Joel 2:17 - La'aqtaqa Ñim Lo'onatac 'Enauacna 2013

¹⁷ Qataq nỹen qome na ntaxaỹaxanaxanecpi maye lo'onataxanaxanecpi Ñim Nataxala', da huaña ye ñegueuo maye taỹaua'a añi nca'atoxonaxalate, nache 'eeta': «'Am Nataxala', ña 'auapalaxat qome na lasouaxashetpi ne'ena 'aralamaxat nhuo' le'ecpi, qataq qaica ca 'auashenem da ỹe'eetac nam 'aralamaxatpi, yaqto' na ỹotta'a't shiỹaxauapi saishet da choche ilattac qome namayepi. Qataq nam laỹepi ỹotta'a't shiỹaxauapi saishet qome da 'eeta': ¿Ca neta'ague cam Natamnaxala' namayepi?»

Toba del Oeste

¹⁷ 'Noota qom noyetayi joga'me tamenaĝaiqui lo'olpi, nach'egaua jo'ne mach'e lecochaĝa'u joñe'me Jaliaĝanec; qama'le da'me yec'atede'uo jona'me 'nachaqa' jo'ne ja 'nalegue, da'me dajotedalegue ga'me nec'atonaĝala', qama'le 'noota qom male nenaĝatedegue: «Am Jaliaĝanec, avichoĝode'n jena'me ac'oqo'tepi; ena'te auaje'tem ta'le 'uo joga'me ye'ue'tape jonaa'me; ena'te auajeta ta'le 'uo joga'me noic laqaya da'me qo'mi nejaliaĝatelo'te uotaĝa ta'le jogaa'me ja am 'te p'iida'a male nenaĝatedegue jenjo': “¿Jach'e ga'me ue'ta joga'me mach'e Nedios?”»

Joel 2:17 Referans Kwoze

Ezequiel 8:16

Qaq ime nache qaltaq aỹem ỹauegueua'a so pa'aỹauo nqasoxoc añi atamnaxaqui maye lalamaqte Ñim Nataxala', nache netangui na laiñi so ñegueuo aso atamnaxaqui qataq aso nca'atoxonaxalate so veinticinco ỹalleppi, somayepi qosheta'ague da pa'aỹa'ague aso atamnaxaqui, qaq datata'ague da nala' lliguisheguem ỹa'attrañi naua l-llecte nache iviraxata'aguet na latap na 'alhua da natameetacot aso nala'.

Salmos 115:2

Qaq ta'ainco' taxa da qomi' inatta'ape na shiỹaxauapi, da 'eeta': «¿Hua'ague ca hueta'ague ca Qanatamnaxala'ai?»

Salmos 79:10

Yaqto' na ỹotta'a't shiỹaxauapi saishet da 'eeta': «¿Hueta'ague ca Qanatamnaxala'ai?» Ñaq sauanaqchigui 'anqa'en qome da 'apalaique ca lvi' da l-leuaxa so 'aramaxashecpi, yaqto' na ỹotta'a't shiỹaxauapi ishet da ỹaỹateeta de'era.

Mateo 23:35

Qaq ỹoqo'oye qami' qome qarasouaxashechi da nalaataguec 'enauac nam no'on da lataxac maye huetalec ana 'alhua, chegoqchiguiña da l-leuaxa so Abel, choche ivitta'a da l-leuaxa so la'aqtaxanaxanec Ñim Lo'onatac 'Enauacna le'enaxat Zacarías som llalec so Berequías. Se'eso na'aqtaxanaxanec qaualauache co'ollaq vichiguinguilo na laiñi ye netaña añi no'onaxanaxaqui late'erai qataq añi nca'atoxonaxalate.

Amós 7:2

Qaq aso shiiquioxoipi co'ollaq mashe ỹauta ana huoue maye huetalec ana 'alhua, nache shenapec: ¡'Am Nataxala' maye Ñatamnaxala', qomi' 'auchoxore'n nagui! Cha'aye ¿ca 'eeteco' da nala'aguet de'era ne'ena 'aralamaxat nhuo' le'ecpi maye chegoxoguetpi so Jacob, ye namayepi ỹataqta saq 'amaqtaq?

