Joel 2:21 - La'aqtaqa Ñim Lo'onatac 'Enauacna 2013

²¹ Qaq 'am 'alhua, 'auamachiguiñi qome, cha'aye ỹataqta lta'araic qome nam ỹo'otpi Ñim Nataxala'.

Toba del Oeste

²¹ ¡Am matac nayi, am aleua! Ena'te 'uo da'me adoqolanaĝa, qa'a joñe'me Jaliaĝanec yataqata let'adaic qomle da'me 'lonataĝanaĝac.

Joel 2:21 Referans Kwoze

Isaías 54:4

Qaq saishet da 'añi'i cha'aye saishet qome da 'am qaỹe'eetac saishet qome da 'am qaisheueetac qataq saishet da huo'o ca 'ancoqtaique. Nacherata da 'acoua'ai da 'arcoxo maye huaigui so 'annogotshec qataq saishet da 'auennatega da 'ane'enaguec co'ollaq 'am pa'ai.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Isaías 35:1

Qaq machiguiñi qome nam toolec qataq nam deqaqta 'alhua, ña nlaxagui qome da ntonaxac qataq dasovi qome anam huetalec huoue,

1 Samuel 12:16

Qaq ỹoqo'oye qanaỹamaxache nagui, yaqto' ishet da qauauañiichigui ca ỹataqta lta'araic naqa'en da na'aalaxa maye ỹo'ot Ñim Nataxala'.

Zacarías 8:15

Qaq nagui, qalaq iuennataxac da so'otec ca ỹaỹamaqchiguiñi na Jerusalén, qataq na Judá. Qaq ỹoqo'oye, saishet qome da qañi'iitac.

Joel 2:20

Qataq seltaxaneguet qome namayepi na npa'aguenaxauapi maye chegaqa'ague da sheu', nache samaqauga ye toolec 'alhua. Qaq nam huotaique da dataỹa'aguet namayepi qalaq 'ogaxaicpi ñaqa'en huangui aso Auaxai Leuaxai, qaq nam chegaqa'ague da l-laq namayepi, nache huangui ñaqa'en aso Auaxai Mediterráneo. Qaq nam lo'ocỹaxac namayepi, nache ỹataqta nchega na laita. ¡Qaq cha'aye ỹataqta lta'araic qome cam so'ot!»

1 Samuel 12:24

yaqto' nacherata da huo'o naq 'enec qanqa'eñi Ñim Nataxala', qataq ỹataqta 'eesa da qaumachiỹo'ot da qarquiyaqteỹaxaqui da qavio'oxoreñiitac, qataq qauennachiỹa'a qome som qalota maye qami' ỹo'oteque co'ollaxa Ñimaye.

Deuteronómio 4:32

Qaq ỹoqo'oye qanmichi' qome soua hua'au' vi'iye co'ollaq saxanaxa da qami' huo'oi, chegoqchiguiña co'ollaq Ñim Lo'onatac 'Enauacna ỹo'ot so shiỹaxaua da ỹanalec ana 'alhua. Qataq qauchemaxachiỹalo naua loga'te na piguem, da huo'o ca qaỹa'aqtapeguelec, huo'otaq da qaỹauaachigui ca qaỹo'ot lta'araic da 'eeta'am de'era.

Salmos 98:8

Qataq iuaxana't qome naua lhua'q na talapi, qataq ntonapigui' qome ana qasoxonaxapi,

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Oseas 2:21

Qaq Aỹem Nataxala', shenapec: Que'eca na'a'q, aỹem sasateguet qome na piguem, qaq na piguem qalaq ỹasateguet qome ana 'alhua,

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Isaías 55:12

Qami' qoquiỹa'ai qome yemaye qauachiitec da qaramaicỹaxaqui, qataq nache qavi'iguelaqaỹa yem qana'alhuai qauachiitec da qarlagaxayiqui. Qaq qom qami' ỹauaachiguilo ana qasoxonaxapi qataq ana lcomaraxalatepi, nache ỹataqta na'axannec da lo'onaxanaxac souaxat da ntonaxac, qataq 'enauac ana qo'oipaqpi maye huetalec na no'onaxa iuaxana't qome naua lhuaxaye.

Salmos 71:19

'Am Atamnaxala', da ỹaỹamaqchiguiñi 'arataxac ỹataqta iviro'ot na piguem, 'Am Atamnaxala' ỹataqta lta'araic na 'auo'otpi co'ollaxa, qaq ỹataqta qaica ca 'am 'eeta'am.

Joel 2:26

Qaq nache qaviyeeta'a da ỹataqta qami' comaraxaiqa, huaña, nache qavio'oxoreñi da le'enaxat Ñim Nataxala' maye Qanatamnaxala'ai, maye qami' ỹo'oteque nam ỹataqta lta'araic maye ỹo'ot da na'aalaxa. Huaña nache ne'ena ỹalamaxat nhuo' le'ecpi, saishet qome da huo'o ca na'aloxootaique.