Joel 1:19 - La'aqtaqa Ñim Lo'onatac 'Enauacna 2013

¹⁹ Qaq aỹem 'am seỹaxanot 'Am Nataxala', cha'aye na norec mashe ỹavigaxatta na 'auaqpi maye hualec na toolec 'alhua, qataq nam le'eraxa namaye ỹataqta ỹavigaxatta ana qo'oipaqpi maye hualec na no'onaxa.

Toba del Oeste

¹⁹ ¡Am jiyaĝanot nayi, am Jaliaĝanec, qa'a jena'me dole' ena'am ta'le joote en yavic yema joga'me auaqapi jo'ne uetalegue ga'me 'nonaĝa, chayovida'alo gaa'me e'epa jena'me viaq!

Joel 1:19 Referans Kwoze

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Amós 7:4

Ime, nache Ñim Nataxala' qaltaq Aỹem ỹachaxana so ỹataqta lta'araic norec, nache somaye ỹataqta deqaxaỹañi naqa'en aso qaỹoqchiguingui auaxai late'erai, qataq nmichiguiñi naqa'en so no'onaxapi.

Miqueas 7:7

Aỹem, qalaxaye seuata'aguet qome Ñim Nataxala', qataq sacheto'ot da ñaquitaxac Ñim Lo'onatac 'Enauacna maye ica'alaxaqui, cha'aye Ñimaye aỹem hua'axaỹa qome.

Lucas 18:7

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

Joel 2:3

Qaq nache 'eeta'am na norec da nlaguiñi naqa'en 'enauac nam huo'o, nache na ỹataqta chaxaguet le'eraxa ỹavigaxat da taỹa'ague, qataq nache 'eeta'am na le'eraxa da mashe ỹapacauec. Qaq qom saxanaxa da nvi', nache na 'alhua ỹataqta no'on, qalaxaye da ỹoxogue nache ana 'alhua 'eeta'am ca toolec 'alhua. ¡Qaq nache qaica qome ca ỹet!

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Lucas 18:1

So Jesús huo'o da daloqnaxana co'ollaq huotaique da ỹapaxaguenec da nache 'eetai' da nqouagaxaueetrac soua lapaxaguenataqa, qataq saishet da nasamyiñi.

Jeremías 14:4

Na shiỹaxauapi maye huetauga na no'onaxa qalaq huo'o da lhuogoxo, nache ỹapotaleguete naua lqaigo, cha'aye qaica ca auot qataq deqaqta na 'alhua.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Jeremías 3:9

Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

Jeremías 9:9

¿Qaq peta'a saishet da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.