Joel 1:18 - La'aqtaqa Ñim Lo'onatac 'Enauacna 2013

¹⁸ ¡Qaq na qana'atetpi qalaq ỹa'alaqtagui! Qataq choche tata'acra' da nmittaique ca 'auaqpi, qaq ana qaguetapi qalaq mashe ileetac.

Toba del Oeste

¹⁸ ¡Qodomachiya qomle da'me noenaĝa'j gaa'me yejidi! Jaga'me uacapi te'me yelodaque ga'me yali'j, yejamaĝaye da'me yec'adeta ga'me 'nonaĝa; nataq'aen jaga'me 'nanaĝatelpi male jetaque yele'u nayi.

Joel 1:18 Referans Kwoze

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Romanos 8:22

Qomi' saỹaanaq da 'enauac na lo'onatacpi Ñimaye huo'o da lachetataic qataq dachotta'am da nqui'ic, 'eeta'am aca 'alo maye mashe huotaique da deco'o.

Joel 1:20

Qataq ivira'a na shiguiỹacpi maye no'onaxa le'ecpi da 'am iỹaxanot, cha'aye ỹataqta deqaqta nam la'auaxacpi na 'etaxat, qataq na norec ỹavigaxatta 'enauac nam 'auaqpisat.

1 Reyes 18:5

Nache so Ajab 'enapega so Abdías, 'eeta': Qolaq, seconnaxalec ne'ena 'alhua, yaqto' semetenaq 'enauac ana lapelpi qataq na la'auaxacpi, shapegueto' qom sanataxa ca 'auaqpi da yaqto' aloq na qarelo caipi, qataq ana molapi, yaqto' ishet da nache nca'altauec qome namayepi, ten qom ỹapactec da qaica ca qana'atet.

1 Reyes 8:5

Nache so nta'a Salomón qataq 'enauac so Israel le'ecpi maye lapoota'a'tpi, nache datataua'a co'ollaxa aso laỹe' da aỹamaxataxac, da ỹaatapegueuo aso lachetaqtaxanaqtepi, qaguetapi, qataq so huaca lhuaraicpi, qaq souaxat da ỹataqta qalota nache saishet da qaivi' da naloqten somayepi.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Habacuc 3:17

Qaq na'aictaxa qome da saishet da dasovi ana higos, qataq da qaca aca ala ana uva, qataq da qaca aca ala ana olivo, qataq da saq ñaxat nam qoỹaalec na nanaxanaqa'pi, qataq da qui'itchigui ana laỹe' ana qaguetapi, qataq da qui'itchigui ana laỹe' anam huacapi,

Hageo 1:10

Qaq ỹoqo'oye saishet da qami' taleguete na auot, qataq ana 'alhua saishet da ñaxat naqa'en na nañiguishec.