto' ỹaconeua'a somaye, qalaxaye so lamaxashecpi so Saúl co'ollaq ivita so hueta'a so David, nache natenalec so na'aqtaxanaxanecpi, qaq so Samuel nache ỹalectaigui somayepi. Qaq huaña nache so Saqcha'a La'añaxac Ñim Lo'onatac 'Enauacna, taigui so lamaxashecpi so Saúl, nache nataqa'en somayepi ỹalegueuo da da'aqtaxaatac.

1 Samuel 28:6

Ỹoqo'oye so Saúl inat co'ollaxa Ñim Nataxala', qalaxaye Ñimaye saishet da ỹasateguet da ỹachegoxotchigui ca lchoxonaxac, huo'otaq so coma' maye le'enaxat urim, huo'otaq so na'aqtaxanaxanecpi.

Isaías 49:26

Qataq nam 'am ique'eteetalec naxa so'otec qome da chec na maiche lapat qataq da nỹomgui na maiche ltago'q 'eeta'am naqa'en ca lataxa. Qaq 'era da 'eetec qome da 'enauac na shiỹaxauapi ỹaỹaten da Aỹem, Aỹem Nataxala' nachaỹem 'arca'alaxaqui. Qataq da Aỹem maye la'añaxanec so Jacob, nachaỹem 'arca'alaxaqui.»

Jeremías 23:25

Aỹem, sa'aqtega da nashepegaxanaxac ne'ena na'aqtaxanaxanecpi, da 'eetega ỹa'axattac da ỹe'enaxat, qataq 'eetega ña'aqtaxaatague' da huaigui na lchoxonaxacpi.

Ezequiel 36:27

Qami' sanaiguilo qome so Saqcha'a Ỹa'añaxac, nache so'ot da qaupaquiitelec qome na iqataxacpi, qataq na ỹamaxasoxonaxacpi,

Ezequiel 37:14

Aỹem qami' sanaiguilo qome soua ỹa'a'che maye ỹo'ot da nca'alaxa, huaña nache qaltaq qanca'alleeuec, nache qami' sanaleguete yem maiche qaralamaxache qana'alhuai. Qaq huaña qome nache qauaỹacheñi da Aỹem nachaỹem Nataxala', maye ỹa'aqtac de'era, qaq ipacchigui qome ñaqa'en. Qaq 'era da ỹa'aqtac Aỹem Nataxala'.»

Daniel 7:1

Qaq so la'auaxanec vi'i da lo'onataxanaxac so Belsasar ye Babilonia, nache so Daniel huo'o so lchoxonaxac, qataq so lauanaqchecpi. Qaq co'ollaq nlouec, nache ỹiyiñi nam lataxacpi maye ỹataqta huo'o naq 'enec naqa'en. Qaq 'era dam ỹiyiñi somaye:

1 Samuel 19:21

Qaq so Saúl co'ollaq ỹaỹaten de'era nache qaltaq ỹamaq so laỹepi ỹalleppi, qalaxaye nataqa'en somayepi ỹalegueuo da da'aqtaxaatac. Ime, qaltaq ỹamaq so laỹepi ỹalleppi, qalaxaye nataqa'en somayepi ỹalegueuo da da'aqtaxaatac 'eeta'am so hua'auñi laỹepi.