Joel 2:27 - La'aqtaqa Ñim Lo'onatac 'Enauacna 2013

²⁷ Huaña qome, nache qauaỹachiñiita da qami' salectaiguilo qami' Israel le'ecpi, qataq da nachaỹemta Aỹem Nataxala' maye Qanatamnaxala'ai, nache qaica ca lỹa. Huaña qome nache saishet da qaltaq huo'o ca na'aloxootaique ne'ena ỹalamaxat nhuo' le'ecpi.

Toba del Oeste

²⁷ Qama'le ami jo'ne ami Israel lec'oqo'tepi, male auayachiñe queda'me nach'e eta't ami jouetauelo, naqayem jo'ne Jaliaĝanec mach'e Anedios, qama'le qaya'te laqaya. Ami yalaqapi, ¡ja yitaĝa jaje'tem ta'le ami qonepocoĝolo'te!

Joel 2:27 Referans Kwoze

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

Isaías 45:5

Aỹem nachaỹem Nataxala', qaica ca lỹa, qaica ca lỹa atamnaxala'. 'Am seqataxanai' co'ollaxa da yaqto' ishet da 'auloqui, na'aictaxa co'ollaxa da saishet da aỹem 'auauatton,

Joel 3:17

Huaña qome, nache qauaỹachiñi da aỹem Nataxala' maye Qanatamnaxala'ai, soota'a na Sión, anam ỹataqta qui'itta ñeqasoxonaxa, nache na Jerusalén ỹataqta qui'itta qome, qataq saishet da ỹe'eguelaxa da loxonec nam chegaqauecpi.

Ezequiel 39:28

huaña nache ỹaỹaten da Aỹem Nataxala' maye Natamnaxala', maye so'ot co'ollaxa da qaỹauega namayepi na ỹotta'a't shiỹaxauapi, qalaxaye co'ollaq ime nache qaltaq she'eguelaxa da llaỹona't da sanalec ye maiche na'alhua nache qaica co'ollaxa ca ño'onaxatañi.

Joel 2:26

Qaq nache qaviyeeta'a da ỹataqta qami' comaraxaiqa, huaña, nache qavio'oxoreñi da le'enaxat Ñim Nataxala' maye Qanatamnaxala'ai, maye qami' ỹo'oteque nam ỹataqta lta'araic maye ỹo'ot da na'aalaxa. Huaña nache ne'ena ỹalamaxat nhuo' le'ecpi, saishet qome da huo'o ca na'aloxootaique.

Salmos 46:5

Qaq Ñim Lo'onatac 'Enauacna netangui na laiñi yemaye nache saishet da deraỹapigui', qaq da mashe yo'oxoñi nache Ñim Lo'onatac 'Enauacna itauan yemaye.

Deuteronómio 23:14

Cha'aye Ñim Nataxala' maye Qanatamnaxala'ai, Ñimaye hueta'a ca qaranataqa'ai da yaqto' qami' npaxattaleguete, qataq qami' ỹanema da qoroxonqui ca qampa'aguenaxauaipi. Ỹoqo'oye que'eca qaranataqa'ai, camaye ỹataqta qui'itta qome qanqa'eñi, yaqto' Ñimaye saishet da ilalec ca saỹaỹamaxañi da qami' ỹalleta'alo, ten qom qami' ca'aisalo.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

1 Pedro 2:6

Cha'aye da la'aqtaxanaxac Ñim Lo'onatac 'Enauacna maye nanettalec ana la'aqtac lmalate Ñimaye 'eeta': «Aỹem da soota'a ye Jerusalén qalaq sheeta'am ca coma' maye qaica ca 'ena'am da lyac qataq nca'aguishec. Aỹem coma' maye ỹataqta nhuenec qaq da ỹo'onataxanaxac ñelletañi ca nỹec. Qaq cam Aỹem pi'iỹa'a nache camaye saishet da qaỹatenachet.»

