Joel 2:14 - La'aqtaqa Ñim Lo'onatac 'Enauacna 2013

¹⁴ Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Toba del Oeste

¹⁴ Uotaĝa male ja ya'uo joga'me ane'uaĝanaguequi, qama'le ami namaĝalo da'me lichoĝodenataĝanaĝac: uotaĝa male ami yanema joga'me trigo jala choqoga'me uva li'i, qaedi yitaĝa auañem ga'me adajaqajequi joñe'me Jaliaĝanec mach'e Anedios.

Joel 2:14 Referans Kwoze

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»

Hageo 2:19

Qaq no'on da qauloichigui, da nache chegoqchiguiña nagui da saishet qome da qui'itchigui na laỹe'pi na nañiguishec. Qaq nagui na'aictaxa da saxanaxa da ỹe ana ala ana uva, qataq ana hiigo, qataq ana granado, qataq ana oliivo, qalaxaye nache chegoqchiguiña nagui da sanem da no'on lañaxataxac.›»

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Sofonías 2:3

Qanmichiỹaique Ñim Nataxala', 'enauac qami' maye qaica ca qara'amaqchequi ana 'alhua, qami' maye qaualaqaiguet nam namaxasoxonaxacpi. Qanmichiỹaique da nalochiguiñi lataxac, qataq saishet da qana'amaqchiñi, cha'aye saiuena'a da qoñeetec de'era, nache qanca'alleeuec, cam na'a'q maye huaigui ca layeloxo Ñim Nataxala'.

Jonás 1:6

Nache so lataxala' so lo'opi aso notaxaqui nqo'ooña so huetaña so Jonás, nache 'enapega, 'eeta': «¿Ta'ainco' da 'auo'ocheta? ¡Qoñisheguem ña 'anqouagaxaunot ca 'anatamnaxala'! shapegueto' da 'am hua'axaỹa, nache qomi' huapegueto da qomi' nca'alaxatrec.»

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

2 Reyes 19:4

Qaq 'onaxaictaxa da Ñim Nataxala' maye 'Anatamnaxala', ishet da hua'aqchigui da la'aqtac so 'amaqtaqaic nataxala' maye lamaxashec ñi nta'a ye Asiria, maye anaga da isheueetac Ñim Lo'onatac 'Enauacna. Qaq 'onaxaictaxa da Ñim Nataxala' maye 'Anatamnaxala' ỹauo'o ca nhuaxanaguec, souaxat de'era la'aqtac maye hua'aqchigui. Qaq ñaq 'anqouagaxaueelec qome nam shiỹaxauapi maye no'onañipi.»

2 Samuel 12:22

Nache so David 'enapeco': Co'ollaq ña nca'altauec yi'iye nogotolec, nache aỹem ñeqouaqchet qataq ñeỹeetapeguelec, cha'aye sauotaique da aỹem ichoxoren Ñim Nataxala', da nache nca'altauec naqa'en yemaye.

Éxodo 32:30

Qaq so lỹa na'a'q, nache so Moisés 'enapega na shiỹaxauapi, 'eeta': «Qami' ỹataqta lta'araic da qarasouaxashichi. Qalaxaye nagui aỹem sasheguema ye hueta'a Ñim Nataxala', shapegueto' da sañoxot da choche qami' ichoxore'n da ỹapalaxat da qarasouaxashichi.»

2 Timoteo 2:25

qataq huesotta da lataxac da nlaxanec ca depa'aguenataxaatac. Cha'aye saiuena'a da Ñim Lo'onatac 'Enauacna ishet da ỹami' camaye da naralaxat da lhuennataxac, qataq ỹami' da ỹaỹaten da 'eesa lataxac,

Joel 1:16

Qataq ỹataqta sauanaqchigui da qaiuotaxanec na qonoq, nache qaica ca tonaxac añi atamnaxaqui maye lalamaqte Ñim Lo'onatac 'Enauacna.

Joel 1:9

Qaq nache 'eetec nataqa'en da nỹeetac na ntaxaỹaxanaxanecpi, souaxat da añi atamnaxaqui mashe qaca aca nachetaqtaxanaqte ala na nañiguishec, qataq lataxa da yaqto' qoỹanot Ñim Nataxala'.

Isaías 65:8

Ñim Nataxala', 'eeta': «Ana uva da ỹaguec na lli'i, nache na shiỹaxauapi saishet da ỹe'en, cha'aye ishet da ỹachegoxotaigui na qalota lataxa. Qaq 'era nataqa'en da sheetec qome souaxat da ỹauoche nam ỹamaxashecpi. Qaq saishet qome da ñelaxaañi 'enauac na ỹotta'a't shiỹaxauapi.

1 Samuel 6:5

Qaq nache, qauo'oche qome ca qare'enaqtaqui, qaue'enaxachiichigui ana na'agotaqtepi qataq ana chegoxonaxapi maye nlaxattapiguiñi na qana'alhuai, qataq huo'o naq 'enec qanqa'eñi Ñim Natamnaxala' ye Israel le'ecpi, shapegueto' qom vi'iiguet naqa'en da qanhuaxanaguiiqui, qataq da nhuaxanaguec nam qanatamnaxala'aipi qataq na qana'alhuai.

Josué 14:12

Qaq ỹoqo'oye nagui aỹem 'anem ne'ena 'alhua maye huaigui ana qasoxonaxapi maye aỹem ỹachaxanapeguem co'ollaxa se'eso na'a'q Ñim Nataxala'. Qataq nale'ena da 'auaỹateetac da na chegoxoguetpi so shiỹaxaua logoraic maye le'enaxat Anac netaña namaye, qataq na lalamaxat huaqta'a't nỹecpi ỹataqta qanpaxattaua'a. Qalaxaye aỹem huo'o da ñaquitaxac da Ñim Nataxala' aỹem nnaictague' qataq aỹem itaunec da yaqto' sañoxot da so'orauec yemayepi, da yaqto' ipacchigui da la'aqtac Ñimaye.»

Jeremías 26:3

Shapegueto' da ishet da 'am ỹalaxaguet da ỹaxaañi da qauem lataxac, yaqto' Aỹem saishet da sepaguelec dam seuennatega co'ollaxa da sauo'o ca nhuaxanaguec, souaxat nam qauem maye ỹo'otpi.

Jeremías 18:8

Qalaxaye que'eca ỹotta'a't shiỹaxauapi da ca'ai na qauem, nache saishet da ñamaxa ca nhuaxanaguec maye mashe seqataxaatai'.

Jeremías 26:13

Qaq ỹoqo'oye qano'onaxache da qarataxaqui qataq da qaro'onataxanaxaqui, nache qaualaqaiguet Ñim Nataxala' maye Qanatamnaxala'ai, yaqto' Ñimaye saishet qome da qami' namaxalo cam qauem maye ỹa'axatta'a.

2 Samuel 16:12

Qaq sa iuena'a da ila'a da ñeque'eenaxac Ñim Nataxala', nache maiche aỹem ỹanem ca ñechoxonnataguec, nmeneguet naqa'en na qauem na'aqtacpi maye aỹem qaỹasaxalec nagui.