Joel 1:4 - La'aqtaqa Ñim Lo'onatac 'Enauacna 2013

⁴ Nam no'onaxatañi na qoche'lpi, nache chec na pelgaxanaqpi, qaq nam no'onaxatañi namayepi, nache chec na pelgaxanaq llalaqpi, qaq nam no'onaxatañi na pelgaxanaq llalaqpi, namayepi ỹataqta ỹauta ana shiiquioxoipi.

Toba del Oeste

⁴ Yema yali'j gaa'me qojequioĝoel; chayovida'alo gaa'me te'me 'noquetaque, nataq'aen ena'ama qoyali'j qom'che.

Joel 1:4 Referans Kwoze

Joel 2:25

Qaq aỹem qami' she'eguelaxatema qome som deqat ala na nañiguishe, maye chec co'ollaxa na qoche'l, pelgaxanaq qataq ana shiiquioxoipi, maye ỹamaxashecpi da qami' ñamaxalo co'ollaxa.

Amós 4:9

Qataq qami' seroleguete so lta'araic la'at maye ỹataqta dapaqa qataq na qoche'l, qataq aso shiiquioxoipi da yaqto' ỹauta 'enauac aso qa'añiguishe, uvapi, higopi, qataq aso olivopi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Amós 7:1

Qaq 'era da ỹauanaqchec maye aỹem ỹanem Ñim Nataxala', co'ollaq ñaq cheta'ague da ñaxat nam dalaxaic nañiguishec maye qoỹaañi naxa da ime da qanqat na ala nam hua'auñi lañiguishec so nta'a, nache sela'a Ñim Nataxala' da iqataxaatai' aso qalota shiiquioxoipi.

Isaías 33:4

nache na npa'aguenaxauapi 'eeta'am qome aca qalota shiiquioxoipi, da nqo'ona namayepi da deuotaxanec da lsallaxa.

Salmos 78:46

Qataq na qoche'l da chec na lañiguishec ala, qataq ana shiiquioxoi da yaqto' chec na lañiguishec.

Éxodo 10:4

Cha'aye qom ñaq queta da 'anqanaxattac da yaqto' saishet da jec namayepi, nache qonte', qaq aỹem ñamaxalec aca shiiquioxoipi na 'ana'alhua.

Jeremías 51:14

Ñim Nataxala' maye Qaica ca Ỹaqalanapec, maiche ỹan co'ollaxa da la'aqtac, 'eeta': «'Am ñamaxa qome ca qalota 'ampa'aguenaxauapi 'eeta'am ana shiiquioxoipi, nache camayepi 'am do'onaxaatalec qome da 'am loxonec.»

Salmos 105:34

Qaq co'ollaq qaltaq detaqa Ñim Lo'onatac 'Enauacna, nache anac aso qalota shiiquioxoipi.

2 Crónicas 7:13

Qaq da huo'otaq sa ñamaq ca auot maye chegoqo'ot na piguem, huo'otaq da ñamaq aca shiiquioxoipi da chec na huetalec na no'onaxa, huo'otaq da ñamaxa ca nalolaxa na ỹalamaxat nhuo' le'ecpi,

Deuteronómio 28:38

Qataq qalota qome aca 'aỹa'aañi ala ca nañiguishecpi qalaxaye saq 'amaqtaq aca 'anqat ala, cha'aye chec aca shiiquioxoipi nache ỹataqta ỹauta.

Jeremías 51:27

Qaỹa'añiỹasheguem aca qara'anaxanaxache ne'ena 'alhua. Qauashiiyigui ana qarasheerei, qataq naỹamaxat qanqa'eñi 'enauac na ỹotta'at shiỹaxauapi da yaqto' qauloquiaxañi ye Babilonia. Qom qauloquiaxañi yemaye nache qauauaqaiguet na nta'alpi ye 'alhua Ararat, ye Mini, qataq ye Asquenaz. Qataq qauauoi ca nataxala' da ilo'ogue da alaataxac. Qataq qoquiỹot qome na caipi 'eeta'am qanqa'eñi aca qauemai shiiquioxoipi.

1 Reyes 8:37

Qaq da huo'o ca nqouaxa ne'ena 'alhua, napaxaco, lqaxaỹaxa, huo'otaq ỹauta na nañiguishecpi ana shiiquioxoipi, pelgaxanaqpi, huo'otaq da coleesop ca mpa'aguenaxauapi na na'alhua namayepi, huo'otaq da nvita ca camachaqca nam lcheeguesat, huo'otaq na nalolaxapi,

2 Crónicas 6:28

Qaq ne'ena 'alhua da huo'o ca nqouaxa, nalolaxa, huo'otaq da ana nañiguishe deqaqa souaxat ca napaxaỹaxa, huo'otaq anac ca lalaxat, shiiquioxoi huo'otaq na pelgaxanaq, huo'otaq da anac ca npa'aguenaxauapi da coleesop da iloquiaxan, huo'otaq ca camachaqca lỹa qauem, huo'otaq nhuetaxanaxa,

Deuteronómio 28:42

Qataq 'enauac aca qo'oipaqpi qataq aca ala ca ñaxattalec que'eca 'ana'alhua nlaxaañi qome aca shiiquioxoipi.

Éxodo 10:5

Ime, nache imattalec na 'alhua, ivitta'a da saq yo'oxolec anamaye. Ime, qaq chec nam saq 'amaqtaq lli'iỹoxot aso lache, nataqa'en chec ana qo'oipaq maye ñaxattaleguete naua nanaxanaqa'ate.

Malaquías 3:11

Qataq na ala na qa'añiguishequi sa sashenem qome, da nlaxaañi na lalaxat, qataq na lma' ana qa'añiguishe uvapi.