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Ezequiel 39:22

Qaq nache chegoqchiguiña qome que'eca na'a'q da na Israel le'ecpi, ỹaỹaten da Aỹem nachaỹem Nataxala' maye Natamnaxala'.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Isaías 44:8

¡Qalaxaye qana'añaxache, saishet da qayi'iitac! 'Era da ỹa'aqtac co'ollaxa soua qaỹoqteguelo vi'iye, qaq qami' nache qami' ỹa'aqtaxanaxanaqa de'era. Qaq ¿peta'a huo'o ca lỹa atamnaxala' ỹaqauga? 'A'i, qaica ca lỹa ñe'eguenaxala', qaica ca sauatton.»

Isaías 45:6

yaqto' 'enauac nam hueta'ague da nala' lliguisheguem qataq da nala' lliguiñi, ỹaỹaten da qaica ca lỹa atamnaxala'. Aỹem nachaỹem Nataxala' qaica ca lỹa.

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.

Ezequiel 37:6

Qami' sanaguilo qome ana qaro'otaipi, qataq sanauo na qarapache, qataq sauo'o na qaro'oqui, qataq sauo'oi naua qara'achelli', yaqto' ishet da qaltaq huo'o da qarca'alaqai. Qaq huaña qome nache qami' qauaỹacheñi da Aỹem nachaỹem Nataxala'.»

Joel 3:21

Qaq aỹem qome, sepalaique lvi' som qaỹalauatpi co'ollaxa, nache saishet da sechoxoren nam icoraxatre'c soua ltago'q som qaica ca ỹasouaxat. Qaq Aỹem Nataxala', nache sonaña qome ye Sión.

Sofonías 3:11

Qaq que'eca na'a'q nache qaica qome ca 'am ỹa'aloqchettac, nam 'auo'otpi maye ỹo'ot co'ollaxa da Aỹem 'auataỹa'aguet, cha'aye 'am ñeqateeguesop qome na na'amqaanaxaicpi qataq na ño'oxonnaxaicpi, nache saishet da qaltaq ỹachaxaatac dam ño'oxonnaxac da hueta'a añim qui'itta ñeqasoxonaxa.

Números 11:29

Nache so Moisés 'eeta': ¿Peta'a aỹem 'auca'alaxaatapeguelec? ¡Qamaq da iyaxa ctaxa da 'enauac ne'ena nhuo' le'ecpi, talec so laỹe so Saqcha'a La'añaxac Ñim Nataxala', nache 'enauac da na'aqtaxanaxanecpi!

Números 23:21

Ñimaye saishet da ilalec ca qauem lataxac yi'iye lauo' le'ecpi so Jacob, huo'otaq ca saỹaỹamaxañi lataxac ye Israel le'ecpi. Cha'aye Ñim Nataxala' maye Natamnaxala' hueta'aguet yemayepi, qaq yemayepi da iỹaxana Ñimaye nache 'eetega lta'a.

Proverbios 1:23

Qana'axaỹaxañiỹalo qome naua iviraqtaxanaxaco, yaqto' qami' sanema da iquiyaqteỹaxac, qataq qami' sanema da qauauattoñi na iuennataxacpi.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Isaías 46:9

ña qauennachiỹa'a som so'ot co'ollaxa maye huaiguilo soua qaỹoqteguelo vi'iye. Aỹem, nachaỹem Atamnaxala', qaq qaica ca lỹa, aỹem Atamnaxala' qaq qaica ca lỹa da sheeta'am.

Ezequiel 39:29

Nache saishet qome da qaltaq saneguet na ilaq, cha'aye mashe secorelec da ỹa'añaxac na nhuo' Israel le'ecpi. Qaq 'era da ỹa'aqtac Aỹem nataxala'.»

Zacarías 2:9

Qaq ỹoqo'oye aỹem selogui' qome que'eca shiỹaxauapi, qataq so'otec da, ca maiche lalamaxat l-latacpi nhuo' camayepi.» Qaq 'era da 'eetec da ỹachaxan da llo'oxoyec Ñim Nataxala' maye Qaica ca Ỹaqalanapec, qaq nache huaña qome da qauaỹacheñi da nacheñi Ñimaye da aỹem namaq.