Biblia Todo Logo
Bib sou entènèt

- Piblisite -




Joel 2:24 - La'aqtaqa Ñim Lo'onatac 'Enauacna 2013

24 Huaña qome, nache choche huañi na ala na trigo, qataq nlaqchigui nam laỹe'pi na lataxa qataq na aceite.

Gade chapit la Kopi

Toba del Oeste

24 Male jalcote onaĝaic da'me naqataĝanaĝac ga'me nanec jo'ne trigo jala, chayovida'a yema qoyauana joga'me uva li'i nataq'aen aceite.

Gade chapit la Kopi




Joel 2:24
8 Referans Kwoze  

Qandoiua'a qome ana qandiezmoi añim laỹe' anamaye, maye netaigui añi atamnaxaqui, qaq yaqto' huo'o qome na nallec ñi ima'. Ñaq Aỹem qavi'eguiñic qome de'era, yaqto' qauaỹachiñi da Aỹem seshet da sauatoigui nam lasompi na piguem, da yaqto' qami' secoreleguete da ichoxonnataxanaxa, nache ivita'a da chochaq huañi da qana'achecỹaxaqui.


Qataq natrauo caua na'axa'te qom ñaq qanqattac na ala na trigo, nache mashe qaltaq qana'ayisheguem nam nanaxanaqa'pi, qataq qom ñaq saxanaxa da ime da qailaxattapigui ana ala ana uvapi, nache mashe qaltaq qoỹaañi na trigo. Nache na lataxa qalaq 'eeta'am na la'auaxacpi na 'etaxat da chegaqasheguema ana qasoxonaxapi qataq ana lcomaraxalatepi.


Nache que'eca na'a'q, na lataxa qataq na huaca lche', 'eeta'am qome na 'etaxat maye chegaqasheguema ana qasoxonaxapi qataq anam lcomaraxalatepi, qataq na la'auaxacpi ye Judá, nlaxagui qome na 'etaxat. Nache añi atamnaxaqui maye ỹalamaqte chegoqchiguiña qome na npaxaatasheguem 'etaxat, da icorelec ye ca'amegue ye Sitín.


Cha'aye namayepi ỹataqta qauemaicpi, ỹoqo'oye 'eeta'am qome qanqa'eñi na trigo da mashe ỹe nache qauchiqui, cha'aye mashe ivita ye laloqo' da qanqat nam nañiguishecpi, nache ỹataqta dapaxa't qanqa'eñi namayepi, 'eeta'am ana uva da qaỹapigui da yaqto' qaỹo'ot na lataxa.


Qataq qollequiitac qome aca ala ca hua'auñi qa'añiguishe ca lỹa vi'i, nache ivitta'a da qanqacheeuec ca togoshec qaraỹamaqtaqui souaxat da qauaỹamaxache ca dalaxaic ala.


Qaq ca qana'alhuai ỹataqta qalota qome da alaỹaxac, nache chochaq huañi da qarquia'axaqui, ivitta'a da qami' comaraxaiqa, nache qaica camachaqca da qanachaalataxaqui.


Qalaxaye qami' qasoxonaxapi ye Israel qami' nlaqaaleguete qome ana late'erai qo'oipaqpi, qataq qalota qome ana ala, da yaqto' lalamaqte na ỹalamaxat nhuo' Israel le'ecpi, maye mashe yaqta'a da ñe'eguelaq.


Swiv nou:

Piblisite


Piblisite