Joel 2:23 - La'aqtaqa Ñim Lo'onatac 'Enauacna 2013

²³ ¡Qataq qauamaichiguiñi qome qami' maye qarma'ai na Sión, qataq qaỹa'añiitacot qome da qantonaxaqui Ñim Nataxala' maye Qanatamnaxala'ai! Cha'aye Ñimaye ipacchigui qome naqa'en ye laloxoqui na auot, yem latomaxa qataq nauoxo, nache 'eeta'am soua hua'au' na'axa'te.

Toba del Oeste

²³ ¡Ami made'tape, ami Dios lec'oqo'tepi jo'ne oñita'ña jena'me Sión! ¡A'nonaĝachiigui joñe'me Jaliaĝanec, mach'e Anedios jo'ne Ja 'Nalegue! Qa'a yitaĝa en uotep qom yovita joga'me laloqo', male en uotep nale naqaviaĝa chayovida'a nale nauoĝo, ena'am ca'li jo'me 'uaechiñe.

Joel 2:23 Referans Kwoze

Filipenses 4:4

Qaq ỹataqta qantoñiitapeguec So Qarataxala' 'enauaque naua na'axa'te. Qaq de'era ỹa'aqtac ỹataqta she'eguelaxattalec da ỹataqta qantoñiitapigui' qome.

Levítico 26:4

nache Aỹem ipacchiguilo ñaqa'en naua na'axa'te maye laloxoqui' na auot da qami' ñamaxalo, nache ana 'alhua qataq ana qo'oipaqpi maye hualec na no'onaxa huo'o da alaỹaxac,

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Deuteronómio 11:14

nache Ñimaye ỹataqta ipacchiguilo naqa'en naua laloxoqui' na auot, ye cotap qataq ye nauoxo, yaqto' ishet da qanqache aca ala ca trigo, qataq huo'o na lataxa qataq na aceite.

Isaías 41:16

Qataq 'auchegoq qome nache ỹache na la'at, qataq na la'at lta'araic ilagaxattac qome. Huaña nache 'auamachiguiñi qome da qoueto'ot Ñim Nataxala', qataq huo'o da 'ana'amqaanaxac da qoueto'ot Ñim Qui'itta Natamnaxala' na Israel le'ecpi.

Salmos 149:2

Qami' Israel le'ecpi, qantoñeetapeguec qome Ñim qami' lo'onataqa, qami' Sión lashe', qantoñiitapeguec qome Ñim Qarta'ai.

Filipenses 3:1

Qaq nagui qami' ỹaqaỹarolqa, qantoñiitapeguec qome da qana'ayeetaua'a So Qarataxala'. Qaq aỹem saishet da huo'otaq ñasamtapiguiñi da she'eguelaxattalec de'era maye sogote da shiyiñi co'ollaxa, cha'aye damaye saỹateeta da ỹataqta qarviñiqui.

Zacarías 10:1

Ñaq qauỹaxañiỹot qome Ñim Nataxala' da namaq ca auot ye nauoxo, cha'aye Ñimaye nacheñi ñi ỹo'ot na napo, qataq namaq na auot, qataq nacheñi ñim ỹo'ot da lañaxataxac 'enauac ana huoue maye huetalec na no'onaxa.

Salmos 28:7

Ñim Nataxala' maye ỹo'ot da ỹa'añaxac qataq nacheñi ñi aỹem mpaxattalec, Ñimaye ỹataqta semato'ot da ipi'iỹaxac, qaq Ñimaye aỹem itauan. Añi iquiyaqte ỹataqta machiguiñi, ỹoqo'oye so'onaxan qataq sanot da ñetonaxac.

Isaías 30:23

Qaq Ñim Nataxala' qami' ỹanema qome ca auot, qom qaỹa'añiỹoigui na 'alhua aca qa'añiguishe ala, nache na 'alhua ỹataqta qalota qome ca ñaxaalec trigo. Qaq que'eca na'a'q nache ca qareloipi ỹataqta qolochiguiñi qome ca lquia'aqa'.

Deuteronómio 32:2

Ne'ena ỹapaxaguenataxanaxac, 'eeta'am qome ca 'auot da anactañi, qaq na ỹa'aqtacpi qalaq 'eeta'am qome ca 'aỹa, qataq 'eeta'am ca loiquiaxa da talec ca 'auaqpi, qataq 'eeta'am aca llo'oxo ca 'etaxat da talec aca huoue.

Deuteronómio 28:12

Qataq Ñim Nataxala' ỹauateua'a qome da lsallaxa maye hueto'ot na piguem, da yaqto' ipacchiguilo naqa'en naua laloqo'ote na auot da talec ca 'ana'alhua, nache ỹanem da no'on 'enauac ca 'aro'onatacpi. Huaña nache ishet qome da 'aua'aalaxanaxan ca ỹotta'a't shiỹaxauapi, qalaxaye 'am saishet qome da 'aua'aalaxatac.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Zacarías 10:7

Qaq na Efraín, qalaq 'eeta'am qome ca ale, qataq da lquiyaqteỹaxac, ỹataqta matapiguiñi qome, 'eeta'am ca shiỹaxaua da nỹomtapigui na lataxa. Qaq na llalaqpi da ilotaigui, nache nataqa'en machiguiñi; da lquiyaqteỹaxac ỹataqta machiguiñi souaxat Ñim Nataxala'.

