Joel 2:11 - La'aqtaqa Ñim Lo'onatac 'Enauacna 2013

¹¹ Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Toba del Oeste

¹¹ Joñe'me Jaliaĝanec Ja 'Nalegue, nach'eñe dajo'tagueta naa'me mach'e lauegaqataqa, en qodomachiya da'me lajamaĝa, ena'am jaga'me qajoĝonaĝa. Yataqata jalcote jogaa'me mach'e leloiquiaĝanaĝanaqa, ja qoyaqanatet ta'le qonaloqoten jena'me yoqo'cha da'me lamajoĝonaĝac. ¡Yataqata 'uo da'me lichic let'adaic qom novita ga'me nolo' jo'ne p'ategue, ga'me nolo' qom nac joñe'me Jaliaĝanec! Qama'le yataqata qaya'te nalo'oguet jo' qomle.

Joel 2:11 Referans Kwoze

Malaquías 3:2

Qalaxaye ¿negue't ca ishet da nala'aguet que'eca na'a'q maye lviraxaqui? Qataq ¿negue'tom cam ishet da nachaata'aguet? Cha'aye qom nvi', nache 'eeta'am ca norec, da yaqto' qomi' iqui'itaxa't, qataq 'eeta'am qome ca nỹoxonaxat da iỹouec nam qarshepaxanaxa.

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Apocalipsis 18:8

Qaq ỹoqo'oye 'oonolec na'a'q ca imaigui da ỹaconeguet 'enauac na nhuaxanaguecpi: lqouaxa, nque'eenaxac qataq da l-leuaxa. ¡Qataq qairolec ca norec da qaỹavigaxat, cha'aye Ñim Nataxala', Ñim Lo'onatac 'Enauacna maye qaica ca ỹaqalanapec, maiche lhuennataxac da ỹauo'o ca nhuaxanaguec!»

Apocalipsis 6:17

Cha'aye mashe ivita ye laloqo' da Ñim Lo'onatac 'Enauacna qataq Ñi Qagueta Llalec da ỹauo'o ca qanhuaxanaguec, qaq qaica ca ishet da dataỹa'aguet da nhuaxanaguec.»

Joel 3:16

Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Salmos 46:6

Qaq da da'axaỹaqtaxa'n naua la'aqtaqa Ñim Lo'onatac 'Enauacna nache cholaxan ana 'alhua, qataq ñi'i na ỹotta'a't shiỹaxauapi qataq ỹe'egora't na nta'alpi.

Amós 5:20

Qaq que'eca na'a'q maye lviraxaqui Ñim Nataxala', camaye napalaxa qaq saishet da yo'oqchiguiñi, qataq ỹataqta sa nsatchiguiñi napalaxa, nache ỹataqta qaica ca yo'oq.

Joel 1:15

¡'Agai que'eca na'a'q! ¡Cha'aye mashe nayeetai' ca na'a'q maye lviraxaqui Ñim Nataxala'! ¡Que'eca na'a'q ỹataqta chaqaic, cha'aye Ñim Qaica ca Ỹaqalanapec nlaxaañi qome 'enauacna!

Jeremías 50:34

Qalaxaye na lca'alaxaqui namayepi, namaye ỹataqta 'añaxaic, nam le'enaxat Nataxala' maye Qaica ca Ỹaqalanapec. Namaye pa'aiguet qome da ỹo'otec namayepi ca nalochiguiñi lataxac, qataq nda'a qome ca nlagaxayec ne'ena 'alhua, qaq cam lchec qalaq talec naqa'en na lma' ye Babilonia.»

Isaías 42:13

Ñim Nataxala' qom inoxonec nache 'eeta'am ca alaataxaic, qaq qom deloqui nache 'eroigui da layeloxo 'eeta'am ca alaataxaic, qataq nlamaxaren qataq ỹa'alaqtalec da nalaataxac, nache nauec qome na npa'aguenaxauapi.

Isaías 13:4

Qaỹa'aqtega na na'alaxacpi lamaqteguelec aye qasoxonaxapi, 'eeta'am da la'alaxac ca qalota shiỹaxauapi. Qataq qaỹa'aqtega da l-lamaxa na ỹotta'a't shiỹaxauapi, nam nhuo' le'ecpi maye laỹootega't. Qaq Ñim Nataxala' maye Qaica ca Ỹaqalanapec naloqna't na le'enaxatpi nam nalleppi maye lhuotta da nalat.

Números 24:23

Ime, nache so Balaam qaltaq do'onaxaataueegue da la'aqtac, 'eeta': «¡'Agai! ¿Che negue'tom qome ca nca'altauec, qom ỹo'ot de'era Ñim Lo'onatac 'Enauacna?

