Joel 2:12 - La'aqtaqa Ñim Lo'onatac 'Enauacna 2013

¹² Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.

Toba del Oeste

¹² Ñe'me Jaliaĝanec yitaĝa yiyamaĝachiñi da'me 'laqatac, enaac: «Qalaĝaja nayi, 'noota qom auomachiiya naa'me adai'lidi' da'me yitaĝa jayem a'niyelaqaiyot. ¡Cha'li anoqouaqachela't, ademiya'a joñe'me Jaliaĝanec! ¡Male a'ualaqaitac, nataq'aen anoyeñitac!»

Joel 2:12 Referans Kwoze

Oseas 12:6

Qaq ỹoqo'oye 'am Israel, 'avi'eguelaxa qome Ñim 'Anatamnaxala'; 'auo'ot qome da nauotaxanaqtaic, qataq da nalochiguiñi lataxac, qataq nache 'eetai' qome da 'auacheto'ot da 'arpi'iỹaxac Ñim 'Anatamnaxala'.

Jeremías 4:1

Ñim Nataxala' 'eeta' da la'aqtac: «Da 'auauotaique da 'añe'eguelaq 'am Israel, qaq iuen da nachaỹem da aỹem 'añe'eguelaxa. Da qoca'ai nam nqaigaxat 'anatamnaxala'pi qataq saishet da Ayem qoca'ai,

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

1 Samuel 7:3

Ỹoqo'oye so Samuel 'enapego' 'enauac so Israel le'ecpi, 'eeta': «Da ỹoqta qaumachiỹo'ot da qarquiyaqteỹaxaqui Ñim Nataxala', nache qauasaqaiuec 'enauac nam atamnaxala'pi maye chegaqauec, qataq na lqui'ipi aso Astarté, nache qaumachiỹo'ot da qanachaalataxaqui Ñim Nataxala', qataq nachaqñita qome Ñimaye da qavio'oxoyiñiitac. Nache Ñimaye qami' nqateeguesopa qome da la'añaxac na filisteopi.»

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

Zacarías 7:3

qataq da inat so na'aqtaxanaxanecpi, qataq so ntaxaỹaxanaxanecpi maye ilotague' aso atamnaxaqui maye lalamaqte Ñim Nataxala' maye Qaica ca Ỹaqalanapec, 'eeta': «¿Peta'a nache qolaqto'ot da so'otaqtac da qaraquicoxo qataq da qanqouaqchetaxac da ivireuga so ca'agoxoic cinco ye 'oonolec vi'i, dam ñanaguenaqto'ot da so'otaqtac choche ivitta'a nagui?»

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Zacarías 7:5

«Qonapega qome 'enauac na shiỹaxauapi maye hueta'a ne'ena 'alhua, qataq 'enauac na ntaxaỹaxanaxanecpi, qoneta': ‹Qami' qauo'ocheetac naxa da qanqouaqchetaxaqui qataq qanỹeñiitac naxa da ivireuga so ca'agoxoic cinco, qataq so ca'agoxoic siete, qaq de'era mashe ivi' setenta años da qauo'ocheetac. Qalaxaye saishet da qauo'ocheetac damaye, souaxat da huo'o naq 'enec qanqa'eñi aỹem,

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Isaías 58:4

yem na'a'q maye qanqouaqchetaxaqui, qalaq nda'a't da huaigui da qancotaxaqui qataq da qal-loquiaxaqui, qataq sa qanasaguenñiỹa't da qanasacñeetega't qauauoita'aisalo naua qanapocnalli'. Qaq cam na'a'q qouaqchetaxaqui maye 'eeta'am de'era qalaq saishet da chegoqchigui da sa'axaỹa ca qanatamnaxaqui.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Malaquías 1:9

Qaq nagui, qauỹaxañiỹot qome Ñim Lo'onatac 'Enauacna da yaqto' qomi' ichoxore'n. Qalaxaye da qaỹa'añiỹot Ñimaye aca qarachetaqtaxanaqche, maye 'eeta'am namayepi, nache saishet qome da qaupicheetega da Ñim Lo'onatac 'Enauacna qami' ỹamaategueta. Qaq Ñim Nataxala' maye Qaica ca Ỹaqalanapec 'eeta':

Éxodo 33:5

cha'aye Ñim Nataxala' 'enapega co'ollaxa so Moisés, 'eeta': «'Aua'aqtaxanem qome na Israel le'ecpi, qoneta': ‹Qami' ỹataqta sa qaualaqai. ¡Ỹoqo'oye da choche cara'acolec taxa da qami' seca'attaiguilo, nache Aỹem qami' selaxachiguilo! Qaq ỹoqo'oye nagui qanqache na qano'otaxachiipi lcat. Ime, qaq selaique ca lataxac ca qami' sheeteque.›»

Jueces 2:4

Nache so nale Ñim Nataxala', co'ollaq ime da la'aqtaxanaxac, nache so Israel le'ecpi ỹataqta 'enauac da na'alaqtapiguiñi da nnoinaxac.

2 Samuel 24:10

Qaq co'ollaq ime aso le'enaxat lmalate se'eso shiỹaxauapi, nache so David ỹataqta huo'o da ntogotaxac, nache da'aqtaxanem Ñim Nataxala', 'eeta': «'Am Nataxala', aỹem, ỹataqta lta'araic da ỹasouaxashet, souaxat da so'ot de'era. Qalaxaye nagui 'onaxaico' da 'auapalaxat de'era ne'enaxac ne'ena 'aramaxashec.»

2 Crónicas 6:27

Nache 'aua'axaỹa qome namayepi da qoueta'a na piguem, qataq 'auapalaxat na lasouaxashetpi na 'aramaxashecpi, qataq na 'aralamaxat nhuo' Israel le'ecpi, qataq 'auapaxaguenec da no'on ñecỹaxac da yaqto' nache quetegue namayepi, nache 'anamaq ca auot da talec 'anqa'en na 'alhua maye 'aỹa'anem co'ollaxa da lalamaxat nam 'aralamaxat nhuo' le'ecpi.

2 Crónicas 30:6

Qaq ime, nache jec so namaxashecpi da icoyeguen 'enauac so lma' ye Israel, qataq so lma' ye Judá, ỹachetac aso lere so nta'a qataq so ltauapi, da ỹa'axatec da lamaxasoxonaxac se'eso nta'a qataq so ltauapi, maye 'eeta': «Qami' Israel le'ecpi, qavi'iguelaqaiỹot qome Ñim Nataxala' maye Natamnaxala' so Abraham, Isaac qataq so Israel, yaqto' Ñimaye qami' ỹe'eguelaxagueta, 'enauac qami' maye qami' ỹe't da lhuaqỹaxac ñi nta'a ye Asiria.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Oseas 12:7

«Na Canaán le'ecpi, qalaq do'ogoxootega ana laloqnaxanaxaqui maye saipaigui ye lcata da huo'o na naloqten, cha'aye nqopita da decachiỹot na laỹepi.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.