Jeremías 5:24

Saishet da qauennataxañi qataq da, qoñiita': Huo'o naq 'enec ñaqa'enaq Ñim Nataxala' maye Qanatamnaxala', cha'aye qomi' namaxalo naxa na auot maye huaigui yem cotap qataq ye nauoxo, qataq ipacchigui naqa'en ye laloxoqui da ñeqataq na ala na qorañiguishec.

Salmos 104:34

Qaq no'ono' da ỹamaategueta Ñimaye naua iuennataxaco, cha'aye nacheñita Ñimaye da chegoqtacot da ỹamaicỹaxac.

Jeremías 3:3

Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!

Isaías 61:10

Aỹem ỹataqta lta'araic da ñetootapeguec Ñim Nataxala', da ñachaalataxac qalaq nlaqchigui da ntonaxac souaxat Ñim Ñatamnaxala', cha'aye Ñimaye aỹem ỹanaxanaxangui da nca'alaxa qataq aỹem napogonaxaaña da nalochiguiñi lataxac, Aỹem no'otaxanaxan sheeta'am ca auonaxaua qataq ỹauo'o ana ño'otaqtepi sheeta'am naqa'en aca auonaxaua.

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Proverbios 16:15

Da lamaicỹaxac ca nta'a chegaqaigui da nca'alaxa, qaq da lqouagaxanaqtaic qalaq 'eeta'am na lo'oc maye chegaqaigui ca auot.

Salmos 32:11

Qantoñiito'ot qome Ñim Nataxala', qami' shiỹaxauapi maye qami' soxoraicpi qataq qami' ỹo'oxoraiqa, qauamaichiguiñi qataq qauo'onaxañiitac souaxat da qantonaxaqui.

Da na'aqtaguec so Job 33:23

Qalaxaye da huo'o ca 'oonolec, na qalota namaxashecpi piguem le'ecpi da hueta'aguet camaye, nache itauan da detaqlec qataq ỹa'axatem Ñimaye, da camaye no'on da lataxac,

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Amós 4:7

Qataq co'ollaq saxanaqcaua soua tres ca'agoxoiqa da qanqat na ala na nañiguishec, nache vi'iiguet ñaqa'en so auot. Nache na huaqta'a't nỹecpi huo'o na talec ñaqa'en so auot, qataq huo'o na saishet da talec ñaqa'en, qataq na no'onaxapi huo'o na talec ñaqa'en so auot, qataq huo'o na saishet da talec ñaqa'en nache deqaqa souaxat da qaica ca auot.

Lamentaciones 4:2

Qaq na lma'pi ye Sión, maye ỹataqta huo'o co'ollaxa da 'enec, qataq nauotaxatpi, napacalec da 'enec qanqa'en na oro, ¡qaq nagui qalaq 'eeta'am qanqa'en ana naco'oña 'alhua maye lo'onata ca 'alhua lo'o!

Zacarías 9:13

Cha'aye mashe sechegaxaalec na ichecnec da ñalat, maye nachena na Judá, qataq mashe sanagui ana ichecna, maye nachena na Efraín. Qaq 'am Sión, nache 'am qome da 'am ỹainec, qataq sanem qome, na 'aỹa'alaqpi da dataỹa'aguet na llalaqpi ye Grecia.»

Hechos 14:17

Qalaxaye ñaqaiyeta Ñimaye ỹataqta qomi' nachaxaatalo, da qomi' ỹo'oteque da ỹaỹamaqchiguiñi, da qomi' namaxalo na auot, qataq 'onaxaic naqa'en na qorañiguishec, qataq sa qoue naqa'en na qonoq, da yaqto' samaqchiguiñi.

Salmos 84:6

Qaq namayepi da ỹa'axasoxoolec ye ca'amegue le'enaxat Noinaqa', nache nañigui naqa'en da huaña na npaxaatasheguem 'etaxat, qataq na auot nlaqtelec naqa'en da nchoxonnataxanaxa,

1 Reyes 8:36

nache 'am, maye qoneto'ot na piguem, 'aua'axaỹa qome namayepi, qataq 'auapalaxat ca lasouaxashet na 'aramaxashecpi, qataq nam 'aralamaxat nhuo' Israel le'ecpi, nache 'auapaxaguenec qome da quegue da no'on ñecỹaxac. Qataq 'anamaq qome ca auot da yaqto' talec 'anqa'en na 'alhua, maye 'aỹa'anem co'ollaxa ne'ena 'aralamaxat nhuo' le'ecpi da yaqto' lalamaxat 'anqa'en.

Da na'aqtaguec so Job 37:13

Nache 'enauac namayepi ỹachegoxotchigui da ỹauo'o da nhuaxanaguec ana 'alhua, huo'otaq da ỹachaxan da lauotaxanaqtaic.

Salmos 147:8

Ñimaye ỹapolec naqa'en na lo'oc na piguem, qataq talec naqa'en ana 'alhua na auot, qataq ana qasoxonaxapi ñaxaalec naqa'en na 'auaqpi.

Ezequiel 34:26

Ana ilopi qaguetapi sanaña qome na loigue añi qui'itta ñeqasoxonaxa, nache saalec da na'achecỹaxac, qataq ñamaxa ca auot da ivita ye laloxoqui.