Joel 2:13 - La'aqtaqa Ñim Lo'onatac 'Enauacna 2013

¹³ ¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Toba del Oeste

¹³ Da'me ami, ¡a'niyelaqaiyot joñe'me Jaliaĝanec mach'e Anedios! ¡Ena'te da'me jetaque ch'e auecolaĝachiya'aguelo naa'me adeuo lael, dite da'me auadalaĝachi' naa'me adequidiaqachildi'! Qa'a joñe'me Jaliaĝanec yataqata onaĝaicaloec, nataq'aen choĝodenataĝanaĝaic, nataq'aen 'uo da'me loqopich'i jo'ne jalcote; ja qaleuaĝaic joñe'me, qama'le uotaĝa naqat jo' qomle joga'me te'me en lachoĝode'j joga'me jiyaĝadipi.

Joel 2:13 Referans Kwoze

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Salmos 34:18

Ñim Nataxala' saqaỹapeque naqa'en ca qaica ca la'añaxac da lquiyaqteỹaxac, qataq nca'alaxatec ca mashe qaica ca naquitaxac.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Salmos 86:5

Cha'aye 'Am Nataxala', 'am soxoraic qataq choxonnataxanaxaic, qataq lta'araic da 'arauotaxanaqtaic 'enauac na 'am iỹaxaatacot.

Salmos 103:8

Ñim Nataxala' ỹataqta sa da'angui da lataxac qataq choxonnataxanaxaic, Ñimaye ỹataqta qaỹoqchiguinguit da lalemataic, cha'aye lta'araic da lauotaxanaqtaic.

Jonás 4:2

Ỹoqo'oye natamnot Ñim Nataxala', 'eeta': «¡Aicoue, 'Am Nataxala'! 'Era da sheetega co'ollaq soota'a ye ña'alhua, ỹoqo'oye huac da satauec da saỹa ye Tarsis, cha'aye saỹaten da 'Am maye 'Aro'onatac 'Enauacna, qaỹoqchiguinguit da 'aralemataic, cha'aye 'am soxoraic, choxonnataxanaxaic, huotaxanaqtaqaic, qataq ishet da 'anaralaxat ca 'arhuennataxac da sa 'aupaguelec cam qauem maye 'autaxaỹa da 'auo'ot.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

2 Samuel 1:11

Nache so David qataq so nalleppi co'ollaq hua'axaỹa de'era, nache ncolaxata'aisalo soua alogo souaxat da nqui'ic,

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Salmos 51:17

Cha'aye ca nachetaqtaxanaxat maye 'auaỹamaxareeta da 'am qoỹanot nachera da saqcha'a nca'alaxa maye huo'o nque'eenaxac, 'Am Ñatamnaxala', 'am saishet da 'auo'otan aca nquiyaqte maye ỹataqta huo'o da nqui'ic.

2 Reyes 22:19

nache ỹataqta huo'o da 'antogotaxac, qataq da 'anmanaxac da 'ana'axaỹaxana nam sa'axata'a da talec ne'ena 'alhua, qataq nam netalecpi namaye, da taỹa'a da ñelaxaañi qataq talec da qauem ỹa'aqtac, qaq souaxat da 'ancolaxata'aisalo naua 'ogo, qataq da aỹem 'anỹeeto'ot, qaq Aỹem, nataqa'en 'am sa'aqchigui. 'Era da ỹa'aqtac, aỹem Nataxala'.

Efesios 2:4

Qalaxaye Ñim Lo'onatac 'Enauacna ỹataqta lta'araic da lchoxonnataxanaxa qataq da lauoche da shenaqta.

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

Números 14:18

da saishet da sa qaỹaloxonguit da 'aralemataic, qataq ỹataqta lta'araic da 'arsoxoyec, qataq 'auapalaxat ca lasouaxashet ca huo'o ca ỹasouaxat. Qalaxaye saishet da sa 'auauo'o ca nhuaxanaguec ca huo'o ca ỹasouaxat qataq ca saỹalaq, cha'aye 'Am 'auauo'o ca nhuaxanaguec ca nta'a maye ỹo'ottac na qauem, nataqa'en ca llalaqpi, laualpi qataq ca llalaqpi ca laualpi.