Joel 2:31

Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

Jeremías 25:30

'Am Jeremías, 'auachegoxotchigui qome da ỹe'enaxat da 'aua'axatem namayepi 'enauac de'era, qoneta': ‹Ñim Nataxala', qaỹa'axaỹa qome da lavillỹaxac dellimigui chemqot na pa'asheguem, chemaxaña yem ỹataqta qui'itta maye netaña Ñimaye. Cha'aye dataỹa'aguet ana lalopi qaguetapi qaq da la'alaxac Ñimaye qalaq 'eeta'am ca petapigui ana uva, qataq dataỹa'aguet 'enauac na netalec ana 'alhua.

Amós 5:18

¡Choxoraicpiolec qome nam ỹayeeta'aguet ca na'a'q maye lviraxac Ñim Nataxala'! ¿Qaq peta'a qauaỹachiñi ca 'eetec qome que'eca na'a'q? Cha'aye que'eca na'a'q, nda'a't qome na napalaxa, nache qaica ca yo'oqchiguiñi.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Joel 2:25

Qaq aỹem qami' she'eguelaxatema qome som deqat ala na nañiguishe, maye chec co'ollaxa na qoche'l, pelgaxanaq qataq ana shiiquioxoipi, maye ỹamaxashecpi da qami' ñamaxalo co'ollaxa.

Ezequiel 22:14

Qaq saishet qome da 'aupettega da 'aushet da aỹem 'auataỹa'aguet, qom 'am sataiguet da 'am ñemit. Qaq 'era da ỹa'aqtac Aỹem Nataxala', qaq damaye sepacchigui qome da so'ot,

Isaías 7:18

Qaq que'eca na'a'q Ñim Nataxala' yo'oxon qome, nache 'eeta'am aca lotaxañi da anac naqa'en ca shiỹaxauapi maye hueta'a cam ỹataqta qaỹoqta talapi ye Egipto, qataq 'eeta'am ca te'esaq lta'a lalaxat da anac naqa'en nam hueta'a ye Asiria.

1 Ts 4:16

Cha'aye Ñim Lo'onatac 'Enauacna qom 'enapega so lataxala' na lamaxashecpi piguem le'ecpi, nache sa'axasoxoỹa aca nasheere da ỹa'axat So Qarataxala' da huenoteeguesop na piguem, nache na da'amqaanataxan co'ollaq saxanaxa da ileu, nachena na la'auaxanec da nca'alec.

Joel 1:6

Cha'aye na qalota qataq 'añaxaicpi shiỹaxauapi imattalec na ña'alhua, qaq naua lhue qalaq 'eeta'am naua lhue na llon, qataq naua lhue lapiataxanaqtel qalaq 'eeta'ama naua lapiataxanaqtel ana lloona.

Joel 2:1

Ña qauashiiyigui ana nasheerepi da huaña na Sión, qataq ana peenaq lcouepi da huaña ana qui'itta qasoxonaxa maye lalamaqte Ñim Nataxala'. Ña qaviloxolli qami' maye qoñiitaña na Judá, cha'aye mashe nayeetai' na na'a'q maye lviraxaqui Ñim Nataxala',

Joel 2:2

nam na'a'q maye huaigui na napalaxa, qataq ỹataqta napalñi, nam na'a'q maye sansatchiguiñi na lo'oc na piguem qataq na sansatchiguiñi napo. 'Eeta'am na le'eraxa na na'a'q da mashe yaqta'a yo'oxoñi da imattalec da icoỹarelec ana qasoxonaxapi, qaq nache 'eetec da anac ne'ena qalota qataq 'añaxaicpi shiỹaxauapi. Qaq ỹataqta saỹauanapega da qaỹauaachigui ca 'eeta'am namayepi, qataq saishet qome da qaltaq ỹe'eguelaxalec da qaỹauaachigui cam 'eeta'am namayepi.

Joel 3:14

Qaq ỹataqta qalota nam nhuo' le'ecpi maye hueta'a ye ca'amegue Nasataxac, cha'aye mashe nayeetai' cam na'a'q maye lviraxaqui Ñim Nataxala'.

Abdías 1:15

Qalaxaye mashe sa qaỹapeque ca na'a'q da Ñim Nataxala', nmit na ỹotta'a't shiỹaxauapi. Qaq dam 'auo'ot nataqa'en 'am qaỹo'otec qome, nache 'am talec ca 'ansheetenaguec.

Salmos 18:14

Ñimaye ỹasaxauec na lqashelgaxa 'eeta'am naqa'en ana checna, nache na ñepa'aguenaxauapi datauec qataq nlagaxattac.

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.