Joel 2:22 - La'aqtaqa Ñim Lo'onatac 'Enauacna 2013

²² Qataq saishet da qayi'iitac qami' shiguiỹacpi no'onaxa le'ecpi, cha'aye nsalauec qome na 'auaqpisat, qataq huo'o qome ana ala ana qo'oipaqpi, nache huo'o ana ala ana hiigopi qataq ỹaguec ana ala ana uvapi.

Toba del Oeste

²² Nataq'aen ami yejidi jo'ne oñita'ña jena'me 'nonaĝa, ena'te at'oiyi, qa'a jena'me auaqapi yitaĝa dadala qomle, nataq'aen jana'me epaq yitaĝa 'uo qomle jana'me jala, yataqata jalcote jana'me higo nataq'aen jaga'me uva.

Joel 2:22 Referans Kwoze

Zacarías 8:12

Qaq qom danaxan namayepi qalaq huo'o da l-lagaxayec. Qataq ana lañiguishe uva huo'o qome ana ala, qataq na na'alhua no'on naqa'en 'enauac nam nañiguishecpi, qataq na piguem chegaqasheguema qome na 'aỹa. Qaq Aỹem so'otec qome da yaqto' hueto'ot 'enauac de'era, nam no'onañipi ne'ena nhuo' le'ecpi.

Salmos 65:12

Na 'auaqpi na toolec 'alhua qalaq darala 'anqa'en, qataq na aviaq qalaq no'on 'anqa'en.

Isaías 51:3

Aỹem sa'añaqchet qome ye Sión, yem huaqta'a't nỹecpi maye nlachiguiñi co'ollaxa. Yem toolec 'alhua maye deqaqta qalaq she'eguelaxata qome da no'on nanaxanaqa', 'eeta'am som lanaxanaqa' Ñim Nataxala' maye huaña ye Edén. Qaq yemaye qome huo'o da namaicỹaxac qataq da tonaxac, qataq hueta'a da no'onaxanaxac qataq da l-lamaxa ana nvique.

Salmos 67:6

Na 'alhua huo'o qome da alaỹaxac, cha'aye Ñim Qanatamnaxala' huo'o da lqouagaxanaqtaic da shenaqta.

1 Corintios 3:7

Qaq ỹoqo'oye saishet da nacheca cam ỹa'axat da no'on na'axaỹaxac cam 'amaqtaqaic huo'otaq cam dapaxaguenataxan. Nachaqñita Ñim Lo'onatac 'Enauacna 'oonolec da 'amaqtaqaic, cha'aye Ñimaye nacheñi ñi ỹo'ot da nañaxataxac.

Hageo 2:16

¿ca 'eetec co'ollaxa som qoviỹaigui? Cha'aye da qoñeeta, naxa da huo'o ñi 'oonolec da nqo'oneuga na naponec ala na nañiguishec maye ivi' veinte ana laỹe', qalaq nda'a't naxa da diez ana ilalec, qataq naxa da huo'o ñi tauga na no'onataqa' na lataxa, da huotaique da nlaxatchigui aca cincuenta naco'oñapi, qalaq nda'a't da nlaxachigui naxa ana veinte.

Jonás 4:11

Qaq ta'ainectoxo' da saq ỹactec ñaqa'en da ichoxonnataxanaxa yem 'amaqtaqaic huaqta'a't nỹecpi ye Nínive, maye hueta'a ye shiỹaxauapi maye napactelec ca ciento veinte mil ye lcata, maye saỹaỹaten ca 'eetec da yaqto' nca'alec, qataq qalota ye hueta'a shiguiỹacpi.»

Ezequiel 36:35

nache 'enapec qome: Ne'ena 'alhua nam toolec co'ollaxa, nagui qalaq 'eeta'am so nanaxanaqa' maye huaña co'ollaxa ye Edén, qaq na huaqta'a't nỹecpi maye ỹotta'a't naua nañalo, maye toolec qataq huetaiya' qataq dolachigui co'ollaxa, qalaq ỹataqta qampaxatteua'a, qataq qanayeetaigui.

Ezequiel 36:30

Qataq nataqa'en so'ot qome da ana qo'oipaqpi, qataq na no'onaxapi ỹataqta qalota aca ala, yaqto' qami' saishet da ỹe'eguelaxa da qami' nlaqchiguilo da qara'agaqai da qaualliquiitaigui na laỹepi shiỹaxauapi souaxat na qarqouaqai.

Ezequiel 36:8

Qalaxaye qami' qasoxonaxapi ye Israel qami' nlaqaaleguete qome ana late'erai qo'oipaqpi, qataq qalota qome ana ala, da yaqto' lalamaqte na ỹalamaxat nhuo' Israel le'ecpi, maye mashe yaqta'a da ñe'eguelaq.

Salmos 36:6

Qataq da nalochiguiñi 'arataxac, 'eeta'am ana qaỹoqotcheguemec qasoxonaxapi, qataq naua 'alapaxayiñi lataxaco 'eeta'ama aso auaxai late'erai maye qaỹoqchiguingui. Qataq ỹataqta 'antela'a na shiỹaxauapi qataq na shiguiỹacpi 'Am Nataxala'.

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Salmos 65:13

Na nalochiguiñi 'alhua qalaq nlaqtelec 'anqa'en na 'atetpi shiguiỹac, qaq na ca'amapega't 'alhua qalaq ñaxaalec 'anqa'en na trigo, 'enauac namayepi do'onaxaatac qataq ỹa'alaqtai' souaxat da ntonaxac.