Nehemías 9:17

Nache saishet da 'am na'axaỹaxana, qataq saishet da ntoueeta'ac so qaica ca 'ena'am da llo'oxoyec, maye 'auo'otec somayepi. Nache ỹataqta 'am saỹalaxaguet, ivitta'a da ỹauo'o so ỹaneuo lataxala' da yaqto' ỹe'eguelaxata da nlataguec somayepi ye Egipto. Qalaxaye 'am saishet da 'aualat co'ollaxa somayepi, cha'aye 'am Atamnaxala', 'am choxonnataxanaxaic, qataq sa da'angui añi 'arquiyaqte, qataq qaỹoqchiguinguit da 'aralemataic, cha'aye ỹataqta lta'araic da 'arauotaxanaqtaic.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Nahúm 1:3

Ñim Nataxala', ỹataqta qaỹoqchiguinguit da lalemataic, qalaxaye ỹataqta lta'araic da la'añaxac, nache saishet da sa ỹauo'o ca nhuaxanaguec cam huo'o ca lasouaxashet, Ñim Nataxala', Ñimaye quetaigui na la'at lta'araic, qaq nam lo'oc na piguem qalaq namoxoỹaxatsheguem naua lapia'ate, 'eeta'am na namoxoỹaxa.

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

2 Reyes 6:30

Nache so nta'a co'ollaq hua'axaỹa de'era la'aqtac asa'aso 'alo, nache ncolaxata'aisalo soua alogo souaxat da lauel, qalaxaye somaye nache queto'ot da quetalec so pa'asheguem so npaqtaxanaxat, nache 'enauac se'eso nhuo' le'ecpi ila'a somaye da ipa'axaatrauo soua sansatte' alogo.

2 Reyes 5:7

Qaq so nta'a ye Israel, co'ollaq ime da itaxaỹaxaatac asa'aso nere, nache ncolaxata'aisalo soua alogo. Nache 'enapeco': ¿Peta'a nachaỹemo' da Ỹo'onatac 'Enauacna, da ishet da san qataq ñeqat da achaalataxac, da yaqto' que'eca nta'a aỹem namaxa de'era ỹale, da yaqto' no'oita ñaqa'en na lo'oc maye huetalec na lepra? ¡Ña qaumichiñiita de'era, cha'aye camaye yo'oqta da nmittaique ca lataxac da aỹem dataỹa'aguet!

1 Reyes 21:27

Qaq so Ajab, co'ollaq hua'aqchigui de'era, nache ncolaxata'aisalo soua alogo, nache ỹaayiñi soua sansatte' alogo, qataq nqouaqchet. Qataq nache ỹaatrañi se'esoua alogo da do'oche, qataq ỹataqta daquicota.

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

Génesis 37:29

Qaq so Rubén co'ollaq ỹe'eguelaxa aso nshere, nache so José mashe saishet da huetangui asa'aso nshere. Huaña, co'ollaxa nache somaye ncolaxata'aisalo soua alogo souaxat da nqui'ic.

Isaías 58:5

¿Qalqo' qaupichiitega da saỹamaxareeta da qouaqchetaxac maye qaỹo'ot naxa da naquicoxo, qataq da naqtañi ca shiỹaxaua 'eeta'am aca na'aate, qataq da qoỹaatrañi naua nogo maye sansattegueta da qannaatangui na alo? ¿Qaq nachera peta'a dam qauamachiỹa'ac qouaqchetaxac, qataq na'a'q maye ỹaỹamaxareeta Ñim Nataxala'?

2 Reyes 22:11

Nache so nta'a co'ollaq hua'aqchigui nam na'aqtacpi maye nanettalec asa'aso nere maye huetalec na nqataxacpi, nache ncolaxata'aisalo soua alogo souaxat da nqui'ic,

Jeremías 41:5

nache nvi' som ochenta ỹalleppi chegaqa'a ye Siquén, Siló, qataq ye Samaria, qaq somayepi ỹataqta npetecta ana lqa' laue, qataq colaqta'ape naua logo, qataq huo'o na lque'emaxa na lo'oc maye maicheso somayepi da ỹo'ot. Qataq nachetac nataqa'en so ala na nañiguishec qataq so lchenaxanaxat maye ama na laita da yaqto' ỹanot Ñim Nataxala' da lachetaqtaxanaxat da huaña aso atamnaxaqui.

Jeremías 42:10

‹Da qami' qarhuennataqai da qoviỹa'a ne'ena 'alhua, nache Aỹem qami' sanema da qaica ca qaviñiitaique, qaq saishet qome da qami' selaxachiguilo nacherata da qami' saayiñi nache saishet da qami' ñapogoyeshegue'm, cha'aye huo'o da ñetogotaxac da qami' ñamaxalo co'ollaxa se'eso qauem.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

2 Crónicas 6:27

Nache 'aua'axaỹa qome namayepi da qoueta'a na piguem, qataq 'auapalaxat na lasouaxashetpi na 'aramaxashecpi, qataq na 'aralamaxat nhuo' Israel le'ecpi, qataq 'auapaxaguenec da no'on ñecỹaxac da yaqto' nache quetegue namayepi, nache 'anamaq ca auot da talec 'anqa'en na 'alhua maye 'aỹa'anem co'ollaxa da lalamaxat nam 'aralamaxat nhuo' le'ecpi.

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»