Joel 1:9

Qaq nache 'eetec nataqa'en da nỹeetac na ntaxaỹaxanaxanecpi, souaxat da añi atamnaxaqui mashe qaca aca nachetaqtaxanaqte ala na nañiguishec, qataq lataxa da yaqto' qoỹanot Ñim Nataxala'.

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

1 Reyes 6:3

Qaq so nanataxaqui nỹec maye dataỹaueegue asa'aso atamnaxaqui, ivi' nueve metros ye lalogaxa, qaq nache 'eeta'am ye lcategue aso atamnaxaqui, qataq cuatro metros y medio ye lcateueegue so dataỹaueegue asomaye.

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Miqueas 7:10

Qaq na aỹem ipa'agueetac qom ila'a damaye, nache ỹataqta lta'araic da la'agaxa nam aỹem detaqtega co'ollaxa, 'eeta': ¿Hua'ague ca neta'ague cam Nataxala' maye 'Anatamnaxala'? Qaq aỹem sa'amaqchiguiñi qom sauaachigui da huetaiya', qaỹapetapigui 'eeta'am ca nshaxa maye huetangui ca nqa'aic.

Amós 7:5

Nache aỹem shenapec: ¡'Am Nataxala', ña 'avi'iiguet qome! Cha'aye ¿ca 'eeteco' da nala'aguet de'era ne'ena 'aralamaxat nhuo' le'ecpi maye chegoxoguetpi so Jacob, ye namayepi ỹataqta saq 'amaqtaq?

Ezequiel 20:9

Qalaxaye souaxat da la'amaqchec da ỹe'enaxat, qataq yaqto' saishet da qauem da na'aqtaguec namayepi da ỹalectaigui na ỹotta'a't shiỹaxauapi, cha'aye nache ỹalecta'aguet co'ollaxa ne'ena ỹotta'a't shiỹaxauapi co'ollaq ñachaxana namayepi, qataq co'ollaq sachaxanapeguem da ñeqateeguesop ye Egipto.

Isaías 37:20

Qaq nagui 'Am Nataxala' maye 'am Qanatamnaxala', qomi' 'anca'alaxateeguesopa qome da la'añaxac namayepi, yaqto' 'enauac na ỹotta'a't shiỹaxauapi ana 'alhua, ỹaỹaten da nachaq 'amta 'Am nataxala' qataq 'Am Atamnaxala'.»

Salmos 89:51

'Am Nataxala', na 'ampa'aguenaxauapi ỹataqta qomi' ỹe'enai'salo, cha'aye da lqauaxac ne'ena 'arca'aguishec nache 'eetai' naxa da qaỹe'eetac.

Salmos 89:41

Nache 'enauac na nlectelec yemaye nache decachiỹa na huo'o, nache na lauoreuapi ỹataqta ỹe'eetac yemaye.

Salmos 79:4

Nache ỹataqta qomi' ỹe'enai'salo na qarhuoreuapi, qataq qomi' ne'eetapiguilo na qomi' coleesopa.

Salmos 74:10

'Am Atamnaxala', ¿chaq laguio' da vi'iiguet da qomi' isheueeta'ape na depa'aguenataxaatacpi? ¿Peta'a nache 'eetai' qome da isheueetac da 'are'enaxat namayepi?

Salmos 42:10

Qataq ivira'alo naua ipi'ineqa ỹataqta seue't, souaxat da lviraqtaxanaxac na ñepa'aguenaxauapi, maye imauec ye na'a'q da aỹem inattac, 'eeta': «¿Cam hueta'ago' ca 'Anatamnaxala'?»

2 Crónicas 8:12

Qaq so Salomón nache ỹanot naxa Ñim Nataxala' aso lachetaqtaxanaqtepi maye qaỹavigaxatta, ỹachalec naxa aso nca'atoxonaxalate maye no'oxoosheguem co'ollaxa maye datateuga so nqasoxoc aso atamnaxaqui,

Deuteronómio 32:27

qalaxaye shi'iỹa'aguet da le'enaxanaxac na ñepa'aguenaxauapi, cha'aye da saishet da ỹaỹateeteguet de'era namayepi, nache, 'eeta': Saishet da nacheñi Ñim Nataxala' ñim ỹo'ot de'era, qomi' maye so'otaq damaye sauoqta'a da maiche qara'añaxac.

Mateo 27:43

Ñimaye 'eetega naxa da huo'o da lpi'iỹaxac Ñim Lo'onatac 'Enauacna, qataq 'eetega lta'a Ñimaye. ¡Qaq Ñim Lo'onatac 'Enauacna da ỹoqta 'eesa da lauotaxat Ñimaye, nache nca'alaxatec nagui!»

Malaquías 1:9

Qaq nagui, qauỹaxañiỹot qome Ñim Lo'onatac 'Enauacna da yaqto' qomi' ichoxore'n. Qalaxaye da qaỹa'añiỹot Ñimaye aca qarachetaqtaxanaqche, maye 'eeta'am namayepi, nache saishet qome da qaupicheetega da Ñim Lo'onatac 'Enauacna qami' ỹamaategueta. Qaq Ñim Nataxala' maye Qaica ca Ỹaqalanapec 'eeta':

Nehemías 9:36

Qaq ỹoqo'oye nagui, choche qomi' nlataqa ne'ena 'alhua maye 'aỹa'anem co'ollaxa so hua'au qarta'alpi, da yaqto' machiguiñi da chectac so ala so lañiguishec, qataq huetalec 'enauac da naỹamaxa.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Salmos 42:3

Naua ỹache' qalaq 'eeta'am ca anoq, ye na'a'q qataq ye pe, qataq imauec ye na'a'q da aỹem qainattac, qoỹeeta': «¿Hueta'ago' ca 'Anatamnaxala'?»

2 Crónicas 7:20

nache aỹem, qami' ñeqateeguesopa qome na 'alhua maye qami' sanema, qataq sheca'ai ana atamnaxaqui maye seỹotauga da yaqto' hueta'a da ỹe'enaxat, nache saneguet da choche ỹe'eetac 'enauac na ỹotta'a't shiỹaxauapi.

1 Reyes 9:7

nache Aỹem, ñeqateeguesop qome na Israel le'ecpi ne'ena 'alhua maye sanem co'ollaxa. Qaq ana'ana atamnaxaqui maye seỹotauga co'ollaxa da yaqto' hueta'a da ỹe'enaxat, qalaq sheca'ai qome, huaña nache na ỹotta'a't shiỹaxauapi ne'eetapigui qome na Israel le'ecpi.

Deuteronómio 28:37

huaña nache 'am qañi'iỹa, qataq 'am qane'eetapigui, qataq 'am laloqnaxanaxat 'enauac na ỹotta'a't shiỹaxauapi, maye 'am ỹauega Ñim Nataxala'.

Números 25:6

Qalaxaye co'ollaq laỹoota'a't so nhuo' le'ecpi, nỹeetagui netaña so ñegueuo so npe'l maye naponqa', nache ivireuo so 'oonolec Israel le'ec, ỹauectauo aso 'alo Madián lashe da yaqto' ỹachaxaneguet so maiche lauo' le'ecpi, nache ỹauaachigui 'enauac so laỹoota'a'tpi qataq so Moisés.

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Josué 7:9

Cha'aye na Canaán le'ecpi qataq 'enauac nam netalec na 'alhuapi qom ỹaỹaten de'era maye huaña ne'ena, nache namayepi huaxaỹa't qome da qomi' iloquiaxa'n, huaña nache saishet da huo'o ca no'onañi da shenaqta. Huaña nache ¿ca 'eetec qome da la'amaqchec da 'are'enaxat?»

Salmos 42:4

Qaq naxa da tachigui ye iuel se'eso hua'au, nache ỹataqta nỹen da ivilỹaxac co'ollaq shectaigui so shiỹaxauapi da sauectaua'a añi atamnaxaqui maye lalamaqte Ñim Lo'onatac 'Enauacna, ỹataqta ỹa'alaqtagui da ntonaxac da ỹaatac da na'achec. Qaq ỹataqta lta'araic da ño'oxonnataxanaxac se'eso na'a'q.

Salmos 42:11

Qaq ¿ta'ainec taxa da seqalvi? Qataq ¿ta'ainec taxa da huo'o da iuogoxo? Ye da ñaquitaxac mashe sacheto'ot Ñim Lo'onatac 'Enauacna, qaq Ñimaye nache shecto'ot da sho'oxoreetac. Ñim Ñatamnaxala' qataq ica'alaxaqui.